ပလတ်စတစ်နှင့် ကျန်းမာရေး January 31, 2011

နယ်ကအိမ်ကိုပြန်တုန်းက မုန့်ဟင်းခါးစားဖို့ သွားဝယ်တော့ ဆိုင်ရှင်အမကြီးက မုန့်ဟင်းခါးကို ငှက်ပျောဖက်နဲ့ ထုပ်ပြီးပေးတော့ ဆရာမဂျုးရဲ့ ”ကျွန်မချစ်သောမြို့တစ်မြို့” ကို သွားပြီးသတိရမိတယ်။ ဆရာမရဲ့မြို့လေးနဲ့ ရင်းနှီး နေတော့ နေရောင်ပြထားတဲ့ ဖက်ရွက်လေးနဲ့ထုပ်ထားတဲ့ မုန့်ဟင်းခါးက ဖက်နံ့လေးသင်းလို့။ တူမလေးတွေကတော့ ပြောတာပေ့ါ။ ဒီဆိုင်က ခေတ်သိပ်မမှီဘူးနော် အန်တီလေးတဲ့။ သူတို့မွေးတည်းက ကျွတ်ကျွတ်အိတ်နဲ့ ရင်းနှီးခဲ့ရတော့  ငှက်ပျောဖက်နဲ့ထုပ်တာကို မတွေ့ဘူးသေးဘူး။ ”ကျွန်မချစ်သောမြို့တစ်မြို့” အကြောင်းကို ပေးဖတ်ရဦးမည်။ အခု နောက်ပိုင်းမှာ ကျွတ်ကျွတ်အိပ်သုံးတဲ့ ယဉ်ကျေးမှုက အတော်ကိုလျော့နည်းသွားပြီ။ ကျွတ်ကျွတ်အိတ်ရဲ့  အန္တရာယ်ကို ဟန့်တားလာနိုင်ပြီ ဆိုတော့၊ နောက်တစ်ခုထပ်ပြီး စဉ်းစားရမှာက ပလတ်စတစ်တွေရဲ့ အန္တရာယ်။

~

ကျွန်မတို့စားသုံးနေတဲ့ အစားအစာတွေထဲမှာ ပလတ်စတစ်နဲ့ကင်းတယ်ဆိုတာ အတော်ကို ရှားပါတယ်။ အစား အသောက်တွေကို ဝယ်ခြမ်းတာကနေ ပြင်ဆင်ချက်ပြုတ်တဲ့အထိ သုံးတဲ့ပစ္စည်းတိုင်းမှာ ပလတ်စတစ် မပါတဲ့ပစ္စည်းဆိုတာ သိပ်မရှိဘူး။ ကုန်ထုတ်လုပ်မှုအဆင့်ဆင့်မှာ ပလတ်စတစ်ကို အခြေခံပြီး ထုတ်လုပ်ထားတဲ့ပစ္စည်း တွေကိုသုံးကြတယ်။ အစားအစာတွေကို တနေရာကနေတနေရာကို ပို့ဆောင်တဲ့ ကွန်တိန်နာ (Container)တွေ၊ အစားအစာထည့်တဲ့ဘူး၊ စည်သွတ်ဘူး၊ မုန့်ဘူးတွေ၊ အိမ်ထဲမှာတိုလီမုတ်စထည့်တဲ့ဘူး၊ သိမ်းဆည်းတဲ့ဘူး၊ အစားအစာ တွေကိုပြန်နွေးတဲ့ တန်ဆာပလာတွေအထိ ပလတ်စတစ်က အသုံးတွင်ကျယ်နေပါတယ်။ အဲဒီလိုမျိုး ပလတ်စတစ်နဲ့ ပတ်သက်တဲ့ပစ္စည်းတွေ အသုံးတွင်ကျယ်လာတာနဲ့အမျှ ကျန်းမာရေးကို ထိခိုက်မှုရှိ၊ မရှိဆိုတာ ကိုပါထည့်သွင်းစဉ်းစား ဖို့လိုလာပါတယ်။

~

သိပ်မကြာသေးခင်က ဒီပြဿနာကိုအဖြေရှာမယ်ဆိုပြီး စမ်းသပ်မှုတွေ အများကြီးပြုလုပ်ခဲ့ပါတယ်။ အဲဒီ မှာ Biphenol A လို့ခေါ်တဲ့ ဓါတုပစ္စည်း Chemical ဟာ ကျန်းမာရေးကို ဆိုးဆိုးဝါးဝါးထိခိုက်စေတာကို သွားတွေ့ပါတယ်။ Biphenol A ဆိုတာ အစားအသောက်တွေကို ထုပ်ပိုး ပြင်ဆင်တဲ့အခါမှာ အဓိကထားပြီးသုံးတဲ့ Chemical ပါ။ လွန်ခဲ့တဲ့ နှစ်ပေါင်း များစွာကတည်းက Biphenol A ကို အန္တရာယ်ကင်းတယ် လို့ ယူဆထားကြပေမယ့် အခုတော့ Biphenol A နဲ့ပတ်သက်ပြီး မေးစရာမေးခွန်းတွေ အများကြီးရှိလာပါပြီ။ အစားအသောက်တွေပြင်ဆင်ဖို့၊ စားသောက်ဖို့၊ သိမ်းဆည်းဖို့ အထိ အဆင်ပြေပေမယ့် သူ့ကြောင့် ကျန်းမာရေးမှာ ပြဿနာတွေဖြစ်ပေါ်လာတယ်လို့ ဆိုကြပါပြီ။

~

အစားအသောက်ထည့်ထားတဲ့ ပလတ်စတစ် Container ထဲကနေ Chemical အနည်းငယ်ဟာ  အစား အသောက်တွေထဲကို စိမ့်ထွက်လာပါတယ်။ အဲဒီလိုမျိုးအစားအသောက်တွေထဲ စိမ့်ထွက်လာတာကို Migration လို့ခေါ်ကြပါတယ်။ Container တွေကိုထုတ်လုပ်လိုက်တဲ့ စက်ရုံတွေအနေနဲ့ကလည်း ဒီလိုမျိုး ပြောင်းရွှေ့ဝင်ရောက် တာကို ဟန့်တားလို့မရပါဘူး။  ဘယ်လောက်ပမာဏအထိဆိုတာကို အတိအကျမသိရပေမယ့် အစားအသောက်တွေ ထည့်တဲ့ ဘူးတွေ၊ ခွက်တွေထဲက ဓါတုပစ္စည်းတိုင်းဟာ အစားအသောက်တွေထဲကို ဝင်ရောက်သွားနိုင်တာချည်းပါပဲ။

~

ပလတ်စတစ် Container ထဲမှာ ထည့်ထားတဲ့အစားအသောက်တွေကို အပူပေးလိုက်ရင် ဓါတုပစ္စည်းတွေ ရွှေ့ ပြောင်းမှုက ပိုမြန်ပါတယ်။ အဆီများများပါတဲ့အစားအစာ၊ အငန်ပါတဲ့အစာ၊ အချဉ်ပါတဲ့အစားအစာတွေကိုထည့်ထားတဲ့ Container တွေဟာ အပူနဲ့ထိတွေ့ရင် ရွှေ့ပြောင်းဝင်ရောက်မှုက ပိုမြန်ပါတယ်။ ခန္ဓာကိုယ်ထဲကို ဘယ်လောက် အတိုင်း အတာအထိ ဝင်သွားတယ်ဆိုတာကိုတော့ အတိအကျပြောဖို့ခက်ပါတယ်။ မီးဖိုချောင်သုံးပစ္စည်းတွေ ပြုလုပ်တဲ့နေရာ မှာလည်း အများစုဟာ ဘေးကင်းတယ်လို့ သတ်မှတ်ထားကြပေမယ့်လည်း အမြဲတမ်းအတွက်တော့ အကြုံးမဝင်ပါဘူး။

~

အစားအစာတွေထည့်တဲ့ ပလတ်စတစ် Container တွေကနေ ထွက်လာတဲ့ ဓါတုပစ္စည်းတွေဟာ ကျန်းမာရေးကို ဘယ်လိုထိခိုက်လဲဆိုတာကို သုတေသနလုပ်ထားတာတွေဟာ နည်းသေးတာကြောင့် ဘယ်လောက် အတိုင်းအတာအထိ စိတ်ချလက်ချသုံးလို့ရတယ်ဆိုတာကိုတော့ ပြောဖို့ခက်ပါတယ်။ အထူးသဖြင့် အချိန်ဘယ်လောက် ကြာကြာသုံးလို့ရသလဲဆိုတဲ့အချက်ဟာ အဓိကပါပဲ။ ဒီနေရာမှာ ထည့်သွင်းစဉ်းစားရမယ့် ဓါတုပစ္စည်း ၂ မျိုးရှိပါတယ်။ တစ်ခုကတော့ Biphenol A ဖြစ်ပြီး နောက်တစ်ခုကတော့ Phthalates ပါ။

~

Plastic & Biphenol A

Biphenol A ဟာ မာပြီးပေါ့ပါးတဲ့ Polycarbonates လို့ခေါ်တဲ့ ပလတ်စတစ်တစ်မျိုးပါ။ ကလေးအသုံးအ ဆောင်တွေ၊ ရေဘူးတွေကို Biphenol A နဲ့ပြုလုပ်ထားပါတယ်။ တစ်နှစ်မှာ Biphenol A ထုတ်လုပ်မှုဟာ ၆ ဘီလီယန် လောက်ရှိပါတယ်။ Biphenol A ဟာ ရေဘူးတွေမှာ အဆိပ်သင့်စေတဲ့အရာတစ်ခုအနေနဲ့ သိကြပေမယ့် တကယ်တမ်း သူနဲ့ထိတွေ့မှုများတာဟာ အစားအသောက်တွေထည့်တဲ့ စည်သွပ်ဘူးတွေရဲ့အနားကြောင့်ပါ။ Biphenol A ဟာ စည်သွပ်ဘူးနှုတ်ခမ်းထဲကနေ ထွက်လာပြီး အထဲမှာသိမ်းထားတဲ့ အစားအစာတွေဆီကို ရောက်သွားပါတယ်။ အစားအစာ ထဲမှာပါလာတဲ့ Biphenol A ဟာ သွေးစီးကြောင်းကိုရောက်လာပါတယ်။

~

လူ ၉ဝ ရာခိုင်နှုန်းရဲ့ သွေးထဲမှာရှိနေတဲ့ Biphenol A ဟာ တိုင်းတာကြည့်လို့ရလောက်တဲ့ ပမာဏအထိ များနေတတ်ပါတယ်။ ခန္ဓာကိုယ်ထဲကို ဝင်လာနိုင်တဲ့ ဓါတုပစ္စည်းတွေထဲမှာ Biphenol A ဟာ ပိုပြီးထင်ရှားပါတယ်။ သူဟာ ဟော်မုန်းတွေရဲ့လုပ်ဆောင်မှု၊ အထူးသဖြင့် Oestrogen လို့ခေါ်တဲ့ အမျိုးသမီးဟော်မုန်းရဲ့ လုပ်ဆောင်မှုကို နှောင့်ယှက်ပေးပါတယ်။ ဓါတ်ခွဲခန်းတွေမှာ တိရစ္ဆာန်လေးတွေကို စမ်းသပ်ကြည့်တဲ့အခါ Biphenol A ဟာ မျိုးပွားအင်္ဂါတွေရဲ့ ဖွံ့ဖြိုးမှုတွေကို ဟန့်တားတာကိုတွေ့ရပါတယ်။ လူတွေဆီကို ရောက်လာနိုင်တဲ့ Biphenol A ပမာဏဟာ အရမ်းနည်းနေပေမယ့် ကိုယ်ဝန်ဆောင်တဲ့အချိန်မှာ သန္ဓေသားကို ထိခိုက်မှုတွေ ဖြစ်စေတတ်ပါတယ်။

~

ဒီတော့ ကျွန်မတို့စားမယ့်အစားအစာတွေထဲမှာ  Biphenol A ပါဝင်မှုကို မဖြစ်မနေကို လျော့ချရပါမယ်။ အဲဒီလို လျော့ချဖို့အတွက်ဆိုရင်း

၁။ စည်သွပ်ထားတဲ့အစားအစာတွေအစား လတ်ဆတ်တဲ့အစားအစာ (သို့) ရေခဲသေတ္တာထဲ ထည့်ထားတဲ့ အစားအစာမျိုး ကိုစားပေးသင့်ပါတယ်။

၂။ ကလေးတွေကို နို့မှုန့်ဘူးတွေတိုက်မယ့်အစား မိခင်နို့ကိုသာ အဓိကပြီးတိုက်ကျွေးတာဟာ အကောင်းဆုံးပါ။

၃။ ကလေးတွေအတွက် အသုံးအဆောင်ပစ္စည်းတွေရွေးချယ်တဲ့အခါမှာ တတ်နိုင်သမျှ ပလတ်စတစ်ပါတဲ့ပစ္စည်းတွေကို ရှောင်ပါ။ သံဘူးလိုဟာမျိုးတွေကိုသာ ရွေးချယ်ပါ။

ဒါတွေက Biphenol A ပါဝင်မှုကိုဟန့်တားတာပါ။ နောက်တစ်မျိုးလျော့ချဖို့ကြိုးစားရမှာက Phthalates။

~

Plastic & Phthalates

သူကတော့ Plasticizer လို့ခေါ်တဲ့ဓါတုပစ္စည်းအုပ်စုကြီးဖြစ်ပြီး သူ့ကို PVC ပိုက်ကနေ ရေမွှေးအထိ တွင်တွင် ကျယ်ကျယ် အသုံးပြုကြပါတယ်။ နှစ်စဉ် တန်ချိန် ပေါင်ဘီလီယန် ပေါင်းများစွာ ထုတ်လုပ်ပြီး နေရာတိုင်းမှာ အသုံးပြု ပါတယ်။ အမေရိကန်လူမျိုးတွေမှာ စစ်တမ်းကောက်လေ့လာမှုတွေအရ သူတို့ဆီက လူတော်တော်များများရဲ့ ခန္ဓာကိုယ် ထဲမှာ Phthalates ကို အတိုင်းအတာတစ်ခု အထိတွေ့ရပါတယ်။

~

သုတေသနပြုသူတွေအနေနဲ့ Phthalates တွေ ခန္ဓာကိုယ်ထဲကိုဝင်လာတာကို ယုံကြည်ပေမယ့် ဘယ်လိုဝင်လာ တယ်၊ ဘယ်လောက်အတိုင်းအတာထိရှိနေတယ်ဆိုတာကိုတော့ တိတိကျကျ မသိပါဘူး။ ကောက်ပဲသီးနှံတွေကနေ စားမယ့် အစားအစာတွေဆီကို ရောက်လာတာမျိုးဖြစ်နိုင်သလို သိုလှောင်ထားတဲ့ ဘူးတွေထဲကနေ အစားအသောက် ထဲကို ဝင်လာတာလည်း ဖြစ်နိုင်ပါတယ်။ Phthalates သုံးထားတဲ့ မျက်နှာပြင်၊ ကြမ်းပြင်တွေကနေတဆင့် သူ့ကို ရှူမိတတ်ပါတယ်။ Phthalatesျ ပါဝင်တှဲု့ Skin Care တွေ၊ အသုံးအဆောင်တွေကြောင့်လည်း အရေပြားကနေတဆင့် ခန္ဓာကိုယ်ထဲကို ဝင်သွားတတ်ပါတယ်။

~

Phthalates ဟာ အခုအသုံးများနေတဲ့ Chemicals တွေထဲက တစ်ခုအပါအဝင်ပါ။ ကျွန်မတို့အသုံးအပြုနေတဲ့ ရေချိုးခန်း လိုက်ကာကနေ လက်သည်းဆိုးဆေးထုတ်လုပ်တဲ့အထိ နေ့စဉ်အသုံးပြုနေတဲ့ ပစ္စည်းတွေထဲမှာ သူ့ကို တွေ့နိုင် ပါတယ်။ Phthalates ဟာ ခန္ဓာကိုယ်ထဲကိုရောက်ရင် အလွယ်တကူချေဖျက်ခံလိုက်ရပေမယ့် အပြင်ကိုတော့ ထွက်မသွားတဲ့အတွက် သွေးတွေ၊ ဆီးတွေကို စစ်ကြည့်လိုက်ရင် Phthalates ကိုတွေ့ရပါတယ်။

~

သူဟာ ခန္ဓာကိုယ်ရဲ့ Endocrine System အလုပ်လုပ်တဲ့နေရာမှာ ချို့ယွင်းမှုတွေဖြစ်စေပြီး Hormones တွေ အလုပ်လုပ်တာကို အဟန့်အတားတွေ ဖြစ်စေပါတယ်။ ဟော်မုန်းတွေအားလုံးထဲက အမျိုးသားဟော်မုန်းဖြစ်တဲ့ Testerone ကို အနှောင့်အယှက်ပေးပါတယ်။ ခန္ဓာကိုယ်ထဲမှာ Testerone တွေအလုပ်လုပ်လို့မရအောင် ဟန့်တား ထားပါတယ်။ အထူးသဖြင့် အမျိုးသားများရဲ့ မျိုးပွားအင်္ဂါကို ထိခိုက်စေသလို မျိုးပွားမှုနဲ့ဆိုင်တဲ့ ပြဿနာတွေကိုလည်း ဖြစ်ပေါ်စေပါတယ်။

~

တိရစ္ဆာန်အထီးတွေမှာ စမ်းသပ်မှုတွေလုပ်ကြည့်တော့ Phthalates ကြောင့် လိင်အင်္ဂါတွေသေးငယ်တာ၊ မဖွံ့ဖြိုး တာ၊ သုက်ကောင်တွေနည်းတာမျိုးတွေကို သွားတွေ့ပါတယ်။  ကိုယ်ဝန်ဆောင်ကာလမှာ Phthalates နဲ့ထိတွေ့မှု များရင် မွေးလာမယ့် သားယောက်ျားလေးမှာ ပုံမှန်မဟုတ်တဲ့ အသွင်အပြင်တွေ ပေါ်ပေါက်လာတတ်ပါတယ်။ Phthalates ပါတဲ့ ကြမ်းခင်းကိုသုံးထားရင် မွေးကင်းစကလေးတွေမှာ အသက်ရှုလမ်းကြောင်းနဲ့ ပတ်သက်တဲ့ရောဂါတွေ ကိုခံစားရစေပါတယ်။ လူတွေရော၊ တိရစ္ဆာန်တွေမှာပါ အသည်းကင်ဆာဖြစ်စေပါတယ်လို့လည်း ဆိုထားကြပါတယ်။

~

အမျိုးသမီးတွေမှာတော့ နေရာလွဲပြီးကိုယ်ဝန်ဆောင်တာမျိုးတွေကို ဖြစ်စေပါတယ်။ ပေါင်မပြည့်ဘဲမွေးဖွားလာတဲ့ ကလေးငယ်တွေရဲ့ သွေးထဲမှာ Phthalates ပမာဏမြင့်တက်နေတာကိုတွေ့ရပါတယ်။ မိန်းကလေးငယ်တွေမှာ ဆိုရင်လည်း ရင်သားဖွံ့ဖြိုးမှုတွေစောလာပြီး အပျိုမြန်မြန်ဖြစ်နိုင်ပါတယ်။ မကြာသေးခင်က ပြုလုပ်ခဲ့တဲ့လေ့လာမှုတွေ အရတော့ Phthalates ဟာ ကလေးငယ်တွေမှာ အဝလွန်စေတယ်လို့ ဆိုကြပါတယ်။ ခန္ဓာကိုယ်ထဲမှာ Phthalates များနေတဲ့ အမျိုးသားတစ်ယောက်ရဲ့ ဆဲလ်တွေဟာ အင်ဆူလင်အလုပ်လုပ်တာကို မတုံ့ပြန်တဲ့အတွက် သွေးထဲမှာ သကြားဓါတ်တွေမြင့်တက်လာပြီး ဆီးချိုရောဂါကို ခံစားရစေပါတယ်။ သိုင်းရွိုက်နဲ့ပတ်သက်တဲ့ ပြဿနာတွေ၊ ပန်းနာရင်ကြပ်၊ အရေပြားဓါတ်မတည့်မှုတွေကိုဖြစ်စေပါတယ်။

~

ဒီလိုဆိုရင် ကျွန်မတို့အတွက် ပလတ်စတစ်ဟာ အန္တရာယ်ရှိတဲ့ပစ္စည်းဆိုတာကို အားလုံးလည်း သိသွားပါပြီ။ ပလတ်စတစ်ဟာ လူကြီး၊ လူငယ်၊ အမျိုးသမီး၊ အမျိုးသားမရွေး အန္တရာယ်ဖြစ်စေတာကြောင့် သူနဲ့ထိတွေ့မှုကို တတ်နိုင် သမျှလျော့ချရပါမယ်။ ပလတ်စတစ်ဘူးတွေထဲကို အဆီတွေ၊ အချဉ်သနပ်တွေ အကြာကြီးထည့်ထားပြီးစားတာမျိုးကို ရှောင်ရပါမယ်။ ပလတ်စတစ်ခွက်တွေထဲကို အပူတွေထည့်တာ၊ သူတို့ကို အပူပေးတာမျိုးတွေလည်း သတိထားရပါမယ်။ ကလေးတွေအတွက် နို့ဘူးလိုအသုံးအဆောင် ပစ္စည်းတွေရွေးတဲ့အခါမှာ ပလတ်စတစ်တွေအစား ဖန်တွေကိုသာ ရွေးချယ်သင့်ပါတယ်။ အစားအသောက်ထည့်ထားတဲ့ ပလတ်စတစ်ဘူးတွေ၊ ခွက်တွေမှာ အရောင်ပြောင်းလာတာ၊ ပုံစံ ပြောင်းလာတာမျိုးရှိရင် သူတို့ကို မသုံးသင့်တော့ပါဘူး။ အမှန်တကယ်တော့ ကျွန်မတို့ရဲ့လူနေမှုဘဝ အဆင့်အတန်း မြင့်ပြီး အဆင်ပြေလွယ်ကူစေဖို့ ပလတ်စတစ်ပစ္စည်းတွေဖြစ်ပေါ်လာရတာပါ။ သူတို့ရဲ့အကျိုးကျေးဇူးတွေကလည်း အများကြီးပါပဲ။ ဒါပေမယ့် လွန်လွန်ကဲကဲထိတွေ့မှုများလာရင် အန္တရာယ်ဖြစ်စေလို့ ရှောင်ကြပါလို့ သတိပေးလိုက်ပါရစေ။

~

~

နှင်းနုလွင်(ဆေးဝါး)

အာရောဂျံ မဂ္ဂဇင်း၊

ဖေဖော်ဝါရီ ၂၀၁၁

 

ဘဝ နေဝင်ချိန်တွေ မစောစေချင်ပါ January 15, 2011

”ဆေးလိပ်လည်းတို၊ နေလည်းညိုပြီ

ငါ့ကို အိမ်ပြန်ပို့ကြပါလေ”

အမှတ်မထင်ဖတ်ဖြစ်ခဲ့တဲ့ ဘဝသရုပ်ထင်ဟပ်နေတဲ့ ကဗျာအပိုင်းအစလေးတစ်ခုပါ။ နည်းနည်း ကြာနေတော့ ရေးတဲ့သူကိုတော့ မမှတ်မိတော့ဘူး။ ဒီကဗျာလေးကို ဖတ်နေရင်းနဲ့ မိသားစုဝမ်းရေးအတွက် ရုန်းကန်လှုပ်ရှားနေတဲ့ လူတစ်ယောက်ရဲ့ အသွင်သဏ္ဍန်က ကျွန်မရဲ့မျက်စိထဲ တိုးဝင်လာတယ်။ ဝမ်းစာမပြည့်သေးလို့ အိမ်မပြန်နိုင်သေးဘူး။ သက်ပြင်းတောင် ဖြောင့်ဖြောင့်မချနိုင်တော့လို့ သူသောက်နေကျ ဆေးပြင်းလိပ်ကြီးကို ရဲခနဲနေအောင်ဖွာလိုက်၊ မြင်ကွင်းထဲကနေ ပျောက်ကွယ် လုနီးပါဖြစ်နေတဲ့ နေဝင်တာကို ကြည့်လိုက်နဲ့ ကံတရားကို ငြီးပြောလေး ပြောလိုက်တယ်ထင်ပါတယ်။ ဒီလိုညနေမျိုး သူဘယ်နှစ်ရက်လောက် ကြုံခဲ့ရပြီးပြီးလဲဆိုတာကို ကျွန်မစဉ်းစား ကြည့်ဖူးတယ်။ အဖြေကို စဉ်းစားလို့မရသေးခင် သူသောက် လိုက်တဲ့ ဆေးလိပ်အငွေ့က ကျွန်မရဲ့အသိထဲ တိုးဝင် လာတယ်။ ”သူဒီလို အချိန်တိုင်း ဆေးလိပ်သောက်နေသလား၊ ကျန်းမာရေးမှ ကောင်းပါ့မလား၊ သူ့မိသားစုရဲ့ ရှေ့ရေး ဘယ်လိုရှိမလဲ”။

~

စီးကရက်ကလေး နှုတ်ခမ်းမှာတေ့ပြီး လူကြီးဂိုက်ဖမ်းနေတဲ့ ဆယ်ကျော်သက်ကလေးတွေ၊ ဆိုက်ကားဂိတ်မှာ ခရီး သည်စောင့်ရင်းနဲ့ ဆေးပြင်းလိပ်ဖွာနေတဲ့ ဆိုက်ကားသမားကြီးတွေ၊ ဈေးတန်းထဲမှာ အရောင်းအဝယ် မကောင်းကြောင်း ငြီးငြူရင်း ဆေးပေါ့လိပ်သောက်နေတဲ့ အမျိုးသမီးကြီးတွေ၊ အချစ်ရေး၊ စီးပွားရေးမှာ ကံမကောင်းတဲ့အကြောင်း မိတ်ဆွေတွေနဲ့ပြောရင်း ဆေးလိပ်သောက်နေတဲ့သူတွေ၊ ဆေးတံမှာကပ်နေတဲ့ ဆေးရွက်ကြီးရဲ့ချိုးတွေကို ခေါက်ထုတ် နေတဲ့ အဖိုးအဖွားတွေ။ အမျိုးမျိုးပေါ့လေ။ အားလုံးဟာ ဆေးလိပ်နဲ့ ရင်းနှီးနေကြပါတယ်။ လူအမျိုးမျိုး၊ စရိုက်အထွေထွေဆိုပေမယ့် သူတို့ ရှုသွင်းရှုထွက်နေတဲ့ လေတွေဟာတော့ အတူတူပါပဲ။ အငွေ့တွေ၊ ဆေးလိပ်ငွေ့တွေဟာ ကျွန်မတို့ရဲ့ ပတ်ဝန်းကျင်မှာ ပျံနှံ့လို့နေပါတယ်။

~

ဆေးလိပ်က သောက်မိရင်ဖြတ်ဖို့ အရမ်းခက်ပါတယ်။ ဆေးရွက်ကြီးမှာပါတဲ့ နစ်ကိုတင်း (Nicotine) ဟာ အရမ်းစွဲနိုင်ပါတယ်။ မော်ဖင်း၊ ဟီးရိုးအင်းနဲ့ တခြားမူးယစ်ဆေးတွေလိုပဲ ခန္ဓာကိုယ်နဲ့ စိတ်အာရုံဟာ နစ်ကိုတင်းကို တပ်မက်သွားပါတယ်။ ဆေးလိပ်သောက်ဖြစ်တဲ့ အကြောင်းအရင်းကတော့ အမျိုးမျိုးရှိပါလိမ့်မယ်။ တချို့ကတော့ စိတ်ညစ်တဲ့အချိန်၊ စိတ်ရှုပ်တဲ့အချိန်မျိုးမှာ ထွက်ပေါက်တစ်ခုအနေနဲ့ သောက်ပါတယ်။ ရင်းနှီးတဲ့မိတ်ဆွေတွေ၊ ဆွေမျိုးတွေသောက်တာ ကြည့်ရင်းနဲ့ သောက်တတ်သွားပါတယ်။ ဆယ်ကျော်သက်အရွယ်မှာ လက်တည့်စမ်း မြည်းကြည့် ရင်းနဲ့ သောက်တတ်သွားတဲ့သူတွေလည်းရှိပါတယ်။ ဆေးလိပ်သောက်တတ်တဲ့သူ တော်တော်များများဟာ အသက်၁၈နှစ် မပြည့်ခင်ကတည်းက စသောက်တတ်တဲ့သူတွေများပါတယ်။

~

ဆေးလိပ်ကို ထမင်းစားတာ၊ ရေသောက်တာလို ခန္ဓာကိုယ်က အလွယ်တူလက်မခံပါဘူး။ သူဝင်လာတာနဲ့ ချက်ခြင်းထွက်သွားအောင် ဖယ်ထုတ်လိုက်ပါတယ်။ ဒီတော့ စသောက်သောက်ချင်းမှာ သီးတတ်ပါတယ်။ ကြာလာရင်တော့ ခန္ဓာကိုယ်ကလည်း မတတ်နိုင်တော့ဘူး။ ဒါနဲ့ပဲ ဆေးလိပ်စွဲသွားပါတယ်။ ‘မကောင်းမှန်းတော့ သိပါတယ်၊ ဒါပေမယ့် ဖြတ်လို့မရဘူးဗျာ’ လို့ ငြီးတွားကြတဲ့ စကားသံတွေကို ကျွန်မခဏခဏ ကြားဖူးပါတယ်။ ဘယ်သူကမှ ကိုယ့်မှာအန္တရာယ်ရှိနိုင်တဲ့ အလေ့အကျင့်ကြီးကို တယုတယနဲ့ ပြုစုပျိုးထောင်မှာ မဟုတ်ပါဘူး။ ဖြတ်ဖို့ခက်ခဲပေမယ့် ကြိုးစားကြည့်ပါ။ ဆေးလိပ်ကြောင့်ရလာတဲ့ အကျိုးဆက်တွေဟာ ကျွန်မတို့ကို ဘယ်လိုမှကို ကောင်းကျိုးမပေးတာပါ။

~

ကျွန်မတို့ငယ်ငယ်တုန်းကတော့ ပြောင်းဖူးဖက်ဆေးလိပ်ကြီးကို အဖိုးအဖွားတွေသောက်တာကို တွေ့ဖူးတယ်။ အခုတော့ အဲဒီလောက်ကြီးတဲ့ဆေးလိပ်ကို မဖွာကြတော့ပေမယ့် ဆေးလိပ်သောက်တဲ့လူ အရေအတွက်ကတော့ မလျော့ကြသေးပါဘူး။ ဆေးလိပ်သောက်တဲ့သူတွေဟာ တခြားသူတွေထက် ရောဂါပိုထူပါတယ်။ အပယိကဖျားနာတာ၊ တုပ်ကွေး၊ အအေးမိတာတွေ ပိုဖြစ်လွယ်ပါတယ်။ လေပြွန်ရောင်တာ၊ အဆုတ်ရောင် အဆုတ်ပွတာတွေကို ပိုခံစားရပါတယ်။ နဂိုကတည်းက ရင်ကျပ်ရောဂါလိုမျိုး အဆုတ်နဲ့ ပတ်သတ်တဲ့ ရောဂါရှိတဲ့သူတွေဟာ ကိုယ်တိုင် ဆေးလိပ်သောက်တဲ့အခါ ဒါမှမဟုတ် ဆေးလိပ်သောက်တတ်တဲ့သူအနားနေတဲ့အခါမျိုးမှာ ရောဂါဒါဏ်ကို ပိုပြီးခံစား ရတတ်ပါတယ်။ ဒီထက်ပိုဆိုးတဲ့ အခြေအနေတွေက အများကြီးပဲရှိပါတယ်။

~

အမှတ်မထင် ရှိုက်ဖွာလိုက်တဲ့ ဆေးလိပ်ငွေ့ဟာ ကျွန်မတို့ရဲ့ အသက်အန္တရာယ်ကို ခြိမ်းခြောက်နေပါတယ်။ လူတစ်ယောက် ဆေးလိပ်သောက်လိုက်ရင် ကတ္တရာစေး (Tar) တွေထွက်လာပါတယ်။ အဲဒီ ကတ္တရာစေးဟာ ကင်ဆာရောဂါကို ဖြစ်စေပါတယ်။ ဒါကြောင့် ဆေးလိပ်သောက်တဲ့သူတွေဟာ တခြားသူတွေထက်စာရင် ကင်ဆာရောဂါ ပိုဖြစ်နိုင်ပါတယ်။ အဆုတ်ကင်ဆာ၊ လည်ချောင်းကင်ဆာ၊ ခံတွင်းကင်ဆာတွေကတော့ အဖြစ်များပါတယ်။ ဆေးလိပ်ငွေ့ကို ရှိုက်ရှိုက်ပြီး ရှုတဲ့သူတွေဟာ အဆုတ်ကင်ဆာပိုဖြစ်နိုင်ပါတယ်။ ခံတွင်းကင်ဆာဖြစ်နိုင်ချေကလည်း (၄)ဆ ပိုများပါတယ်။ ဆီးအိတ်ကင်ဆာ၊ အစာရေမြိုပြွန်ကင်ဆာ၊ ကျောက်ကပ်ကင်ဆာ၊ ပန်ကရိယကင်ဆာ၊ သားအိမ်ခေါင်းကင်ဆာတို့လည်း ဖြစ်နိုင်ပါသေးတယ်။

~

ဒီလိုအန္တရာယ်တွေဟာ ခုချက်ခြင်းသောက်၊ ခုချက်ခြင်းပေါ်လာတာ မဟုတ်ပါဘူး။ ကျွန်မတို့အိမ်တွေမှာ အမှိုက်တွေမပစ်ဘဲထားလို့ ရက်ကြာလာရင် စုပုံလာသလိုမျိုး ဆေးလိပ်ရဲ့ ဆိုးကျိုးတွေကလည်း အချိန်နဲ့အမျှ များပြားလာတာပါ။ အထူးသဖြင့် ဆေးလိပ်မှာပါတဲ့ နစ်ကိုတင်းဟာ သွေးထဲမှာပိတ်ဆို့နိုင်ပါတယ်။ အဆီတွေကိုလည်း စုပုံများစေပြီး သွေးကြောတွေကို မာတောင့်ကာ ကျဉ်းသွားစေပါတယ်။ သွေးကြောအတွင်းမှာ သွေးခဲတွေပိတ်စေပါတယ်။ နှလုံးကို ထောက်ပံ့ပေးတဲ့သွေးကြော မှာပိတ်ရင် နှလုံးသွေးကြောကျဉ်းရောဂါဖြစ်ပါတယ်။ ဦးနှောက်သွေးကြောမှာဖြစ်ရင် လေသင်တုန်းရမယ်။ လေဖြတ်တာမျိုးတွေ ဆက်ဖြစ်လာတယ်။ ကျောက်ကပ်မှာဖြစ်ရင် ကျောက်ကပ်ပျက်စီးတဲ့အထိ ဖြစ်နိုင်ပါတယ်။

~

ခြေထောက်တွေ၊ လက်တွေကို သွေးသယ်ပေးတဲ့ သွေးကြောမှာဖြစ်ရင် သွေးကောင်းကောင်းမလျှောက် နိုင်တော့လို့ ခြေလက်ပုပ်တာ၊ ဖြတ်ပစ်ရတာမျိုးတွေ ဖြစ်တတ်ပါတယ်။ ဆေးလိပ်မသောက်တတ်တဲ့သူတွေထက်စာရင် နှလုံးသွေးကြောနဲ့ ပတ်သတ်တဲ့ ရောဂါတွေကို (၁ဝ)နှစ်လောက် စောပြီးတွေ့ရတတ်ပါတယ်။ မျက်လုံးမှာရှိတဲ့ အရမ်းနူးညံ့ တဲ့သွေးကြောတွေဟာ ဆေးလိပ်ကြောင့် အလွယ်တကူ ပျက်စီးသွားတယ်။ မျက်လုံးတွေယားလာတယ်။ ဆေးလိပ် အလွန်အကျွံ သောက်တဲ့သူ တွေဆိုရင် မျက်လုံးရဲ့မြင်လွှာတွေ ပျက်စီးသွားလို့ အမြင်အာရုံတွေ တဖြည်းဖြည်း ဆုံးရှုံး သွားတယ်။ ဆေးလိပ်ကြောင့် ကောင်းကျိုးဖြစ်တာတစ်ခုမှမရှိဘူး။

~

ခန္ဓာကိုယ်အတွင်းပိုင်းမှာတင် မကောင်းတာမဟုတ်ဘူး။ စပါးလုံးတစ်ထောက်စာတောင် မရှိတဲ့ အရေပြား အတွက်လည်း မကောင်းဘူး။ ဘာဖြစ်လို့လဲဆိုတော့ ဆေးလိပ်သောက်တဲ့သူတွေရဲ့ အရေပြားဟာ လိုအပ်တဲ့သွေးတွေ၊ အာဟာရတွေ မရတော့ဘူး။ အသားတွေ ညိုညစ်ညစ်ဖြစ်လာတယ်။ ဗီတာမင်အေလည်း လုံလုံလောက်လောက်မရတော့ အရေးအကြောင်းတွေပေါ်လာတယ်။ ပါးရည်တွန့်လွယ်ပြီး ရုပ်ရင့်လာတယ်။ မြန်မြန်အိုလွယ်သွားတယ်။ ရှုထုတ်လိုက်တဲ့ လေမှာ ဆေးလိပ်အနံ့ တွေ စွဲပါလာတယ်။ တော်တော်နဲ့ မပျောက်ဘူး။ ဒီအနံ့က အဝတ်အစားတွေမှာတင်မကဘူး။ ဆံပင်တွေမှာပါ လာကပ်နေတယ်။ အိမ်မှာဆိုရင်လည်း ပရိဘောဂတွေ၊ လိုက်ကာတွေ၊ ကားထဲမှာပါ အနံ့ရနေတယ်။ အပြင်ကလူတစ်ယောက်ဝင်လာတာနဲ့ ဆေးလိပ်သောက်တဲ့သူရှိမှန်း တစ်ခါတည်း တန်းပြီးသိနိုင်တယ်။

~

သွားဖုံးတွေ၊ သွားတွေရဲ့ အခြေမှာ ဆေးလိပ်ချိုးတွေလာကပ်တယ်။ သွားဖုံးရောင်တာ၊ ခံတွင်းနံ့ဆိုးတာတွေ ဖြစ်တတ်တယ်။ အသက်ငယ်ငယ်လေးနဲ့ သွားတွေ ကျွတ်ထွက်လွယ်လာတယ်။ ပါးစပ်ထဲမှာ ချဉ်နေပြီး အနာတွေ အလွယ်တကူ ပေါက်လာတယ်။ အနာတွေက တော်တော်နဲ့ မပျောက်ဘူး။ သွားဝါတာတွေအပြင် အရိုးရဲ့ သိပ်သည်းဆကို နည်းစေတယ်။ တနည်းအားဖြင့် ပြောရရင် အရိုးပါးလာတယ်။ အသက်ကြီးလာတဲ့ အချိန်မှာ အရိုးက ပိုပြီးကျိုးလွယ် လာတယ်။

~

ဆေးလိပ်ငွေ့ကြောင့် အဓိကထိခိုက်သွားတဲ့ အင်္ဂါက အဆုတ်ပါ။ အဆုတ်ထဲမှာရှိတဲ့ လေအိတ်ငယ်လေးတွေ ပျက်စီးသွားပါတယ်။ အသက်ရှုလို့မဝတော့ဘူး။ နာတာရှည်လေပြွန်ရောင်တတ်ပါတယ်။ ဒီလိုဖြစ်ရင် အနည်းဆုံး (၃)လ ခန့် ကြာတတ်ပြီး ချောင်းဆိုးတယ်၊ သလိပ်နည်းနည်းပါတတ်တယ်။ ရင်ကျပ်ပန်းနာရှိရင်လည်း ပိုဆိုးလာတယ်။ နဂိုဖြစ်နေ တဲ့ လေပြွန်ရောင်တာကို ပိုဆိုးစေပြီး ရောဂါ သက်သာဖို့သုံးတဲ့ဆေးတွေရဲ့ အာနိသင်ကို ဆန့်ကျင်လိုက်တယ်။ ဆေးတွေက အာနိသင် မပြနိုင်တော့ဘူး။ အဆုတ်ရဲ့ စွမ်းဆောင်ရည်ကို ဟန့်တားထားတဲ့အတွက် သိပ်ပြီးလှုပ်လှုပ်ရှားရှား မလုပ်နိုင်တော့ဘူး။

~

အားကစားသမားတွေမှာ ပိုသိသာတယ်။ တခြားလူတွေနဲ့ ယှဉ်လို့မရတော့ဘူး။ နှလုံးခုန်မြန်တာ၊ သွေးလှည့်ပတ်မှု မကောင်းတာ၊ အသက်ရှုမဝတာဖြစ်လာတော့ သက်လုံမကောင်းတော့ဘူး။ သူတို့ရဲ့လုပ်ဆောင်မှုတွေ ထိခိုက်လာတယ်။ နောက်ပြီးတော့ ဆေးလိပ်က ခန္ဓာကိုယ်ရဲ့ တွယ်ဆက်တစ်သျှူးတွေကို ဖြစ်ပေါ်တာကိုတားလိုက်တယ်။ ဒါကြောင့် ကစားရင်း၊ လှုပ်ရှားရင်းနဲ့ ဒါဏ်ရာရသွားရင် တော်တော်နဲ့ မပျောက်တော့ဘူး။

~

အိမ်ထောင်သည်တွေ ဆေးလိပ်သောက်တဲ့အခါ ကိုယ်ဝန်ဆောင်တဲ့အချိန်မှာ ပြဿနာတွေ ပေါ်လာတယ်။ အိမ်ထောင်ရေးနဲ့ပတ်သက်တဲ့ ကျန်းမာရေး (Sexual Health) ကိုပါ ထိခိုက်လာပါတယ်။ ကိုယ်ဝန်တား ဆေးသောက်ထားတဲ့သူ၊ ဆေးထိုးထားတဲ့သူတွေ၊ ကွင်းထည့်ထားတဲ့ အမျိုးသမီးတွေဟာ ဆေးလိပ်သောက်ရင် အရမ်းအန္တရာယ်များပါတယ်။ အထူးသဖြင့် နှလုံးနဲ့ ပတ်သတ်တဲ့ရောဂါတွေရလာပါတယ်။ အသက် (၃ဝ-၄ဝ) အရွယ် အမျိုးသားတွေဟာ ဆေးလိပ်သောက်ရင် ပန်းသေပန်းညှိုးပိုပြီးဖြစ်နိုင်ပါတယ်။ အမျိုးသားတွေရဲ့ အင်္ဂါတွေဆီကိုသွားတဲ့ သွေးကြောမှာ နစ်ကိုတင်းတွေက ပိတ်လိုက်ပါတယ်။ သွေးကြောတွေ တဖြည်းဖြည်းနဲ့ကျဉ်းလာပြီး ပျက်စီးသွားတယ်။ သွေးအလုံအလောက် မရတော့တဲ့အတွက် အဲဒီအင်္ဂါတွေဟာ အလုပ်ကောင်းကောင်းမလုပ်နိုင်တော့ဘူး။ ဒီလိုအမျိုးသား တွေဟာ နှလုံးနဲ့ ပတ်သတ်တဲ့ရောဂါတွေကို အလွယ်တကူ ခံစားရတတ်ပါတယ်။

~

ဆေးရွက်ကြီးပါတာ အကုန်လုံးဟာ လူကို အန္တရာယ်ဖြစ်စေတာချည်းပါပဲ။ ဆေးပြင်းလိပ်၊ ဆေးပေါ့လိပ်၊ စီးကရက်၊ ဆေးတံ၊ ဆေးရွက်ကြီးငုံတာကအစ အကုန်လုံး အကျုံးဝင်တယ်။ ဒီပြဿနာတွေဟာ မိမိကိုယ်တိုင်သောက်မှ ကြုံတွေ့ရတာ မဟုတ်ပါဘူး။ တခြားလူသောက်တဲ့ ဆေးလိပ်ငွေ့ကို ရှုမိရင်လည်း ကျန်းမာရေးထိခိုက်နိုင်ပါတယ်။ အဖေ၊အမေနှစ်ဦးစလုံး ဆေးလိပ်သောက်ရင် သူတို့မွေးလာတဲ့ ကလေးလေးဟာ ရင်ကျပ်ရောဂါ၊ လေပြွန်ရောင်တာတွေ ဖြစ်ဖို့ အခွင့်အလမ်းက (၂) ဆ ပိုများပါတယ်။ တခြားဓါတ်မတည့်တဲ့ ရောဂါတွေလည်း ရနိုင်ပါတယ်။

~

ကိုယ်ဝန်ဆောင်သည်အမေသောက်ရင် လမစေ့ဘဲနဲ့ မွေးတတ်ပါတယ်။ မွေးလာတဲ့ကလေးတွေဟာလည်း ပေါင်မပြည့်ဘူး။ အသက် (၂)နှစ်အောက် ကလေးတွေသာ ဆေးလိပ်ငွေ့ကိုရှုမိရင် အသက်ရှုလမ်းကြောင်းနဲ့ ပတ်သတ်တဲ့ ပြဿနာတွေကို ပြင်းပြင်းထန်ထန် ခံစားရတတ်ပါတယ်။ တချို့ကလေးတွေဆိုရင် ရုတ်တရက် အသက်ရှုပိတ်ပြီးသေတဲ့ အထိ ဖြစ်နိုင်ပါတယ်။ အရွယ်ရောက်တဲ့သူတွေဟာ တခြားသူသောက်တဲ့ ဆေးလိပ်ငွေ့ကြောင့် အဆုတ်ကင်ဆာ ဖြစ်နိုင်ချေတွေ ပိုများသွားပါတယ်။ ဒါကြောင့် လူမမယ်ကလေးတွေကို ဆေးလိပ်ငွေ့မရှုရှိုက်စေချင်ဘူး။ သူတို့ရဲ့ အနာဂတ်လေးတွေ လှပစေချင်ပါတယ်။

~

‘ဆေးလိပ်တစ်ခါသောက်ရင် လူတစ်ယောက်ရဲ့အသက်ဟာ ၅ မိနစ်ကနေ မိနစ်၂ဝ အထိ တိုသွားနိုင်ပါတယ်’ တဲ့။ ကျွန်မတို့လူဘဝကို ရောက်တုန်းရောက်ခိုက်လေးမှာ လုပ်သွားစရာတွေ အများကြီး ရှိပါတယ်။ မသိသေးတာတွေ သိ အောင် ရှာဖွေရဦးမယ်။ မိမိသိသလောက်ကို တခြားလူတွေသိအောင်လည်း ပြန်ပြီး ဝေငှခဲ့ချင်သေးတယ်။ အခုလက်ရှိ အတွက်အကျိုးရှိတဲ့ အလုပ်တွေလုပ်နေရသလို နောင်သံသရာအတွက်လည်း အကျိုးရှိအောင်ကြိုးစားရဦးမယ်။ ဒီလောက် အထိ တန်ဖိုးရှိနေတဲ့ ကျွန်မတို့ရဲ့ အချိန်တွေကို ဖမ်းဆုပ်ကိုင်တွယ်လို့မရတဲ့ ဆေးလိပ်ငွေ့တွေက ဖျက်ဆီးပစ်တာ အရမ်းဝမ်းနည်းဖို့ကောင်းပါတယ်။ ကျွန်မတို့ရဲ့ဘဝသက်တမ်းကို ရုပ်ဝတ္ထု အတိအကျမရှိတဲ့ မီးခိုးငွေ့တွေကြောင့် မတိုစေချင်ပါဘူး။ ဆေးလိပ်ဖြတ်တာဟာ မိမိတစ်ဦးတည်း ကောင်းကျိုးအတွက် မဟုတ်ပါဘူး။ မိမိအနီးပတ်ဝန်းကျင်မှာ ရှိတဲ့ မိသားစု၊ မိတ်ဆွေအားလုံးရဲ့ အသက်ကို ကာကွယ်လိုက်တာပါပဲ။ ဒါကြောင့် အားလုံးရဲ့မနက်ဖြန်တွေလှပပြီး သက်တမ်းစေ့နေနိုင်ဖို့ဆေးလိပ်ကို ရှောင်ကြပါလို့ ထပ်ဆောင်းပြီး တိုက်တွန်း လိုက်ပါရစေ။
~
~

နှင်းနုလွင် (ဆေးဝါး)
အာရောဂျံ မဂ္ဂဇင်း ဖေဖော်ဝါရီ၊ ၂၀၁၁

 

ခြေထောက်နာခြင်းနှင့် အစားအစာများ December 8, 2010

မျှင်ထူကြွက်သားတွေ ရောင်ရမ်းပြီး ခြေထောက်တွေနာကျင်တာကို လူတိုင်းနီးပါးကြုံတွေ့ရ တတ်ပါတယ်။ အဲဒီလို ခံစားမှုတွေကို လုံးဝကြီးပျောက်ကင်းသွားအောင် ကုသဖို့က အတော်ကိုခက်ခဲပါတယ်။ ဆေးဝါးတွေဟာူကြွက်သား များ နာကျင်ခြင်း၊ မောပန်းခြင်းနဲ့ တခြားအခြေအနေတွေကိုသက်သာဖို့အတွက်သာ စွမ်းဆောင်နိုင်ပါတယ်။ ဒါကြောင့်လူနာ တော်တော် များများဟာ သူတို့ရဲ့ရောဂါလက္ခဏာတွေ သက်သာဖို့ဆိုရင် သူတို့စားသောက်တဲ့ပုံစံနဲ့ နေထိုင်မှုပုံစံကိုပါ ပြောင်းလဲပေး ဖို့လိုပါတယ်။ ဘယ်လိုအစားအသောက်တွေကို ရှောင်သင့်လဲဆိုတာကို သိထားရင် လူနာအနေကို အတော်ကို အထောက်အကူပြုနိုင်ပါတယ်။ လူနာတချို့ဟာ သူတို့စား သောက်တဲ့အစားအသောက်တွေကြောင့် သူတို့ခံစားရတဲ့ ကြွက်သား နာကျင်မှုတွေ၊ ကြွက်သားတောင့်တင်းမှုတွေဟာ ပိုပြီးဆိုးဝါးလာတတ်ပါတယ်။

.

ကျွမ်းကျင်ပညာရှင်တွေကတော့ ကျောရိုးမနဲ့ ဦးနှောက်မှာရှိတဲ့ အာရုံကြောများ အလွန်ခံစား လွယ်တာကြောင့် ဒီ လက္ခဏာတွေကို ခံစားရတာလို့ သတ်မှတ်ကြပါတယ်။ တချို့အစားအစာတွေဟာ Neurotransmitters ထုတ်လုပ်မှုကို များစေပြီး အဲဒီ Neurotransmitters တွေက နာကျင်မှုတွေ မြန်မြန်ခံစားရအောင်လှုံ့ဆော်ပေးတာကြောင့်လို့ ဆိုကြပါတယ်။ မျှင်ထူကြွက်သားများရောင်ရမ်းနာကျင်မှုနဲ့ အစားအစာဆက်စပ်မှုကို သုတေသနပြုလုပ်ထားတာ နည်းပေမယ့်လည်း သုတေသီတွေဟာ နာကျင်မှုကို သက်သာစေတဲ့အစားစာတဲ့ပုံစံ ၁ဝ မျိုးကို အကြံပေးခဲ့ပြီး ဒီနည်းလမ်းဟာ တာရှည်နာကျင်မှုခံစားနေရတဲ့သူတွေအတွက်တောင် အထောက်အကူပြုစေတာကို တွေ့ရပါတယ်။

.

၁။ လတ်ဆက်တဲ့ အစားအသောက်တို့ကို စားသုံးပါ။

မျှင်ထူကြွက်သားရောင်ရမ်းမှုကို ခံစားရတဲ့လူနာတွေထဲက တစ်ဝက်လောက်မှာ Irritable Bowel Syndrome – IBS လိုမျိုး ဝမ်းလျှောတာနဲ့ ပတ်သက်တဲ့ ပြဿနာတွေကို ခံစားရတတ်ပါတယ်။ အစာတွေကို ကြာရှည်ခံအောင်ထည့်ကျတဲ့ Preservatives တွေ၊ အရသာရှိအောင် ထပ်ထည့်ကြတဲ့ Additives တွေ မပါတဲ့ သန့်ရှင်းလတ်ဆတ်တဲ့ အစားအစာ တွေဟာ ကြွက်သားနာကျင်မှုနဲ့ ဆက်စပ်ပြီး ဖြစ်ပေါ်လာတဲ့ IBS ကို သက်သာစေပါတယ်။ အူလမ်းကြောင်းရွေ့လျားမှုကို လှုံဆော်ပေးတဲ့ အစားအစာတွေဟာ မျှင်ထူကြွက်သားတွေ ရောင်ရမ်းစေတဲ့ အာရုံကြောများ ကိုပါ သက်ရောက်မှုရှိတာကို တွေ့ရပါတယ်။ တိကျတဲ့ ဖြစ်စဉ်တွေကို မသိရသေးပေမယ့်လည်း လတ်ဆတ်တဲ့အစားအစာတွေကို စားသုံးတာဟာ လူတိုင်းအတွက် သင့်တော်တာကြောင့် ဒီနည်းလမ်းကို လူတိုင်းလိုက်နာသင့်ပါတယ်။ အသီးအရွက်တွေထဲမှာလည်း ဓါတုပိုးသတ်ဆေးကို မသုံးထားတဲ့ အသီးအနှံတွေက ပိုပြီး ကောင်းမွန်ပါတယ်။

~

၂။ ကော်ဖီကို မစွဲသောက်ပါနဲ့။

မျှင်ထူကြွက်သားရောင်ရမ်းမှုဟာ စိတ်ပိုင်းဆိုင်ရာ အနေအထားကို ထိန်းချုပ်ပေးတဲ့ ဦးနှောက်မှာရှိတဲ့ Chemicalsတွေကို ပြောင်းလဲမှုဖြစ် စေပါတယ်။ အဲဒီအခြေအနေဟာ အနားမယူရခြင်း၊ ကောင်းစွာမအိပ်စက်ရခြင်း၊ ပင်ပန်းနွမ်းနယ်မှုတွေနဲ့ ဆက်စပ်နေပါတယ်။  ကြွက်သားရောင် နေတဲ့ သူတွေဟာ သူတို့ရဲ့နာကျင်မှုတွေသက်သာစေဖို့ လူကိုတက်တက်ကြွကြွဖြစ်စေတဲ့ ကော်ဖီတွေကိုသောက်တတ်ကြပါတယ်။ တကယ်တော့ ကဖင်းပါတာတွေဟာ ကောင်းတဲ့ အကျိုးထက် ဆိုးကျိုးတွေကို ဖြစ်စေပါတယ်။ ကဖင်းဟာ နာကျင်မှုဝေဒနာတွေကိုတောင် ပိုပြီး ဆိုးဝါးသွားတတ်ပါတယ်။

~

၃။ အသီးအရွက်တချို့ကို ရှောင်ဖို့လိုပါတယ်။

အဆစ်များနာကျင်မှုအတွက် ဟင်းသီးဟင်းရွက်တွေကိုရှောင်ရမယ်လို့ ဆိုကြပါတယ်။ ပုံမှန်အားဖြင့်ဆိုရင် အသီးအရွက်တွေဟာ ကယ်လိုရီနည်းတယ်။ ကျန်းမာရေးနဲ့ညီညွှတ်ပါတယ်။ ဒါပေမယ့် ခရမ်းချဉ်သီး၊ အာလူး၊ ခရမ်းသီးတွေကတော့ အဆစ်များရောင်ရမ်းတာကို ပိုဆိုးစေပြီး တချို့လူနာတွေမှာ နာကျင်မှုကိုတောင်ဖြစ်နိုင်ပါတယ်။ အဲဒီလိုအစားအစာတွေမှာ အာရုံကြောတွေကို အဆိပ်အတောက်ဖြစ်စေတဲ့ အစိတ်အပိုင်းတွေ ပါဝင်ကြပါတယ်။ ဒါနဲ့ ဆက်စပ်ပြီး ခံစားရတဲ့လူနာအရေအတွက်ဟာ နည်းပေမယ့် ဒီလိုအစားအစာတွေကို ဖြတ်လိုက်ရင် သိသိသာသာ ကောင်းသွားတယ်လို့လည်း ပညာရှင်တွေက ဆိုလာကြပါပြီ။

~

၎။ Omega 3 Fatty Acid အဆီ ရအောင် စားပါ။

ဆယ်လ်မွန်ငါးအပါအဝင် ငါးတော်တော်များများမှာတွေ့ရတဲ့ Omega 3 Fatty acid အဆီတွေဟာ နှလုံးကျန်းမာရေးအတွက် အထောက်အကူပြုသလို နာကျင်မှုတွေကိုလည်း ကောင်းစွာထိန်းချုပ်နိုင်တာကို တွေ့ရပါတယ်။ သူတို့ဟာ ရောင်ရမ်းမှုကို လျော့ကျစေပြီး ဦးနှောက်ရဲ့လုပ်ဆောင်မှုတွေကို ကူညီပေးတာကြောင့် လူတွေအတွက် အတော်ကို အထောက်အကူရပါတယ်။ စမ်းသပ်မှုတွေအရတော့ ငါးရဲ့အဆီကိုဖြည့်စွက်စားပေးတဲ့သူတွေထဲက ၆ဝ ရာခိုင်နှုန်းမှာ နာကျင်မှု လက္ခဏာတွေ သက်သာတာကို တွေ့ရပါတယ်။

~

၅။ တစေးပါတာတွေကို ရှောင်ပါ။

တစေး Yeast ဟာ ပေါင်မုန်လိုမျိုး ဖုတ်ထားတဲ့ အစားအသောက်အမျိုးမျိုးတွေမှာ တွေ့နိုင်ပြီး သူနဲ့အတူ Gluten လို့ခေါ်တဲ့ ပစ္စည်းပါ တွဲဖက်ပါတတ်ပါတယ်။ သူတို့ပါတာတွေကို စားသုံးပေးရင် ခန္ဓာကိုယ်ထဲမှာ မှိုစွဲကပ်နိုင်ပြီး နာကျင်မှုတွေကို ပိုပြီး ခံစားရစေပါတယ်။ ကြွက်သားနာကျင်ရောင်ရမ်းနေတဲ့သူတွေဟာ ဂလူတင်ကို ကောင်းကောင်း မယဉ်ပါးနိုင်တာကြောင့် အူနဲ့ ပတ်သတ်တဲ့ရောဂါ Celiac disease ကို ခံစားရစေပါတယ်။ ဒါကြောင့် တစေးနဲ့ ဂလူတင်ပါဝင်တဲ့ အစားအသောက်တွေကို ရှောင်ကြဉ်တာဟာ လူနာတချို့ကို ကောင်းကျိုးဖြစ်စေပါတယ်။

~

၆။ နို့နဲ့နို့ထွက်အစားအစာများ အလွန်အကျွံစားတာမျိုးကို ရှောင်ပါ။

နို့သကြားကို မချေဖျက်နိုင်မှုကို လူတော်တော်များများမှာ ကြုံတွေရရတတ်ပါတယ်။ ဒါကြောင့် မျှင်ထကြွက်သား ရောင်ရမ်းနေတဲ့သူတွေဟာ နို့ပါတဲ့ အစားအသောက်တွေကို ချေဖျက်တဲ့နေရာမှာ အခက်အခဲတွေရှိ လာပါတယ်။ စမ်းသပ်မှုတွေအရူကြွက်သားရောင်ရမ်းနေတဲ့သူတွေထဲက ၄ဝ ရာခိုင်နှုန်းဟာ အစားအစာတွေမှာပါတဲ့ အရာဝတ္ထုတွေနဲ့ ဓါတ်ပြုနိုင်တာကို တွေ့ရ့ပါတယ်။ အထူးသဖြင့်နို့၊ နို့ပါတဲ့ အစားအသောက်တွေနဲ့ အလွယ်တကူ ဓါတ်ပြုနိုင်တာကြောင့် အထူးသတိထားဖို့လိုပါတယ်။

~

၈။ အချိုခဲများစားသုံးမှုကို လျော့ချပါ

ကြွက်သားတွေရောင်ပြီးနာနေတဲ့သူတွေဟာ အချိုခဲအတုတွေကို ရှောင်လိုက်ပြီးတဲ့နောက်ပိုင်းမှာ ပိုပြီးသက်တောင့် သက်သာနေနိုင်လာတာကို တွေ့ရပါတယ်။ အစားအတွေထဲမှာ ထပ်ထည့်တဲ့သကြားခဲအတုတွေ Artificial sweetener ဟာ Excitotoxins လို့ခေါ်တဲ့ ဓါတုပစ္စည်း တစ်မျိုးဖြစ်ပြီး သူတို့ဟာ အာရုံကြောတွေကို လှုံဆော်ပေးနိုင်ပါတယ်။ တနည်းအားဖြင့် နာကျင်မှုတွေကို ပိုပြီး ခံစားရလွယ်လာပါတယ်။ အဲဒီလိုမျိုး ပစ္စည်းတွေဟာ လူတွေရဲ့ ကျန်းမာရေးကို ဆိုးဆိုးရွားရွားထိခိုက်ပျက်စီးစေတာမျိုးမရှိပေမယ့်လည်း နာကျင်မှုတွေကိုတော့ မြန်မြန်ခံစားရစေသလို တချို့အချိုခဲတွေ ကြောင့် အူနဲ့ပတ်သက်တဲ့ရောဂါတွေ IBS ဖြစ်စေတယ်လို့ ဆိုကြပါတယ်။

~

၉။ Additives တွေကို တတ်နိုင်သမျှရှောင်ပါ။

အချိုမှုန့် Monosodium glutamate (MSG) လိုမျိုး အစားအစာတွေပြုလုပ်တဲ့နေရာမှာ အရသာပိုရှိအောင် ထည့်ကျတဲ့ ပစ္စည်းတွေဟာ ကြွက်သားရောင်နေတဲ့သူတွေကို ကောင်းကောင်း အန္တရာယ်ပေးနိုင်ပါတယ်။ အမြန်စာ၊ တရုတ်အစားအစာ၊ အသင့်ထုတ်ပိုး ထားတဲ့ အစားအစာတွေမှာ ပါဝင်တဲ့ အဲဒီအချိုမှုန့်ဟာ နာကျင်မှုခံစားရအောင် လှုံဆော်ပေးနိုင်ပါတယ်။ ကျောရိုးဆစ်ထဲက အရည်ထဲမှာရှိတဲ့ Glutamate ပမာဏနဲ့ ကြွက်သားတွေနာကျင်မှုဟာ ဆက်စပ်နေပါတယ်။ Glutamate ဟာ ခေါင်းကိုက်တာမျိုးကိုသာ ဖြစ်စေသလို ကြွက်သားရောင်ရမ်းမှုတွေကနေ နာကျင်မှု အထိဆက်ဖြစ်နိုင်တာကြောင့် အတော်လေးကို သတိထားစားသုံးသင့်ပါတယ်။

~

၁ဝ။ ကျန်းမာရေးနဲ့ မညီညွှတ်တဲ့ အလွယ်စာတွေကို ရှောင်လိုက်ပါ။

ဖွေးနေအောင်အရောင်ချွတ်ထားတဲ့ သကြားတွေ၊ ကဖင်း၊ ကြော်ထားတဲ့ မုန့်တွေ၊ ပြုပြင်ပြောင်းလဲထားတဲ့ အစားအစာတွေ၊ (အမြန်စာ၊ သကြားလုံး၊ အထပ်ထပ်အခါခါ ပြုလုပ်ထားတဲ့မုန့်) တွေကို အတိုင်းအတာလေးတစ်ခု သတ်မှတ်ပြီးစားသင့်သလို လုံးဝရှောင်လို့ရရင်လည်း ရှောင်ဖို့ ညွှန်ကြားထားပါတယ်။ ကိုယ်အလေးချိန်တက်လာတာကို ထိန်းချုပ်တဲ့အချိန်မှာ အစားအစာတွေဟာြ<ွကက်သားတွေကို မသက်မသာခံစားရစေသလို အိပ်စက်မှုကိုနှောင့်ယှက်ခြင်း၊ ကိုယ်ခံစွမ်းအားအဖွဲ့အစည်းကိုတောင်မှ အဟန့်အတားဖြစ်စေပါတယ်။ ဒီလိုအစားအစာတွေကို ရှောင်လိုက်မယ်ဆိုရင်ြ<ွကက်သားများရောင်ရမ်းနာကျင်မှုတွေကို ထိန်းချုပ်နိုင်တာကို တွေ့ရပါတယ်။

~

နှင်းနုလွင် (ဆေးဝါး)

AROGYM Magazine

December, 2010

စိတ်ကျရောဂါကို ဖြေရှင်းဖို့အတွက် December 4, 2010

စိတ်ကျရောဂါကို ဖြေရှင်းဖို့အတွက် စိတ်ကျရောဂါကို ကြုံတွေ့နေရတယ်လို့ သံသယရှိလာရင် ဆရာဝန်နဲ့ တိုင်ပင်ဆွေးနွေးသင့်ပါတယ်။ ခန္ဓာကိုယ်အတွင်းရှိ Chemicals များပြောင်းလဲမှုကြောင့် ဖြစ်တာလား၊ ပတ်ဝန်းကျင်အနေအထားကြောင့်လားဆိုတာကို ဆရာဝန်က သေချာစစ် ဆေးပြီး သင့်တော်သော ကုသမှုများပြုလုပ်ပေးပါလိမ့်မည်။ မိမိတို့အသုံးပြုသင့်သော ဆေးဝါးများကို ပေးပါလိမ့်မည်။ အဲဒီလိုမျိုး ဆရာဝန်နှင့် တွေ့ဆုံနေတဲ့အချိန်မှာ မိမိကိုယ့်ကိုလည်း ပြန်ပြီး ပြင်ဆင်ထားနိုင်မယ့် တချို့အချက်တွေရှိနေပါသေးတယ်။

.

၁။ ခံယူချက်၊ အတွေးအခေါ်တွေကို ပြောင်းလဲလိုက်ပါ။

စိတ်ကျရောဂါ ခံစားနေရတဲ့အချိန်မှာ အဆိုးမြင်ဝါဒဘက်ကို ဦးတည်နေတတ်ပါတယ်။ မျှော်လင့်ချက်မရှိသော အနေအထားမျိုး၊ ၀မ်းနည်းဖွယ် အနာဂတ်တွေကိုသာ ကြုံတွေ့မယ်လို့ လက်ခံထားကြပါတယ်။ အဲဒီလိုအမြင်တွေကို ပြောင်းလဲပစ်ဖို့ဆိုတာက အတော့်ကို မလွယ်ပါဘူး။ ဒါပေမယ့် စိတ်ကျရောဂါကို ပျောက်ကင်းစေချင်တယ်ဆိုရင်တော့ ဒါကို မဖြစ်မနေကို ပြောင်းလဲရပါတော့မယ်။ အတိတ်က မှားခဲ့သော အမှားများအပေါ်တွင် အာရုံစူးစိုက်မနေသင့်ပါဘူး။ အတိတ်ဖြစ်ရပ်တွေကို တွေးပြီး ယူကျုံးမရဖြစ်နေလေ စိတ်ဓါတ်ပိုကျလေပါပဲ။ ဒါတွေအစား မိမိဘာတွေဖြစ်ချင်တယ်၊ ဘာတွေလုပ်မယ်ဆိုတာကိုသာ အာရုံစိုက်သင့်ပါတယ်။

.

၂။ မိမိကိုယ်ကို အပြစ်မတင်ပါနှင့်။

လူတိုင်းနီးပါးဟာ အမှားရှိခဲ့ဖူးတာချည်းပါပဲ။ အရင်တုန်းက ပြုလုပ်ခဲ့တဲ့ အမှားတွေနဲ့ ပတ်သတ်ပြီး မိမိကိုယ်ကို ခွင့်မလွှတ်နိုင်အောင် အပြစ်တင်တာမျိုးကို မလုပ်သင့်ပါဘူး။ စိတ်ကျရောဂါရှိသူတွေဟာ မိမိကိုယ့်ကို အပြစ်တင်နေတာများရင် သူတို့ခံစားနေတဲ့ ပြဿနာတွေဟာ လျော့ပါမသွားနိုင်တော့ပါဘူး။ ဒါကြောင့် မိမိအမှားကို အဆက်မပြတ် အပြစ်တင်နေတာမျိုးကို ရှောင်သင့်ပါတယ်။ ကြုံတွေ့လာတဲ့အခြေအနေတွေကို ဘယ်လို လက်ခံမလဲဆိုတာကိုသာ စဉ်းစားထားပါ။ လူတိုင်းဟာ ပြီးပြည့်စုံတဲ့သူတွေမဟုတ်တာကြောင့် တခြားသူတွေမှာလည်း မိမိလိုမျိုး အမှားတွေရှိတယ်ဆိုတာကို သိထားပါ။ သိပ်ပြီးကြီးကျယ်တဲ့ အခက်အခဲ၊ ပြဿနာတွေကို ခံစားနေရတာ မိမိတစ်ယောက်တည်း မဟုတ်ဘူးဆိုတာကို နားလည်ထားပေးပါ။

.

၃။ လူများနှင့် ပေါင်းသင်းဆက်ဆံပါ။

စိတ်ဓါတ်ကျနေတဲ့အချိန်မှာ မိသားစု၊ မိတ်ဆွေအပေါင်းအသင်းတွေနဲ့ ကင်းကွာပြီးနေလိုကြပါတယ်။ တစ်ယောက်တည်း နေလိုကြပါတယ်။ မိတ်ဆွေတွေနဲ့ တွေ့ဆုံပါ လို့ အကြံပေးတာဟာ မိမိခံစားနေရတဲ့ ဝေဒနာနဲ့ ပတ်သတ်ပြီး စကားကြီးစကားကျယ်တွေနဲ့ ဆွေးနွေးဖို့မဟုတ်ပါဘူး။ သူတို့နှင့်ဆုံတွေပြီးပျော်ပျော်ရွှင်ရွှင်နေဖို့ပါ။ ပုံမှန်အတိုင်းလေးပဲ တွေ့ဆုံပြီး ရုပ်ရှင်သွားခြင်း၊ ပြပွဲများ၊ အားကစားပွဲများသွားခြင်း၊ ထမင်းလက်ဆုံစားခြင်းတို့ကို ပြုလုပ်သင့်ပါတယ်။

.

၎။ ပုံမှန်အိပ်စက်ချိန်ရအောင် ကြိုးစားပါ။

အိပ်စက်ချိန်နည်းခြင်းနဲ့ စိတ်ကျရောဂါခံစားမှုဟာ တိုက်ရိုက်ကြီး ဆက်စပ်နေပါတယ်။ စိတ်ကျရောဂါကြောင့် အိပ်ချိန်နည်းနေရင် စိတ်ကျရောဂါဟာ ပိုပိုပြီးဆိုးလာတတ်ပါတယ်။ ဒါကြောင့် အိပ်ချိန်၊ ထချိန်ပုံမှန်ရှိရအောင် အလေ့အကျင့်လုပ်ပေးသင့်ပါတယ်။ ညအိပ်ရာဝင်ခါနီးတွင် မိမိတို့သက်ဝင်ယုံကြည်ရာ ဘာသာအလိုက် ဆုတောင်းခြင်း၊ တရားထိုင်ခြင်း၊ ပုတီးစိတ်ခြင်းတို့ကို ပြုလုပ်ပေးသင့်ပါတယ်။ အိပ်ရာဝင်ခါနိးတွင် ကဖင်းနှင့် အရက်ပါဝင်သော အဖျော်ယမကာတို့ကို သုံးစွဲခြင်း၊ ညနက်သည်အထိ အလုပ်လုပ်ခြင်းတို့ကို ရှောင်သင့်ပါတယ်။ နှစ်နှစ်ခြိုက်ခြိုက်အိပ်ပျော်ဖို့အတွက် စိတ်ကို အနားပေးရန်လိုအပ်ပါတယ်။

.

၅။ သက်တောင့်သက်သာရှိစေမယ့် လုပ်ဆောင်မှုတိုင်းကို ပါဝင်ပါ။

စိတ်ကျရောဂါကြောင့် လူတွေဟာ ပျော်အောင် ဘယ်လိုနေရမယ်ဆိုတာကို မသိတော့ပါဘူး။ နှစ်သက်ကြည်နူးမှုကို ရှာမတွေ့နိုင်ပါဘူး။ ဒီလိုအချိန်မျိုးမှာ စိတ်ကျရောဂါကို ကျော်လွှားနိုင်ဖို့အတွက်ဆိုရင် သက်တောင့်သက်သာနဲ့ ပျော်ပျော်ရွှင်ရွှင်နေတတ်တဲ့ ဘ၀ပုံစံကို ပြန်စကြည့်သင့်ပါတယ်။ မိမိကို ပျော်ရွှင်စေတဲ့ အရာတွေကို ပြန်စဉ်းစားပါ။ စာအုပ်ဖတ်ခြင်း၊ ချက်ပြုတ်ခြင်း၊ အင်တာနက်သုံးစွဲခြင်း၊ လမ်းလျှောက်ခြင်း၊ အလည်အပတ်သွားခြင်း၊ ပြတိုက်များ၊ ပန်းခြံများသို့သွားခြင်းတို့ကို ပြုလုပ်သင့်ပါတယ်။

.

၆။ အားကစားလှုပ်ရှားမှုများကို ပြုလုပ်ပါ။

လှုပ်လှုပ်ရှားရှားနေခြင်းဟာ ခန္ဓာကိုယ်အတွက် အကျိုးပြုတဲ့ Chemicals တွေကို ထွက်လာစေပါတယ်။ အားကစားလုပ်တာကြောင့် Endorphins လို့ ခေါ်တဲ့ Chemicals တွေ ထွက်လာပြီး စိတ်ဖိစီးမှုတွေ လျော့ကျသွားပါတယ်။ အားကစားလုပ်တယ်ဆိုတာကလည်း မာရသွန်ပြေးတာလိုမျိုး အားသွန်ခွန်စိုက်လုပ်ရတာမျိုးကို ပြောချင်တာမဟုတ်ပါဘူး။ မိမိကျန်းမာရေး၊ လက်ရှိအခြေအနေနဲ့ ကိုက်ညီမယ့် အားကစားတစ်ခုခုကိုသာ ပုံမှန်လုပ်သွားဖို့ပါ။ တနေ့ကို ၃ နာရီ၊ တစ်ပတ်ကို ၃ ကြိမ်လောက် လုပ်ပေးနိုင်ရင်အတော်ကို အထောက်အကူပြုနေပါပြီ။

.

၇။ အပြင်သို့အလည်အပတ်သွားပါ။

နေရောင်ခြည်နှင့် တိုက်ရိုက်ထိတွေ့မှု နည်းခြင်း၊ ရာသီဥတု အပြောင်းအလဲ၊ အုံ့မှိုင်းသော ရာသီဥတု တို့ကြောင့် စိတ်ပိုင်းဆိုင်ရာ အနေအထား တွေဟာ ယို့ယွင်းလာကာ မူလခံစားနေရသော စိတ်ကျဝေဒနာဟာ ပိုပြီးဆိုးရွားလာတတ်ပါတယ်။ ဒါကြောင့် စိတ်ကျရောဂါကို ခံစားနေရတဲ့ အချိန်မှာ နေရောင်ခံပေးသင့်ပါတယ်။ အလင်းရောင်မရှိတဲ့အခန်းတခုထဲမှာ ငြိမ်ထိုင်နေမယ့်အစား နေရောင်ခြည်အောက်မှာ တနေ့ကို နာရီဝက်ခန့် လမ်းလျှောက်ပေးသင့်ပါတယ်။

.

၈။ အစားအသောက်တို့ကို ဂရုစိုက်ပါ။

Omega 3 Fatty Acids ပါတာတွေဟာ ဦးနှောက်အတွင်း အာရုံကြောများ ဆက်သွယ်မှုကို အားပေးတာကြောင့် အာရုံခံစားမှုကောင်းစေပါတယ်။ ငါးမစားချင်တဲ့သူတွေကတော့ ငါးကြီးဆီဆေးတောင့်တွေကို သောက်နိုင်ပါတယ်။ ငါးကြီးဆီဆေးတောင့်တွေဟာ ငါးညှီနံ့ကို ဖုံးကွယ်ပေးတာကြောင့် သောက်ရတာ အဆင်ပြေပါတယ်။ ပြန်ကြော်ဆီများ၊ ပြုပြင်ပြောင်းလဲထားသော အစားအစာများ၊ အမြန်စာ (Fast Food) များကို မစားသောက်ဘဲ လတ်ဆတ်သော အသီးအနှံများ၊ အရည်ရွှမ်းသော သစ်သီးများ၊ ကောက်ပဲသီးနှံ၊ အဆီမပါသော အသားများကိုစားသောက်တာကလည်း ပြန်လည်ကျန်းမာလာစေဖို့ များစွာအထောက်အကူပြုနိုင်ပါတယ်။

.

နှင်းနုလွင် (ဆေးဝါး)

Good Health Journal

”တာရှည်ဆေးသောက်ရတဲ့အခါ……” November 30, 2010

၁။ မိမိသောက်မယ့်ဆေးဟာ ဘယ်အချိန်မှာ သောက်ရမယ့်ဆေးလဲဆိုတာကို သေသေချာချာသိရအောင် ကြိုးစားထားသင့်ပါတယ။် မနက်ပိုင်းသောက်ရမယ့်ဆေး၊ ညနေသောက်ရမယ့်ဆေး၊ အစာနဲ့တွဲသင့်လား၊ အစာမပါဘဲ သောက်ရ မလားဆိုတာကို သေသေ ချာချာ သိထားဖို့လိုပါတယ်။

.

၂။ သောက်ရမယ့်ဆေးဟာ တစ်မျိုးထက်ပိုတယ်ဆိုရင် ဒီဆေးနဲ့ပတ်သက်တဲ့ အချက်တွေကို ချရေးထားပါ။ တမျိုးနဲ့တမျိုး သတိထားရမယ့် အချက်တွေက ကွာခြားတတ်ပါတယ်။ အဲဒီလိုမှတ်တမ်းလေးနဲ့ခွဲရေးထားရင် သူတို့နဲ့ပတ်သက်တဲ့ အကြံပြုချက်တွေ ဟာ မရောထွေးတော့ပါဘူး။

.

၃။ ဆေးသောက်ဖို့အကြံပေးထားတဲ့အချိန်နဲ့ မိမိအပြုအမူတို့ကို ချိန်ဆကြည့်ပါ။ တချို့ဆေးတွေဟာ အိပ်ငိုက်ခြင်းတွေကို ဖြစ်စေတတ်ပြီး တချို့ကတော့ ခေါင်းမူးစေတတ်ပါတယ်။ မိမိဆေးသောက်မယ့်အချိန်မှာ တခြားအန္တရာယ်ဖြစ်စေတဲ့ အပြုအမှုမျိုးကို ရှောင်ဖို့လိုပါတယ်။

.

၎။ တချို့ဆေးတွေဟာ အချိန်အတိအကျသောက်ဖို့လိုပါတယ်။ အချိန်နာရီအတိအကျခြားပြီး သောက်ရမယ့် ဆေးတွေရှိ နေပါတယ်။ တချို့ဆေးတွေကတော့ သီးခြားညွှန်ကြားချက်တွေလိုအပ်ပါတယ်။ ဆေးတွေ အကောင်းဆုံးအလုပ်လုပ်မယ့် အချိန်နဲ့ ဆေးသောက် မယ့်အချိန် အံ့ကိုက်ဖြစ်အောင် စဉ်းစားထားရပါမယ်။

.

၅။ ဆေးသောက်ပြီး၊ မပြီးကို သိနိုင်တဲ့ အမှတ်အသားကိုထားပါ။ ဒီနေ့အတွက်ဆေးသောက်ပြီးပြီလား၊ မနေ့ကရော သောက်ခဲ့လား ဆိုတာကို တိတိကျကျသိနိုင်ဖို့ ပြက္ဒဒိန်မှာ အမှတ်ခြစ်ထား၍လည်း ရနိုင်ပါတယ်။

.

၆။ ဆေးသောက်ချိန်မှန်အောင် နိုးစက်ထားပေးပါ။ အထူးသဖြင့် တနေ့ကို တစ်ကြိမ်ထက်ပိုသောက်ရမယ့်ဆေးတွေအတွက် ဒီနည်းလမ်းဟာ အတော်လေးကို အထောက်အကူပြုပါတယ်။

.

၇။ ဆေးသောက်ပြီးချိန်မှာ ကြုံတွေ့လာရတဲ့လက္ခဏာတွေကို မှတ်သားထားပါ။ ဆေးပမာဏအပြောင်းအလဲ၊ ဘေးထွက် ဆိုးကျိုး၊ ဆရာဝန်ရဲ့ ညွှန်ကြားချက်တွေကို တွဲပြီး မှတ်သားပေးပါ။ တကယ်လို့ ဆီး၊ ဝမ်း၊ သွေးသကြား စစ်ရတဲ့ လူနာမျိုးဖြစ်နေရင်လည်း အဖြေတွေကို မှတ်သားထားပါ။

.

၈။ ဆေးတွေကို မြင်သာတဲ့နေရာမျိုးမှာ ထားပါ။ အလွယ်တကူမြင်နိုင်တဲ့မြင်ကွင်းမျိုးမှာ ထားရင် ဆေးသောက်ဖို့ မမေ့နိုင်တော့ပါဘူး။ ဒါပေမယ့် မိမိဆေးထားမယ့် နေရာဟာအပူ၊ အအေးမျှတဖို့လိုပါတယ်။ ရေခဲသေတ္တာထဲထား ရမယ့်ဆေးမျိုးဆိုလျှင်လည်း ညွှန်ကြားထားတဲ့အတိုင်းသိမ်းဆည်းရပါတယ်။ အဓိက အချက်ကတော့ ဆေးတွေကို ကလေးတွေနဲ့ လက်လှမ်းမမီတဲ့ နေရာမျိုးမှာသာ ထားပေးဖို့ပါ။

.

.

နှင်းနုလွင် (ဆေးဝါး)
Good Health Journal