သက်ဆုံးနှင်း

ဒါးက (သို့) ကျွန်မရင်ရဲ့ စံပါယ်ပန်းလေး၊ ကျွန်မရင်ငွေ့နဲ့ အလှမ်းဝေးတာ ကြာလှပေါ့။

ကျောင်းလွယ်အိတ်ထဲက….ဆွေ November 1, 2010

Filed under: ရေးမိရေးရာ ကဗျာများ — thetsonehnin @ 2:25 AM

အိပ်ရာဝင်အိပ်ရာထ၊ နင်ချမ်းမြေ့ပါစေဆိုတဲ့ အတွေးနဲ့
တမေ့တမော မျက်နှာသစ်ဖူးသူတစ်ယောက်အကြောင်းက
ဒီလိုလေး….ဆွေ။
.
.
နင့်ကျောင်းစာအုပ်ထဲက လက်ရေးဝိုင်းဝိုင်းလေး
ငါ့ပါးထက်က သနပ်ခါးပါးကွက်လေးများဖြစ်လာလေမလားရယ်လို့
မျှော်လင့်ချက်ရေးရေးလေးနဲ့ သောင်ပြင်မှာ ဆေးခြယ်ခဲ့ဘူးတယ်။

.
ငါဟာလေ
နင့်ကောင်းကင်မှာ သက်တံလို ဝေလိုက်
ကြယ်စင်လိုကြွေလိုက်နဲ့
နင်ပေးတဲ့ မကြင်နာတရားတွေ
ငါ့အိမ်မက်ထဲကို တအိအိနဲ့ ပြိုကျနေတယ်။
.
.
နင့်အနာဂတ်ကို နေအကျ
ငါ့နက္ခတ်နဲ့ ခဏလေး ကာထားပေးပါရစေ။
ဂန္တဝင်မမြောက်လည်း ဘာအရေးလဲ
ဆန္ဒတစ်ခုရဲ့ အနာဂတ်ပဲလေ။
နင်ခူးခူး၊ မခူးခူး
ငါရူးဖူးတဲ့ စံပယ်တခင်းဟာ
နင်စွန့်ကြဲရာ အမှတ်တမဲ့တွေနဲ့ ရှင်သန်ဆဲပါလေ။
.
နင့်သံယောဇဉ်အထူအပါးမှာ
ငါ့ဟာ သစ်ရွက်ဖြစ်လိုက် ငှက်ဖြစ်လိုက်နဲ့
ကြိုးရှည်ရှည်နဲ့အလှန်ခံရတာခြင်းတူမှတော့
နင်လွှတ်တင်ထားတဲ့ စွန်တစ်ခုတော့ ဖြစ်ခွင့်ရချင်တယ်..ဆွေ။
.
နင့်မျက်ဝန်း အပင့်…..အတင်မှာ
ငါ့ဟာ ရုပ်ရှင်၊ ရုပ်သေ
နင်မစေခင်က ငါကဒူးထောက်ချင်သူမို့
နင့်နှုတ်ခမ်းရဲ့ အစွန့်အဖျားအမိန့်ကို
ပီပီသသ နာခံပါရစေ..ဆွေ။
.
ဆွေ…..
ဆွေရယ်…..
.
ဒီအပင်စိုက်လို့
ဒီအရိပ်လောက်ပဲနားခွင့်ရှိတော့လည်း
ဟိုသီချင်းထဲကလို
“အဖြူရောင်လေး” ပဲပေါ့….ဆွေ။
.
နင်ကြင်ကြင်နာနာကမ်းလာမယ့်
မိတ်ဆွေဖြစ်စာတမ်းဟာ
ရင်ခုန်သံအရိုင်းအစိုင်းလေးကို
ဆုံးတနေ့အထိ နွေးနွေးထွေးထွေးရှိနေနိုင်စေ။
အဲဒီလို အာမခံပေးနိုင်မလား ဆွေ။

.
ပိတောက်ကြွေတဲ့ရာသီ
ချယ်ရီဝေးတဲ့ဆောင်း
ငါ့နွေမှာတော့ နှင်းပျောက်ပြီ…….ဆွေ။

.
ဧရာဝတီရေကြီးသည်
ဆွေ့ကိုလွမ်းသည်။
.
ရန်ကုန်မိုးခေါင်သည်
ဆွေ…နေကောင်းပါစေ။
.
နင်တို့ခြံထောင့်က ဇွန်ပန်းရုံလေး
သည်းသည်းလှုပ်အောင်ဖွေးသလို
နင့်ကောင်းခြင်းတွေ အစဉ်သဖြင့်မွှေးပျံပါစေ။
.
ကမ္ဘာကြီး ပူနွေးလာပြီ
ဆွေတစ်ယောက် အေးချမ်းပါစေ။
.
ရေခဲမှတ်အောက် အနှုတ် ၂ဝ
အဝေးက ဆွေ ..နွေးနွေးထွေးထွေးရှိပါစေ။
.
ရာသီစာ ..တုတ်ကွေး
အနွေးထည်ဝတ်ဖို့ သတိရပါစေ။
.
ဆွေ…
ဆွေ…
ငါ့ဆွေ..
.
ဆွေရေ
အဖြူအစိမ်းရာသီတွေ လန်းလန်းဆန်းဆန်း
စိန်းပန်းနီနီတွေ တသုတ်ပြီးတသုတ်အကြွေ
မရွယ်ဘဲစုဖြစ်ခဲ့တဲ့ အပြုံးနုနုတွေ အကြောင်းကတော့
အစဉ်အမြဲသစ်လွင်ဆဲပဲ…ဆွေ။
.
နှင်းနုလွင်
(၃၁၊ ၁၀၊ ၂၀၁၀)
.
ဆွေ ~~ ငယ်ကျွမ်းဆွေ

Advertisements
 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s