သက်ဆုံးနှင်း

ဒါးက (သို့) ကျွန်မရင်ရဲ့ စံပါယ်ပန်းလေး၊ ကျွန်မရင်ငွေ့နဲ့ အလှမ်းဝေးတာ ကြာလှပေါ့။

ဆေးညွှန်းတစ်ရွက် ဖတ်ကြည့်မယ် July 7, 2010

Filed under: ဆေးဝါးသုတ — thetsonehnin @ 9:59 AM
Tags:

ကျွန်မတို့ဆီမှာတော့ ဆေးဝယ်ရတာ လွယ်သည်။ ဆရာဝန်ပေးလိုက်သော ဆေးညွှန်းစာကို ပြသည်။ ဆေးဆိုင်၊ ဆေးကောင်တာ ကရောစပ်ပေး လိုက်သည့်အတိုင်း ယူလာမည်။ ဘယ်အချိန်သောက်ပါဆိုသည့်အတိုင်း လိုက်နာသည်။ ဒါက နည်းနည်း ကရိကထများသေးသည်။ ကွမ်းယာ ဆိုင်၊ လမ်းဘေးဆေးဆိုင်က ဆေးရောင်းသည်။ တွဲပေးသည်။ ဒီအတိုင်းသောက်၊ မနက်တစ်ခါ၊ ည တစ်ခါ၊ ဒီလိုမှာသည်။ ခဏတဖြုတ်သက်သာ သွားတာရှိသလို ကိုယ်တိုင်တောင် မသိလိုက်ဘဲ ဘေးထွက်ဆိုးကျိုးခံစားလိုက် ရတာလည်းရှိသည်။ ဆေးဝါးကိုအပျင်းပြေ ချိုချဉ်စားသလို သဘောထားလာကြသည်။ ပညာမတတ်၊ ဆင်းရဲသည့် လူတန်းစားတွေသာမဟုတ်၊ အားလုံးနီးပါးက ထိုစနစ်ကို ကျင့်သုံးနေကြသည်။ မိမိ သုံးလိုက်သော ဆေးသည် ဘာဆေးလဲ၊ ဘာရောဂါအတွက် သုံးလို့ရနိူင်သောဆေးလဲ။ သိဖို့မလို၊ လောလောဆယ် သက်သာသွားရင် ရပြီ။ နောက်တစ်ခေါက်မှ ဆေးခန်းကိုပြမည်။ ဒီလိုနဲ့ နောက်ထပ်၊ နောက်ထပ် အခါပေါင်းများစွာ……။ တတ်ကျွမ်းသူများက ဒီလိုမသောက်ရဘူး၊ ဒီအစာနဲ့ တွဲမသုံးရဘူးလို့ အကြံပေးသောအခါ “ပိုလွန်းတယ်၊ ဟုတ်ရောဟုတ်ရဲ့လား” ဆိုသည့် သံသယ အကြည့်တွေ တပွေ့ တပိုက်ကြီး လက်ဆောင်ရတတ်သည်။
.

ထိုကဲ့သို့အလွယ်တကူ ရောင်းလိုက်၊ ဝယ်လိုက်လုပ်နေသော ဆေးဗူးလေး၏ထောင့်တစ်နေရာတွင် မျက်နှာငယ်လေးနှင့် စာရွက်လေးတစ်ရွက် ရှိနေတတ်သည်။ ဆေးများအားလုံး၏ အသက်၊ သို့သော် သူရှိနေသည်ကို မည်သူမျှ ဂရုမစိုက်ကြ။ ကျွန်မကြုံခဲ့ရသည့် အဖြစ်အပျက်တစ်ခုကို ပြောပြချင်သည်။ ကျွန်မတို့ ကျောင်းသူဘဝတုန်းက ဆေးဝါးနဲ့ပတ်သတ်ပြီး စာတမ်းတွေတင်ရသည်။ ဈေးကွက်ထဲမှာ အသုံးများသော ဆေးများ ကို စာရင်းကောက်ရသည်။ ဆေးဆိုင်တော်တော်များကနေ ဆေးအညွှန်းစာရွက်များကိုလိုက်စုရသည်။ မနက်ခင်းတည်းက ဆေးဆိုင် တော်တော် များများကနေ လိုက်ကောက်ထားရတော့ နည်းနည်းပင်ပန်းနေကြပြီ၊ နောက်ဆုံးဆိုပြီး ရွေးထားတဲ့ဆိုင်ကိုဝင်၊ ဆေးအကြောင်းမေး၊ ဒီအထိ အဆင်ပြေ နေသေးတယ်။ အားလုံးမေးမြန်းပြီးလို့ “အမ…..Insert စာရွက်လေးရနိုင်မလား” လို့မေးလိုက်တော့ ကြောင်ပြီးကြည့်နေတယ်။ “ဆေးအညွှန်းစာရွက်လေးကို ပြောတာအမ” ဆိုတော့ “ ဘာလုပ်ဖို့လဲ၊ အမတို့တောင် မဖတ်ဘူး” တဲ့။ “ဒီလိုဆို ဒီဆေးတွေအကြောင်း အမတို့ ဘယ်လိုသိလဲ၊ ဘယ်လိုရောင်းလဲ” မေးလိုက်တော့ “သုံးနေကြမို့သိပါတယ်။ ဒီစာရွက်တွေက အသုံးမဝင်ပါဘူး” တဲ့။ ဒီလိုပြောပြီး ဈေးဝယ်လာ သူတစ်ယောက်ကို သံလွင်ဆီက ဘယ်လိုကောင်းကြောင်း၊ ဘယ်လိုသုံးရမလဲဆိုတဲ့အကြောင်းကို အကျအန ပြောပြနေပါတယ်။ “ဪ်….. ဆေးဝါးဆိုတာ ခေါင်းလိမ်းဆီလောက်တောင် သိဖို့မလိုပါလား”။ ဒီလိုနဲ့ ကျွန်မတို့ ခေါင်းငိုက်စိုက်ကျခဲ့ရသေးသည်။
.

“ဆေးအညွှန်းစာရွက်က မြန်မာလိုမဟုတ်လို့ မဖတ်တတ်တာပါ၊ ဆေးပညာ အသုံးအနှုန်းနဲ့မို့မသိတာပါ” ဆိုပြီး ဆင်ခြေပေးကောင်းပေး နိူင်ပါသည်။ သို့သော် ကျွန်မတို့ ရောင်းဝယ်ဖောက်ကားနေသည်မှာ ချိုချဉ်၊ သကြားလုံးများမဟုတ်သည်ကို ကျွန်မတို့ အားလုံးသိသင့်သည်။ အားလုံးပြည့်ပြည့်စုံစုံ သိရမည်လို့ တော့မဆိုလိုပါ။ အခြေခံအကြောင်းအရာလောက်တော့ သိရမည်။ ဆေးဗူးထဲမှာပါသည့် စာရွက်လေးကို အရေးတယူလုပ်ပြီး ခဏလောက်ကြည့်စေချင်သည်။ သူတို့နှင့် ရင်းနှီးသွားအောင် မိတ်ဆွေဖွဲ့ပေးချင်သည့် ကျွန်မ၏ စေတနာကို နားလည်စေချင်ပါသည်။
.

ကျွန်မတို့ရောင်းဝယ်နေသော ဆေးအားလုံးမှာ နာမည်နှစ်မျိုးရှိသည်။ မူရင်းနာမည် (Generic Name) ရှိသောဆေး (ဥပမာ- Paracetamol) ကို ကုမ္ပဏီတွေက ဆေး A၊ ဆေး B စသည်ဖြင့် အမည်အမျိုးမျိုးနဲ့ တင်သွင်းကြသည်။ ထိုအမည်များကို (Trade Name, Brand Name) လို့သတ်မှတ်ကြသည်။ တချိုလူနာများသည် ဆေးဆိုလျှင် များများသောက်မှ မြန်မြန်ပျောက်မည်ဟု ထင်နေကြသည်။ ထို့ကြောင့် အကိုက်အခဲပျောက်ဆေးဖြစ်ပါလျက် ဆေး A၊ ဆေး B တို့ကို အတွဲလိုက်ကြီးသောက်လိုက်သည်။ မလိုအပ်ပါဘဲ ဆေးများစွာသုံး သည့်အတွက် မမျှော်လင့်သည့် ဘေးထွက်ဆိုးကျိုးများကို ခံစားရသည်။ ပိုးသတ်ဆေးကဲ့သို့ဆေးမျိုးဆိုလျှင် ဆေးယဉ်တာမျိုးဖြစ်နိူင်သည်။ တကယ်လက်တွေ့ သုံးရမည့်နေရာတွင် ဆေးကအသုံးမဝင်တော့ပေ။
.

တစ်ခါက လူတစ်ယောက် ဆေးရောင်းသည်။ ဘာအတွက်ကြောင့်ပဲ ဝယ်ဝယ် ဆေးတစ်မျိုးသာ ရောင်းသည်။ ခေါင်းကိုက်တယ်ဆိုလျှင် လည်း ဒီဆေး၊ နှာစေးချောင်းဆိုးဖြစ်လို့ဝယ်ရင်လည်း ဒီဆေး၊ ညောင်းညာ ကိုက်ခဲသည်ဆိုလျှင်လည်း ဒီဆေး၊ ပေးသမျှ ဆေးအားလုံးသည် အိပ်ဆေးချည်းပင်။ အားလုံးက သူ့ကို မကျေနပ်တော့။ ဒီဆေးချည်းဆိုတော့ သူတစ်ကယ်သိလို့ ပေးတာမဟုတ်ဘူးလို့ သံသယဝင်လာကြသည်။ သူခံယူချက်သည်လည်း မဆိုးလှပါ။ ဘာကိုပဲသုံးသုံး ခံစားနေရသော လက္ခဏာ သက်သာ သက်သာသွားဖို့သာ လိုရင်းဖြစ်သည်။ တစ်နေ့တော့ လင်မယားနှစ်ယောက်ဆေးလာဝယ်သည်။ အခုမှ ညားကာစ လင်မယားတွေ၊ ကလေးမယူချင်သေးသောကြောင့် ကိုယ်ဝန်တားဆေးလို့ချင် သည်တဲ့။ ဒီအခါမှာလည်း အိပ်ဆေးကိုပဲပေးသည်။ ဆေးရောင်းသူကို ကောင်းကောင်းအပြစ်တင်လို့ ရပြီဆိုပြီး ကြိတ်ဝမ်းသာသွားသော လင်မယားခမျာ ဆေးရောင်းတဲ့သူ ပြောလိုက်သော စကားကြောင့် ဘာဆက်လုပ်ရမယ်မှန်းမသိဖြစ်သွားပါသည်။ “ ဒီဆေးက အမျိုးသမီး သောက်ဖို့ မဟုတ်ဘူး၊ အမျိုးသားသောက်ရမှာ” တဲ့။
.

ဒါက ရယ်စရာဇာတ်လမ်းလေး တစ်ပုဒ်ပါ။ သို့သော် သူ့ကနေ ဆက်စပ်ပြီး တစ်ချို့အကြောင်းအရာတွေကို ဆက်စပ်ကြည့်စေချင်သည်။ ဘာကိုပဲသုံးသုံး သက်သာသည်ဆိုသော်လည်း အနာနှင့်ဆေး သင့်တာကိုသာရွေးသင့်သည်။ ထိုအချက် များအားလုံးကို ဆေးညွှန်းစာရွက်၌ ဖော်ပြပြီးဖြစ်သည်။ ဆေးတစ်လုံး သို့မဟုတ် ဆေးတစ်တောင့်တွင် အာနိသင်ပေးနိူင်သောပစ္စည်း (Active Ingredient) တစ်မျိုးသို့မဟုတ် ထို့ထက်ပိုပြီးပါနိူင်သည်။ တုပ်ကွေးမိလျှင် အသုံးပြုရန်ထုတ်လုပ်ထားသော ဆေးတွင် ခေါင်းကိုက်ပျောက်စေသောဆေး၊ အအေးမိနှာစေး ပျောက်စေသောဆေး၊ ချောင်းဆိုးပျောက်ဆေးတို့ပါ တွဲပါတတ်သည်။ ထိုအချက်များကို ဆေး၏ Composition တွင် ကြည့်ရှုနိူင်သည်။ ထိုဆေးမျိုးတွင် ဘာမီတွန်၊ ချောင်းဆိုးပျောက်ဆေးတို့ကို ထပ်မံဖြည့်စွက်ရန်မလိုအပ်ပေ။ အသုံးပြုရမည့် အခြေအနေတို့ကို (Indications) တို့ကို ထည့်သွင်းဖော်ပြထားသောကြောင့် ဆေးတစ်မျိုးကို သုံးတော့မည်ဆိုလျှင် အညွန်းစာရွက်ကို သေသေချာချာ လေ့လာသင့်ပါသည်။
မိမိသည် ဆေးအညွှန်းစာရွက်ကို ဖတ်ရန် အခက်အခဲရှိလျှင်လည်း တတ်ကျွမ်းသူများကို သေချာမေးမြန်းသင့်ပါသည်။
.

ကျောင်းသားတစ်ယောက်သည် သူတစ်ယောက်တည်းဆိုလျှင် ကျောင်းပြေးဖို့ စိတ်ပါချင်မှပါလိမ့်မည်။ သို့သော် နောက်ထပ်အဖော်တစ်ယောက်ရှိလျှင် သူတို့ကျောင်းပြေးနိူင်သလို စာတွေပိုလုပ်တာမျိုးလည်း ဖြစ်နိူင်သည်။ ကျွန်မတို့သုံးလိုက်သော ဆေးများ၏ သဘာဝကလည်း ထိုအတိုင်း ပင်။ ဆေးတစ်မျိုးက အခြားတစ်မျိုးအပေါ်တွင် သက်ရောက်သောကြောင့် ကောင်းကျိုးများ ဖြစ်လာနိုင်သကဲ့သို့ မလိုလားအပ်သော ဘေးထွက် ဆိုးကျိုးများလည်းဆက်ဖြစ်လာနိူင်ပါသည်။ ထိုအဖြစ်အပျက်များကို ဆေးအချင်းချင်းအပြန်အလှန်သက်ရောက်မှုများ (Drug Interaction) ဟုခေါ်ပါသည်။ Ampicillin ကဲ့သို့ဆေးကို ကိုယ်ဝန်တားဆေးနှင့် တွဲသောက်လျှင် တားဆေး၏အာနိသင်လျော့ကျသွားနိူင်သည်။ သံဓါတ် ပါသောအားဆေးကို နို့နှင့်တွဲသောက်ပါက အာနိသင်ရချိန် ကြာနိူင်သည်။ ဤကဲ့သို့ အချက်အလက်များကို သိထားလျှင် မည်သည့်အစာများနှင့် တွဲမသောက်သင့်ဘူး၊ မည့်သည့်ဆေးမျိုးကို တွဲမသောက်သင့်ဘူး ဆိုတာကိုသိလာနိူင်ပါသည်။
.

ဆေးအားလုံးနီးပါးကို ချေဖျက်သော အလုပ်ကို အသည်းကလုပ်ပေးပြီး စွန့်ထုတ်သော အလုပ်ကို ကျောက်ကပ်က လုပ်ပေးပါသည်။ ကျွန်မတို့ ဆေးကိုသုံးစွဲမည့် လူများထဲတွင် အသည်းနှင့်ပတ်သက်သော ရောဂါရှိသူ၊ ကျောက်ကပ်ပျက်စီးနေ သူများလည်း ပါကောင်းပါနိူင်သည်။ အသက်အရွယ်ကြီးသောကြောင့် ယင်းအစိတ်အပိုင်းများ ပျက်စီးနေသူများလည်းပါနိူင်သည်။ ထိုသူများကို ဆေးအများကြီးသုံးစွဲရန် ညွှန်ကြားသင့်ပါ သလား။ လူတစ်ယောက်တွင် အဆင်ပြေသောဆေးသည် နောက်လူတစ်ယောက် အတွက် အသုံးဝင်ချင်မှဝင်နိူင်ပါသည်။ မိမိညွှန်လိုက်သော ဆေးကြောင့် အထူးသဖြင့် ဘေးထွက်ဆိုးကျိုးများကြောင့် ရောဂါအခြေ အနေ ပိုဆိုးသွားခြင်းမျိုးလည်းရှိနိူင်ပါသည်။ ယင်းအခြေအနေမျိုးတို့တွင် သတိထားပြီး ဆေးကိုသုံးစွဲသင့်သည်။
.

ကျွန်မတို့အိမ်တွင် အလှူရှိသောကြောင့် အိမ်နီးချင်းတစ်ယောက်ကို ဖိတ်လိုက်သည်ဆိုပါစို့။ သူနှင့်အတူ အဖော်အပေါင်းများ ပါလာနိူင်သည်။ သူတို့ကို လိုက်မလာရဟု တားလို့မရပေ။ ကျွန်မတို့ သုံးစွဲသော ဆေးများသည်လည်း ယင်းနှင့်သဘောချင်းဆင်သည်။ ဆေး၏ ကောင်းကျိုးကိုလိုချင်လျှင် ဘေးထွက်ဆိုးကျိုးများလည်း (Side Effects) တွဲပြီးပါကောင်းပါလာနိူင်ပါသည်။ ယင်းသည် လူတစ်ယောက်အတွက် ပြင်းထန်ကောင်း ပြင်းထန်နိူင်သော်လည်း တချို့သူများတွင် သိပ်မသိသာပေ။ လူတိုင်းတွင် ခံစားရမည် ဟုပုံသေပြော၍မရသော်လည်း အနည်းနှင့် အများ ခံစားရနိူင်ပါသည်။
.

ဆေးတစ်မျိုးကို တစ်ခါသုံးဖူးသည်၊ မတည့်သည့် အရိပ်အရောင်တွေပြလာလျှင် ထိုဆေးကို နောက်တစ်ကြိမ်ထပ်ပြီး မသုံးစွဲသင့်ပေ။ ကိုယ်ဝန် ဆောင်မိခင်သုံးလိုက်သောဆေးသည် သူမ၏ကိုယ်ထဲတွင် ချေဖျက်ပြီးသည့်နောက် အစိတ်စိတ်ပြိုကွဲ သွားသည်။ ထိုဆေးမှုန်တို့သည် အချင်း ကိုဖြတ်ကာ ကလေးဆီကို ရောက်သွားနိူင်သည်။ နို့တိုက်မိခင်သောက်သုံးနေသော ဆေးဝါးတစ်ချို့၏ စွန့်ပစ်ပစ္စည်းများသည် နို့ရည်ထဲတွင် ပါလာတတ်သည်။ ထိုဆေးသည် ကလေးထံသို့ မရောက်မဟုတ်၊ ရောက်သွားနိူင်သည်။ အနောက်နိူင်ငံတို့တွင် မိခင်သောက်လိုက်သော အရက်သည် ကလေးဆီကိုရောက်နေသည့်အတွက် မမွေးခင်ကတည်းက အရက်စွဲနေသောကလေးများကို တွေ့ရတတ်သည်။ ထို့ကြောင့် ကိုယ်ဝန်ဆောင်သည်၊ နို့တိုက်မိခင် အပါအဝင် ဆေးနှင့်မတည့်ဘူးသူတို့တွင် ဆေးကို သတိထားပြီးသုံးစွဲသင့်ပါသည်။
.

ဆေးတစ်မျိုး ကျွန်မတို့လက်ထဲရောက်လာလျှင် မည်သို့သိမ်းဆည်းရမလဲ ဆိုသောအချက်သည်လည်း အရေးကြီးပါသည်။ ဆေးအများစုသည် ရေငွေ့ကြောင့် ပျက်စီးသွားတတ်သည်။ အချို့ဆေးများသည် ရေခဲသေတ္တာထဲတွင် သိမ်းထားရန်လိုအပ်သည်။ တချို့နေရောင်ခြည်ဒါဏ် မခံနိူင်သောဆေးများကို ပယင်းရောင် ပုလင်းထဲတွင် သိမ်းထားရလိမ့်မည်။ ဆေးအညွှန်းစာရွက်မှာပါသည့် အတိုင်း လိုက်နာပါက ပိုးမွှားများရန် ကိုပါ ကာကွယ်နိူင်ပြီး ဆေးများပျက်စီးမှုကို လျော့ချပေးနိူင်သည့်အတွက် ဆေး၏သက်တမ်းပို ကြာတတ်ပါသည်။ နောက်ထပ် ကျွန်မတို့ သိသင့် သော အရာမှာ ဆေးဝါးများ၏သက်တမ်းဖြစ်သည်။ မဖွင့်ရသေးသော ဆေးဗူး၊ ပုလင်းများတွင် ပါလာသော နေ့စွဲကိုကြည့်ပြီး သက်တမ်းကုန်ဆုံး မည့်နေ့ကို သိနိူင်သည်။ ဆေးအရည်ဆိုလျှင်လည်း ဖွင့်ပြီး၊ ဖျော်စပ်ပြီးသည့်နောက် အချိန်မည်မျှကြာကြာ အထားခံသည်ကို သိနိူင်ပါသည်။ ဆေးအညွှန်းစာရွက်တွင် အခြားသော ဖော်ပြချက်များလည်း ပါရှိကောင်းပါရှိနိူင်ပါသည်။ အိပ်ငိုက်နိူင် သောကြောင့် ဆေးသုံးစဉ် ယာဉ်၊ ကားမောင်းပါက မသင့်တော် ကြောင်းပါရှိတတ်သကဲ့သို ဆေးအားလုံးကို ကလေးနှင့် လက်လှမ်းမမှီသောနေရာတွင်ထားရန်လည်း ရေးသား ထားလေ့ရှိသည်။ ဆေးသုံးမည့် အသက်အရွယ်၊ ရောဂါအခြေအနေတို့ကိုမူတည်ပြီး သူတို့အတွက်သုံးစွဲရမည့် ပမာဏများကိုလည်း ခွဲခြားပြီး ဖော်ပြထားတတ်ပါသည်။
.

ဆေးဝါးကို အနုပညာတစ်ရပ်လို့ ကျွန်မ တင်စားချင်သည်။ နူးညံသည်၊ အသေးစိတ်သည်၊ ထိချက်ပြင်းသည်၊ အယုတ်အလတ် အမြတ်မရွေး သက်ရောက်မူရှိသည်၊ သို့သော် သူတိုကို ကိုင်တွယ်မည့်လက်သည် သူတို့၏သဘာဝကို နားလည်ထားရန် လိုအပ်သည်။ ကျွန်မတို့ လက်ထဲ ရောက်လာမည့် လက်တစ်ဝါးသာသာ အညွှန်းစာရွက်လေးသည် ကျွန်မတို့ ခန္ဓာကိုယ်နှင့် ဆေးဝါးတို့ကို ထိန်းညှိပေးနိူင်ပါသည်။ ကျွန်မတို့ အတွက် အဖိုးမဖြတ်နိူင်သော အသိပညာကိုပေးနိူင်သည်။ ကျွန်မရေးနေသော ဤဆောင်းပါးသည် တစ်စုံတစ်ဦး ထိခိုက်စေလိုပြီး ရေးသား ထားသည်မဟုတ်ပေ။ အားလုံးကို သိစေလိုသော စေတနာကို အရင်းတည်ပြီး မွေးဖွားလိုက်သော ဤဆောင်းပါးကြောင့် တစ်စုံတစ်ယောက်၏ အသိဥာဏ်တစ်ချက် လက်ခနဲဖြစ်သွားသည်ဆိုလျှင် ကျွန်မ အပင်ပန်းခံပြီး ရေးရကျိုးနပ်ပါသည်။

နှင်းနုလွင်(ဆေးဝါး)
စရဏ မဂ္ဂဇင်း (နိုဝင်ဘာ၊ ၂၀၀၉
)

Advertisements
 

One Response to “ဆေးညွှန်းတစ်ရွက် ဖတ်ကြည့်မယ်”

  1. ဟုတ်တယ် …။

    ကောင်းတယ်..။

    နည်းနည်းတော့ အားပျော့တယ် …ထင်တယ် ။

    အမ က စာရေးတာရှင်းတယ်…။ နည်းနည်းတော့ ဝေ့လည်ကြောင်ပတ်လုပ်ချင်တဲ့ ဥာဉ် ပါနေသလိုပဲ..။

    မောင်လေးကတော့ လိုတိုရှင်း ကို ပို နှစ်သက်တယ် ။ ရင်ကို ဒိုင်းဒိုင်းထိတယ် လေ ။
    ဂျပု
    ထု
    ဂလု …။
    အဲလိုမျိုးလေး လေ ။

    အမ ရဲ့ပြောစကားတွေ အများပြည်သူ့ရင်ထဲ ၀င်ရောက်မွေနှောက်နိုင်ပါစေ.. လို့ အားပေးလျက် ။ ။


Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s