သက်ဆုံးနှင်း

ဒါးက (သို့) ကျွန်မရင်ရဲ့ စံပါယ်ပန်းလေး၊ ကျွန်မရင်ငွေ့နဲ့ အလှမ်းဝေးတာ ကြာလှပေါ့။

မိခင်လောင်းများ စားသောက်သင့်သော အစားအစာ ၁ဝ မျိုး November 30, 2010

(က) ဆယ်လ်မွန်ငါး


သိပံ္ပပညာရှင်တွေကတော့ ဒီငါးထက်ပိုကောင်းတဲ့အစားအစာ မရှိဘူးလို့ဆိုကြပါတယ်။ ပထမဆုံးမိခင်ဖြစ်မယ့်သူတွေ အတွက် အာဟာရ ပြည့်ပြည့်ဝဝပါရှိပါတယ်။ သူဟာ နို့တိုက်မိခင်တွေအတွက် အကောင်းဆုံးအာဟာရတစ်ခုလည်း ဖြစ်ပါတယ်။ တခြားငါးတွေရဲ့ အဆီတွေ လိုပဲ သူ့မှာ DHA တွေ ကြွယ်ဝစွာပါရှိပါတယ်။ DHA ဟာ ကလေးငယ်ရဲ့ ဦးနှောက်နဲ့ အာရုံကြော ဖွံ့ဖြိုးမှုအတွက် မရှိမဖြစ်လိုအပ်တဲ့ အာဟာရတစ်ခုဖြစ်ပါတယ်။ မိခင်တိုင်းရဲ့ နို့ရည်ထဲမှာတော့ DHA ပါဝင်ပေမယ့် DHA ပါဝင်တဲ့ အစားအသောက်တွေကို စားထားတဲ့မိခင်တွေမှာတော့ ပါဝင်မှုက ပိုမြင့်ပါတယ်။

ငါးထဲမှာပါဝင်တဲ့ DHA ဟာ မိခင်ဖြစ်သူရဲ့ စိတ်ကို စိတ်ပိုင်းဆိုင်ရာကိုလည်း အားဖြည့်ပေးပါတယ်။ မီးဖွားပြီးတဲ့နောက် ဖြစ်တတ်တဲ့ စိတ်ဓါတ်ကျခြင်းကိုကောင်းစွာ ထိန်းချုပ်ပေးနိုင်ပါတယ်။ တစ်ခုသတိထားဖို့လိုတာကတော့ နို့တိုက်မိခင်တွေမှာတော့ စားသောက်မယ့် ပမာဏကို ကန့်သတ်ထားဖို့ပါ။ စားသုံးတာ များသွားရင် ပြဒါးအဆိပ်သင့်နိုင်တာကြောင့် တစ်ပတ်ကို ၁၂ ပေါင်ထက်ပိုမစားဖို့ အကြံဥာဏ်ပေးထားပါတယ်။ ဒါပေမယ့် တခြားအဆီပါတဲ့ငါးတွေထက်စာရင် ဆော်လ်မွန်ငါးဟာ ပြဒါးပါဝင်မှု နည်းပါတယ်။

~

(ခ) အဆီပါဝင်မှုနည်းသော နို့နှင့် နို့ထွက်ပစ္စည်း


နို့တိုက်မိခင်တစ်ယောက်ဟာ ဒိန်ချဉ်၊ နို့၊ ချိစ်၊ ဘာကိုပဲ နှစ်သက်နှစ်သက် နို့ကရတဲ့ အစားအသောက်အားလုံးဟာ သူ့အတွက် အကျိုးရှိတာချည်းပါပဲ။ နို့ဟာ ပရိုတင်း၊ ဗီတာမင် ဘီ များ၊ ဗီတာမင် ဒီတို့အပြင် ကယ်လ်စီယမ် အကြွယ်ဝဆုံး အစားအစာပါပဲ။ တကယ်လို့ သင်ဟာ နို့တိုက်မိခင်တစ်ယောက်ဖြစ်နေမယ်ဆိုရင် သင်သောက်လိုက်တဲ့ နို့ဟာ သင့်ကလေးငယ်ရဲ့ အရိုးအတွက် အလွန်ကို အကျိုးရှိတာကြောင့် သင့်အနေနဲ့ လုံလုံလောက်လောက်စားသုံးပေးသင့်ပါတယ်။ ဖြစ်နိုင်မယ်ဆိုရင် သင်တနေ့တာစားသောက်မယ့် အစားအသောက်တွေထဲမှာ နို့ သို့မဟုတ် နို့ထွက်ပစ္စည်းတွေကို ၃ မျိုးလောက် ထည့်သွင်း သင့်ပါတယ်။

~

(ဂ) အဆီပါဝင်မှုမရှိသော အသားများ


မိခင်ဖြစ်မယ့်အမျိုးသမီးတွေဟာ သူတို့ရဲ့ စွမ်းအင်ကို မြင့်တင်နိုင်ဖို့အတွက် အစားအသောက်တွေကို စဉ်းစားတဲ့အခါမှာ သံဓါတ်ကြွယ်ဝတဲ့ အစားအစာတွေ ဥပမာ-အသားတွေကို ဦးစားပေးပြီး စဉ်းစားပေးဖို့လိုပါတယ်။ သံဓါတ်ချို့တဲ့ခြင်းဟာ မိခင်ရဲ့ စွမ်းအင်ကို လျော့ကျစေပြီး ကလေးငယ်အတွက်လိုအပ်တာတွေ ကို ဖြည့်စည်းနိုင်စွမ်းလျော့ကျသွားပါတယ်။ နို့တိုက်နေတဲ့ မိခင် ဆိုရင်လည်း အသားတွေ၊ ဗီတာမင် ဘီ ၁၂ တို့ကို အပိုဆောင်းပြီး စားပေးသင့်ပါတယ်။ အဆီ၊ အရေခွံတွေမပါတဲ့ အသားတွေက တော့ ဒီ ပစ္စည်း၂မျိုးလုံးကို ဖြည့်တင်းပေးနိုင်ပါတယ်။

~

(ဃ) ပဲအမျိုးမျိုး


အထူးသဖြင့် အစိမ်းရင့်ရောင်ရှိတဲ့ အသီးတွေ၊ ပဲကြီး၊ ပဲနီပြားတွေဟာ အကောင်းဆုံးအစားအစာပါပဲ။ အထူးသဖြင့် အသီးအရွက်ကိုချည်း စားချင်နေတဲ့ နို့တိုက်မိခင်များအတွက် အသင့်တော်ဆုံးပါပဲ။ သူတို့မှာ သံဓါတ်ကြွယ်ဝစွာပါတဲ့အပြင် ခန္ဓာကိုယ်အတွက် လိုအပ်နေတဲ့ ပရိုတင်းကိုလည်း ဖြည့်ဆည်းပေးနိုင်ပါတယ်။

~

(င) ဘလူးဘယ်ရီ


နို့တိုက်မိခင်တွေအနေနဲ့ တနေ့ကို သစ်သီး သို့မဟုတ် သစ်သီးဖျော်ရည် ၂ မျိုး၊ ၃ မျိုးလောက် စားသုံးပေးရပါမယ်။ ဖြစ်နိုင်မယ်ဆိုရင် ဓါတ်တိုးဆန့်ကျင် ပစ္စည်းတွေကြွယ်ဝစွာပါတဲ့ အသီးအနှံတွေကို ဦးစားပေးပြီး စားပေးသင့်ပါတယ်။ သူတို့ဟာ ခန္ဓာကိုယ်အတွက်လိုအပ်နေတဲ့ ဗီတာမင်နဲ့ သတ္တုဓါတ်တွေကို ဖြည့်တင်းပေးနိုင်ရုံသာမက မိခင်တွေကိုလည်း ကျန်းမာနေ စေပါတယ်။

~

(စ) ဆန်လုံးညို


တကယ်လို့ သင့်ကလေးငယ်ရဲ့ကိုယ်အလေးချိန်ကို လျော့ချဖို့အတွက် ထမင်းကိုလျော့စားရမယ်လို့ စဉ်းစားထားလိုက်တယ် ဆိုပါတော့။ ဒါပေမယ့် ကိုယ်အလေးချိန်ကို အလျင်အမြန်လျော့ချဖို့ကြိုးစားလိုက်တဲ့အချိန်မှာ ကလေးအတွက် နို့ထုတ်ပေးနိုင်မှု လျော့နည်းလာပြီး သင့်ကိုလည်း နုံးလာစေပါတယ်။ ဒါကြောင့် ကျန်းမာရေးအတွက် အသင့်တော်ဆုံးဖြစ်မယ့် ဆန်လုံးညိုကို စားပေးပြီး လိုအပ်တဲ့ ကစီဓါတ်နဲ့ စွမ်းအင်ကို ရနိုင်ပါတယ်။ ဆန်လုံးညိုကရတဲ့ ကစီဓါတ်ဟာ ကလေးငယ်ကို နို့ချိုတိုက် ကျွေးဖို့အတွက် အကောင်းဆုံးသော ကစီဓါတ်ပါပဲ။

~

(ဆ) လိမ္မော်သီး


အရသာရှိပြီး အာဟာရဓါတ်ြ<ွကယ်ဝတဲ့ လိမ္မော်သီးဟာ မိခင်လောင်းတွေအတွက်တော့ စွမ်းအင်ကို မြှင့်တင်ပေး နိုင်စွမ်း အမြင့်ဆုံး အစားအစာပါပဲ။ နို့တိုက်မိခင်တစ်ယောက်ဟာ ကိုယ်ဝန်ဆောင်တွေထက် ဗီတာမင် စီကို ပိုလိုအပ်တာကြောင့် လိမ္မော်သီး အပါအဝင် တခြားသော အသီးအနှံတွေကို ပိုစားပေးသင့်ပါတယ်။ သရေစာမုန့်စားမယ့်အစား လိမ္မော်သီးကို စားပေးပါက မိခင်ရော ကလေးငယ်အတွက်ပါ အကျိုးရှိတဲ့ ဗီတာမင် စီကို ရနိုင်တာကြောင့် အလေးအနက်ထားသင့်ပါတယ်။

~

(ဇ) ဥအမျိုးမျိုး


ဥအနှစ်တွေဟာ ဗီတာမင် ဒီ ကိုရနိုင်တဲ့ အရင်းအမြစ်တွေထဲက ရှားပါးပြီး အဖိုးတန်လှတဲ့ အရင်းအမြစ်ပါပဲ။ မိခင်ရဲ့ အရိုးတွေသန်မာအောင်ထိန်းထားဖို့၊ ကလေးငယ်ရဲ့ အရိုးတွေကောင်းစွာဖွံ့ဖြိုးဖို့အတွက်ဆိုရင် မရှိမဖြစ်လိုအပ်တဲ့ အာဟာရပါ။ ဒါ့အပြင် နေ့စဉ်လိုအပ်နေတဲ့ ပရိုတင်းကိုပါ ဖြည့်စွက်ပေးနေတာကြောင့် နေ့စဉ်စားသောက်တဲ့ အစားအစာတွေမှာ ဥတွေကို ထည့်သွင်းထားသင့်ပါတယ်။ နံနက်စာစားသောက်ချိန်၊ နေ့လည်စာ၊ ညစာတွေမှာ ကြက်ဥပါအောင် ကြိုးစားသင့်ပါတယ်။

~

(ဈ) ပေါင်မုန့်ညို

ကိုယ်ဝန်ဆောင်ချိန်ရဲ့ အစောဆုံးကာလမှာ ကလေးငယ်ရဲ့ဖွံ့ဖြိုးမှုအတွက် အရေးအကြီးဆုံးလိုအပ်ပစ္စည်းဟာ ဖောလစ်အက်ဆစ် ပါပဲ။ ဒါပေမယ့် အဲဒီလိုအပ်မှုဟာ ရပ်တန့်မသွားပါဘူး။ ကလေးငယ်ရဲ့ ကျန်းမာရေးကောင်းမွန်မှုအတွက် မိခင် ရဲ့ နို့ရည်ထဲမှာ ပါဝင်ရမယ့် အရေးကြီးတဲ့ ပစ္စည်းတစ်ခု ဖြစ်နေပါတယ်။ ဒါကြောင့် မိခင်တစ်ယောက်အနေနဲ့ ဖောလစ်အက်ဆစ် ကို လုံလုံလောက်လောက်ရနိုင်စေဖို့ ဂျုံနဲ့ပြုလုပ်ထားတဲ့ ပေါင်မုန့်၊ ပါစတာ စတာတွေကို အလေးထားပြီး စားပေးသင့်ပါတယ်။ သူတို့ဟာ မိခင်တွေကို ကျန်းမာနေစေဖို့ အမျှင်ဓါတ်နဲ့ သံဓါက်ကိုလည်း ပေးနိုင်ပါတယ်။

.

(ည) အစိမ်းရောင် အရွက်များ


အစိမ်းရင့်ရောင်အရွက်တွေကနေ ရနိုင်တဲ့ အကျိုးအမြတ်တွေဟာ အရမ်းများပါတယ်။ ကလေးငယ်အတွက် လိုအပ်နေတဲ့ ဗီတာမင် အေ တွေကို သူတို့က ပေးနိုင်ပါတယ်။ သူတို့ဟာ နို့ထွက် ပစ္စည်းတွေမဟုတ်ပေမယ့် ကယ်လ်စီယမ်ကို ပေးနိုင်သလို ဗီတာမင် စီနဲ့ သံဓါတ်လည်းြ<ွကယ်ဝကြပါတယ်။ ကျန်းမာရေးကို အထောက်အကူပြုတဲ့ ဓါတ်တိုးဆန့်ကျင်ပစ္စည်းတွေ ပါဝင်ခြင်း၊ ကယ်လိုရီနည်းခြင်း၊ အာဟာရတန်ဖိုးမြင့်တက်ခြင်း၊ အရသာကို တိုးစေတာကြောင့် ဖြည့်စွက်စားပေးရပါမယ်။

~

~

နှင်းနုလွင် (ဆေးဝါး)

Good Health Journal

Advertisements
 

”ကျန်းမာသော ကိုယ်ဝန်ဆောင်မှုဖြစ်အောင်………”

၁။ ကျန်းမာရေးနဲ့ ညီညွှတ်တဲ့အစားအစာတွေကို စားသုံးပါ။

အသီးအရွက်တွေကို မိမိပုံမှန်စားသောက်နေကျ ပမာဏထက် ပိုစားပေးဖို့လိုအပ်ပါတယ်။ လတ်ဆတ်တဲ့ဟင်းသီး ဟင်းးရွက်များ၊ ပဲအမျိုးမျိုး၊ အမျှင်ဓါတ်ကြွယ်ဝတဲ့ အစားအစာတို့ကို ဦးစားပေးစားသင့်သလို ပရိုတင်းကိုလည်း ဖြည့်စွက်စား ပေးရပါမယ်။ ပြုပြင် ပြောင်းလဲထားတဲ့အစားအစာ၊ ဆီကြော်မုန့်၊ အမြန်စာ တို့ကို ရှောင်ဖို့လိုအပ်ပါတယ်။

~

 

၂။ ကိုယ်ဝန်မယူခင်၊ ကိုယ်ဝန်ဆောင်ချိန်တွေမှပါ ဖောလစ်အက်ဆစ်ကို ဖြည့်စွက်သောက်ပေးပါ။


ပဲတောင့်ရှည်၊ ပဲကြီး၊ ရွှေပဲသီး၊ ချဉ်၍အရည်ရွှမ်းတဲ့အသီးတွေ၊ အစိမ်းရောင်အရွက်မျိုးမျိုး၊ ပန်းဂေါ်ဖီစိမ်းတို့ကနေ ဗီတာမင် တစ်မျိုးဖြစ်တဲ့ ဖောလစ်အက်ဆစ်ကို ရနိုင်ပါတယ်။ ကိုယ်ဝန်ဆောင်မယ့်အမျိုးသမီးတစ်ယောက်မှာ ဖောလစ် အက်ဆစ်သာ ချို့တဲ့ခဲ့ရင် မွေးလာတဲ့ကလေးမှာ အာခေါင်ကွဲခြင်း၊ နှုတ်ခမ်းကွဲခြင်း၊ ခါးရိုးဖုခြင်းတို့ကို ခံစားရတတ်ပါတယ်။ ကိုယ်ဝန်ဆောင် စဉ်ကာလမှာ ချို့တဲ့ခဲ့ရင်လည်း သန္ဓေသားဖွံ့ဖြိုးမှု၊ အချင်းဖွံ့ဖြိုးမှုတွေ နှောင့်နှေးလာတတ်ပါတယ်။ ဒါကြောင့် ကိုယ်ဝန်ဆောင်မယ့် အမျိုးသမီးတစ်ယောက်ဟာ ဆရာဝန်နဲ့တိုင်ပင်ပြီး ဖောလစ်အက်ဆစ်တွေကို ဖြည့်စွက် သောက်ပေးသင့်ပါတယ်။

~

၃။ အရက်၊ ကော်ဖီနဲ့ ဆေးလိပ်တို့ကို ရှောင်ပါ။


ကိုယ်ဝန်ဆောင်ထားတဲ့အမျိုးသမီးတစ်ယောက်ဟာ သူကိုယ်တိုင် ဆေးလိပ်သောက်ထားလို့ပဲဖြစ်ဖြစ်၊ တခြားသူသောက်တဲ့ ဆေးလိပ် ငွေ့ကို ရှုမိရင်ပဲဖြစ်ဖြစ်၊ သူတို့ ခန္ဓာကိုယ်ထဲကို နစ်ကိုတင်းဝင်သွားရင် မွေးလာတဲ့ကလေးတွေဟာ ကိုယ်အလေးချိန်ပေါင်မ ပြည့်ဖြစ်တတ်ပါတယ်။ ဆေးလိပ်လိုပဲ အရက်နဲ့ကဖင်းကလည်း ကလေးကို အန္တရာယ်ဖြစ်စေတာကြောင့် ရှောင်ဖို့လိုအပ်ပါတယ်။

~

၎။ တိရစ္ဆာန်မှရသော အဆီတို့ကို ရှောင်ပါ။


ဝက်ဆီအပါအဝင် တိရစ္ဆာန်မှရတဲ့ အဆီအားလုံးအပြင် တိရစ္ဆာန်တွေရဲ့ အရေခွံ၊ ပြန်ကြော်ဆီတွေကိုပါ ရှောင်ဖို့ လိုအပ်ပါတယ်။ ငါးဟာ ကိုယ်ဝန်ဆောင်သည်တွေအတွက်လိုအပ်ပေမယ့်လည်း တချို့ငါးတွေကြောင့် ပြဒါးအဆိပ်သင့်နိုင်ပါတယ်။ နို့နဲ့ နို့ထွက်အစားအစာ တွေကို စားသုံးတဲ့အခါမှာလည်း အဆီထုတ်ထားတဲ့အမျိုးအစားတွေကို ရွေးချယ်စား သောက်တာက ပိုပြီး သင့်တော်ပါတယ်။

~

၅။ ရေသန့်ရှင်းမှုရှိအောင် ဂရုစိုက်ပါ။


မသန့်ရှင်းတဲ့ရေမှာပါဝင်တဲ့ ပိုးမွှားတွေကြောင့် အော့အန်ခြင်း၊ ဝမ်းလျှောခြင်းကနေ အစာအဆိပ်သင့်တဲ့ လက္ခဏာတွေ အထိဖြစ်နိုင် ပါတယ်။ ကိုယ်ဝန်ဆောင်ချိန်မှာ ခရီးသွားရင် ဒီလိုမျိုး ပြဿနာတွေ ပိုဖြစ်နိုင်တာကြောင့် သောက်သုံးရေ သန့်ရှင်းမှုကို အထူးသတိထားဖို့လိုပါတယ်။

~

၆။ ပလတ်စတစ်အသုံးအဆောင် ပစ္စည်းတွေကို သတိထားပြီး အသုံးပြုပါ။


တချို့ပလတ်စတစ် ပစ္စည်းတွေထဲက Chemicals တွေဟာ ထည့်ထားတဲ့ အစားအသောက်တွေထဲကို ဝင်ရောက် လာနိုင်ပါတယ်။ အဲဒီလိုမျိုးဝင်ရောက်မှုများလာရင် ကလေးငယ်ရဲ့ ကိုယ်လက်အင်္ဂါဖွံ့ဖြိုးမှုကနေ ဥာဏ်ရည်ဥာဏ်သွေးအထိ အဟန့်အတားဖြစ် လာနိုင်ပါတယ်။ အဆီ၊ အငန်၊ အချဉ်ထည့်ထားတဲ့ ပလတ်စတစ်တွေမှာ အဖတ်ကွာတာ၊ အရောင်ကွက် လာတာမျိုးတွေ ကြုံလာခဲ့ရင်တော့ အဲဒီပစ္စည်းတွေကို ဆက်ပြီး မသုံးသင့်တော့ပါဘူး။

~

၇။ အသုံးအဆောင်ပစ္စည်းတချို့ကို လျော့သုံးပါ။

အလှအပအတွက် အသုံးပြုကြတဲ့တချို့ပစ္စည်းတွေမှာပါဝင်တဲ့ Chemicals တွေဟာ ကလေးငယ်တွေမှာ ဟော်မုန်း ပြောင်းလဲမှု ဖြစ်စေပြီး ကြီးထွားဖွံ့ဖြိုးမှုကို နှောင့်နှေးစေပါတယ်။ အရည်အသွေးနိမ့်တဲ့ တချို့ ပစ္စည်းတွေမှာ ပါဝင်တဲ့ Chemicals တွေကြောင့် ကင်ဆာရောဂါ၊ အသိဥာဏ်ချို့တဲ့မှုတို့ကိုပါ ကြုံတွေ့ရတတ်ပါတယ်။ ကလေးရော မိခင်အတွက်ပါ စိတ်ချရတဲ့အသုံးအဆောင် ပစ္စည်းတွေဖြစ်အောင် သက်ဆိုင်ရာကျွမ်းကျင်ပညာရှင်တွေနဲ့ တိုင်ပင်သင့်ပါတယ်။

~

၈။ သန့်ရှင်းရေးလုပ်တဲ့အခါ Chemicals တွေကို ရှောင်ပါ။

မိမိအိမ်ကိုသန့်ရှင်းရေးပြုလုပ်ဖို့အတွက် Chemicals တွေကိုသာ အားကိုးအားထားပြုနေဖို့မလိုပါဘူး။ ကြေးချွတ်ဖို့ အတွက်ဆိုရင် မုန့်ဖုတ်ဆိုဒါနဲ့ ရှာလကာရည်တို့ကို အသုံးပြုနိုင်ပါတယ်။ တခြား ပစ္စည်းတွေအတွက်လည်း အချဉ်သီးလိုမျိုး သဘာဝနည်းလမ်းတွေကို အသုံးပြုနိုင်ပါတယ်။

.

.

နှင်းနုလွင် (ဆေးဝါး)

Good Health Journal

 

 

ကိုယ်ဝန်ဆောင်ချိန်နှင့် အစားအစာ September 28, 2010

ကိုယ်ဝန်ဆောင်ချိန်ဆိုဟာ မိခင်တွေအတွက်တော့ အလှပဆုံး၊ အရွှင်လန်းဆုံးနဲ့ ကြည်နူးရဆုံးအချိန်တွေ ဖြစ်ပါတယ်။ မကြာခင် မိခင်ဖြစ်လာတော့မယ့်သူတွေအနေနဲ့ မိမိရဲ့သားသမီးကို ကျန်းကျန်းမာမာ၊ ဖွံဖြိုးတာမျိုးကိုပဲ လိုလားကြပါတယ်။ ကလေးငယ် ပုံမှန်အတိုင်း ကြီးထွားဖွံ့ဖြိုးခွင့်ရဖို့အတွက် ကျန်းမာရေးနဲ့ ညီညွှတ်ပြီး အာဟာရတန်ဖိုး မြင့်မားတဲ့ အစားအသောက်တွေကို ဦးစားပေးရွေးချယ်ဖို့လိုအပ်ပါတယ်။ မမွေးလာသေးတဲ့ကလေးလေး ကျန်းမာဖို့၊ ကိုယ်လက်အင်္ဂါတွေ စုံလင်ဖို့ ဘယ်လိုအစားအသောက်တွေကို စားသင့်သလဲ။ ဒီနေ့ခေတ်မှာတော့ ကိုယ်ဝန်ဆောင်ချိန်မှာ စားသောက်ရမယ့် အစားအစာတွေနဲ့ ပတ်သတ်ကဲ့ သတင်းအချက်အလက်တွေကို များများစားစား ရနိုင်ပါတယ်။ ကျန်းမာရေးနဲ့ညီညွှတ်တဲ့ ကိုယ်ဝန်ဆောင်ချိန်မှာ စားသောက်ရမယ့် အစားအစာတွေအတိုင်းလိုက်နာရင် မိခင်နဲ့ ကလေးဘဝ အမှန်ကို လှပမှာပါ။
.
ကိုယ်ဝန်ဆောင်ချိန်မှာ အမျိုးသမီးတစ်ယောက်ရဲ့ ခန္ဓာကိုယ်ဟာ အာဟာရဓါတ်တွေကို ပိုပြီးစုပ်ယူပါတယ်။ ဒါကို ၂ယောက်စာ စားတယ်လို့ပြောကြတာပါ။ အမှန်တော့ ကလေးက မစားတတ်သေးပါဘူး။ အမျိုးသမီးအများစုဟာ ကိုယ်ဝန်၃လကျော်မှသာ ကယ်လိုရီ ၂ဝဝ-၃ဝဝ လောက်ကို အပိုထပ်ဆောင်းလိုအပ်ပါတယ်။ ဒီပမာဏကလည်း ပေါင်မုန့် ၂ချပ်၊၃ချပ်လောက် စားလိုက်ရင်ရပါတယ်။ ကိုယ်ဝန်ပထမ ၃လ အတွင်းမှာ မူးဝေအော့အန်တာနဲ့အတူ အစားအသောက်တစ်မျိုးကို လွန်လွန်ကျူးကျူး တောင့်တတာမျိုးတွေ ရောပြီးဖြစ်တတ်ပါတယ်။ ဒီလိုအချိန်မှာ မိခင်ရဲ့ အပြုအမူတိုင်းဟာ ကလေးငယ်ကျန်းမာဖွံ့ဖြိုးမှုနဲ့ တိုက်ရိုက် ဆက်စပ်နေပါတယ်။ ဒါ့ကြောင့် ကိုယ်ဝန်ဆောင်ချိန်မှာ ဘယ်လိုအစားအသောက်မျိုးဟာ ကျန်းမာရေးနဲ့ညီညွှတ်တယ်၊ အာဟာရမျှတအောင် ဘယ်လိုစားသောက်ရမယ်ဆိုတာ အရေးကြီးပါတယ်။
.
ကိုယ်ဝန်ဆောင်ချိန်မှာ ကယ်လိုရီ အနည်းငယ်ပိုပြီး လိုအပ်တယ်ဆိုတာဟာ စားချင်ရာကို စားခွင့်ရှိတယ်ဆိုပြီး ခွင့်ပြုချက်ထုတ်ပေးလိုက်တာမဟုတ်ပါဘူး။ အတော်အသင့်စားတာကသာ ကလေးငယ်ရဲ့ဖွံ့ဖြိုးမှုကို အထောက်အကူ ဖြစ်စေတာပါ။ ကိုယ်ဝန်ဆောင်ချိန်မှာ မိခင်ဖြစ်သူ ပါးစပ်ထဲထည့်သမျှဟာ ကလေးဆီကို အကုန်ရောက်သွားပါတယ်။ ဒါ့ကြောင့် မမွေးသေးတဲ့ကလေး အန္တရာယ်ဖြစ်စေမယ့် အစားအသောက်တွေကို ရှောင်ရပါ့မယ်။ ကြာရှည်ခံအောင် စီစဉ်ထားတဲ့ အစားအသောက် (Preserved Food) တွေကို ကိုယ်ဝန်ဆောင်ချိန်မှာ ရှောင်ကြဉ်ရပါမယ်။ သဘာဝအတိုင်းရတဲ့ အစား အသောက်တွေကသာ အကောင်းဆုံးပါပဲ။ အနှံပါစားလို့ရတဲ့ ကောက်ပဲသီးနှံတွေ၊ အစိမ်းရင့်ရောင် အသီးအရွက်တွေ၊ ကလေးရဲ့ ဖွံ့ဖြိုးမှုကို ဟန့်တားနိုင်တဲ့ ဓာတုပစ္စည်းတွေမပါတဲ့ အစားအသောက်၊ သကြားထပ်ပေါင်းထည့်စရာ မလိုတဲ့ အစားအသောက်တွေကိုသာ အဓိကထားပြီးစားသင့်ပါတယ်။
.

ကိုယ်ဝန်ဆောင်ချိန်နှင့် အစားစားလိုစိတ်
.
ကိုယ်ဝန်ဆောင်သည် အမျိုးသမီးတွေအနက် ၄ဝ ရာခိုင်နှုန်းဟာ အစားအသောက်တစ်ခုကို အလွန်အမင်း စားချင်စိတ်ဖြစ်ပေါ်တတ်ပါတယ်။ များသောအားဖြင့်တော့ သစ်သီး၊ သစ်သီးဖျော်ရည်၊ ချောကလက်၊ နို့နဲ့နို့ထွက် အစားအစာတွေကို စားချင်နေတတ်ကြပါတယ်။ ဒီလိုမျိုး အစားအသောက်တခုခုကို မက်မက်မောမော စားသောက်ချင် နေရတဲ့ အကြောင်းအရင်းက အမျိုးမျိုးရှိပါတယ်။ အရိုးရှင်းဆုံးအဖြေကတော့ မိခင်ရဲ့ ခန္ဓာကိုယ်ဟာ ကျန်းမာတဲ့ ကလေးငယ်လေး အောင်မြင်စွာမွေးဖွားလာဖို့အတွက် တစ်နေ့ကို ၂၄ နာရီ၊ တစ်ပတ်ကို ၇ ရက်လုံး အလုပ်လုပ် နေရပါတယ်။ ကိုယ်ဝန်ဆောင်ချိန်မှာ ပိုသုံးဖို့လိုအပ်တဲ့ ကယ်လိုရီကြောင့် အစားအစာတစ်မျိုးမျိုးကို အရမ်းစားချင် နေတာပါ။ ကိုယ်ဝန် ၆-၉ လအတွင်းမှာ စားနေကျထက် ၂ဝဝ-၃ဝဝ ကယ်လိုရီ ပိုစားဖို့လိုပါတယ်။ ကိုယ်ဝန်ပထမ ၃လ အတွက်ဆိုရင်တော့ ပိုစားတာ၊ မစားတာက သိပ်ပြီးအရေး မကြီးသေးပါဘူး။ ကယ်လိုရီ ၂ဝဝ-၃ဝဝ ဆိုတဲ့ ပမာဏဟာ အရမ်းမများသလို နှစ်ယောက်စာအတွက် လုံလောက်တယ်လို့လည်း မပြောသာပါဘူး။
.

တချို့အစားအသောက်တွေကို တောင့်တနေတာကတော့ အာဟာရချို့တဲ့တာရဲ့ လက္ခဏာလည်းဖြစ် နိုင်ပါတယ်။ အသီးအရွက်တွေကိုသာ မက်မက်မောမောစားခဲ့တဲ့ အမျိုးသမီးတစ်ယောက်ဟာ ကိုယ်ဝန်ရှိလာတဲ့ အချိန်မှာ ငါး၊ အသားလွှာ၊ နီရဲနေတဲ့အသားတွေကို စားချင်လာပါတယ်။ ဒါဟာ ကြီးထွားနေတဲ့ ကလေးငယ်ကို အထောက်အပံ့ ရဖို့အတွက် သံဓါတ်တွေ၊ ပရိုတင်းတွေ လိုအပ်နေတယ်ဆိုတာ အရှင်းလင်းဆုံးညွှန်ပြနေတာပါ။ ကိုယ်ဝန်မရှိခင်တုန်းက တို့တောင်မတို့ကြည့်ခဲ့တဲ့ အစားအသောက်တွေ၊ မနှစ်သက်ခဲ့တဲ့အစားအစားတွေကို ထူးထူးခြား ခြားကို စားချင်လာပါတယ်။ အစားအသောက် တစ်ခုနဲ့ ပတ်သက်ပြီး ပြင်းထန်တဲ့အာသီသပေါ်ရတာ ဘာကြောင့်လဲဆိုတာကို ပညာရှင်တွေဟာ အခုအထိတော့ အတိအကျ မသိရသေးပေမယ့်သေးပေမယ့် ဒီဖြစ်စဉ်ကြီးဟာ ကိုယ်ဝန်ဆောင်သည် တိုင်းလိုလိုကို လွှမ်းမိုးထားပါတယ်။
.

အစာတစ်မျိုးကို ပြင်းပြင်းထန်ထန်တောင့်တခြင်း (သို့) ချင်ခြင်းတပ်ခြင်း

.

.

မိခင်တွေစားလိုတဲ့အစားအသောက်တော်တော်များများဟာ စားလို့ရတဲ့စာရင်းထဲမှာ ပါတာတွေများပါတယ်။ ဒါပေမယ့် စိတ်အလိုကိုလိုက်ပြီး အလွန်အကျွံစားဖို့တော့ ခွင့်ပြုမထားပါဘူး။ တကယ်လို့များ မိခင်တစ်ယောက်ဟာ ချိုတဲ့အစားအသောက်တွေကို အရမ်းစားသောက်ချင်လာတယ်ဆိုပါတော့။ စတိလောက်စားသင့်သလို နည်းနည်းစီကို အကြိမ်ကြိမ်ခွဲပြီးစားသင့်ပါတယ်။ ဒါဟာ အလွန်အမင်းစားချင်နေတဲ့စိတ်ကို ထိန်းချုပ်တဲ့နေရာမှာ တော်တော်လေး ထိရောက်မှုရှိပါတယ်။ အကောင်းဆုံး နည်းလမ်းတစ်ခုလို့လည်း ပြောလို့ရပါတယ်။ ကျန်းမာရေးနဲ့ မသင့်တော်တဲ့ ရေခဲမုန့်၊ အချဉ်သနပ်တို့လို အစားအသောက်တွေကို အရမ်းစားချင်လာတဲ့ အခါမှာလည်း ဒီနည်းလမ်းကိုသုံးပြီး အာသာပြေ ပျောက်အောင် လုပ်ပေးလို့ရပါတယ်။ ကိုယ်ဝန်ဆောင်ချိန်မှာ ပြောင်းလဲလာတဲ့ ဟော်မုန်းတွေကလည်း မယုံနိုင်လောက် တဲ့၊ စိတ်ဝင်စားဖို့ကောင်းတဲ့ သက်ရောက်မှုတွေဖြစ်သွားစေပါတယ်။ ဒီလိုပြောင်းလဲမှုတွေကြောင့် ကျန်းမာရေးနဲ့ မအပ် စပ်တဲ့ အစားအစာတွေကိုတောင်မှ ကြိုက်သွားတတ်ပါတယ်။
.

အမျိုးသမီးတစ်ချို့ကတော့ အစားအစာတစ်မျိုးကို ထူးထူးခြားခြားတောင့်တတတ်ပါတယ်။ ဒါဟာ သူတို့ရဲ့ ခန္ဓာကိုယ်မှာ တချို့အာဟာရတွေ ချို့တဲ့နေကြောင်း သတိပေးနေခြင်း ဖြစ်ပါတယ်။ အမျိုးသမီးအနည်းစုကတော့ ပုံမှန်မဟုတ်တဲ့အရာတွေ၊ မနှစ်မြို့ဖွယ်စွန့်ပစ်ပစ္စည်းတို့လို အရမ်းထူးဆန်းတာတွေကို တောင့်တတတ်ကြပါတယ်။ ဒါကို ဆေးပညာအရတော့ ချင်ခြင်းတပ်ခြင်း (Pica) လို့သတ်မှတ်ကြပါတယ်။ ဒါဆိုရင် သံဓါတ်ချို့တဲ့နေပြီဆိုတာကို သိသာထင်ရှားအောင် အချက်ပြနေတာပါ။ ဒီလိုပါပဲ။ ရေခဲကို အကြိမ်ကြိမ်စားချင်နေတာကလည်း သံဓါတ်ချို့တဲ့တာရဲ့ လက္ခဏာတစ်ခုပါပဲ။ ချောကလက်ကို အလွန်အမင်းစားချင်နေတာဟာ ပုံမှန်ပါလို့သတ်မှတ်လို့ရသလို တစ်ချို့ အမျိုးသမီးတွေအတွက်တော့ ဗီတာမင် ဘီ (Vitamin B) ချို့တဲ့နေတဲ့ လက္ခဏာတစ်ခု ဖြစ်နေပါတယ်။ တစ်ချို့ အမျိုးသမီးတွေကတော့ ကိုယ်ဝန်ရှိလာခါမှ အသား၊ ငါးတွေကို စားချင်တဲ့စိတ်က အရမ်းပြင်းပြနေပါတယ်။ ကံကောင်း တာက ပရိုတင်းဟာ မိခင်အတွက်ရော၊ ကလေးငယ်အတွက်ပါ တကယ်လိုအပ်နေတဲ့ အာဟာရဖြစ်နေပါတယ်။ ဒါကို လိုလို လားလားတောင့်တလာရင်တော့ စားပေးရတာ အကျိုးရှိပါတယ်။
.

ဒီလိုမဟုတ်ဘဲ ရွှံ့လို၊ သစ်သားလိုပုံမှန်မဟုတ်တာတွေကို ချင်ခြင်းတပ်လာတယ်ဆိုရင်တော့ ဆရာဝန်နဲ့ သွားရောက် တွေ့ဆုံသင့်ပါတယ်။ တခြားထူးဆန်းတဲ့ ကော်ဖီကြမ်း၊ ပလာစတာ၊ သွားတိုက်ဆေး၊ သင်္ဘောဆေးတို့လို အစားအသောက်မျိုးတောင့်တလာရင်လည်း ဒီအတိုင်းပါပဲ။ ဆရာဝန်တွေကသာ သံဓါတ်ချို့တဲ့နေတာဟုတ်၊ မဟုတ်ကို စမ်းသပ်စစ်ဆေးပေးပါလိမ့်မယ်။ လိုအပ်ရင်လည်း ဖြည့်စွက်အားဆေးတွေကို ညွှန်ကြားပြီးတော့ ချင်ခြင်းတပ်ခြင်းရဲ့ အဖြေကို ရှာပါလိမ့်မယ်။ မိခင်ဖြစ်သူက ဘယ်လောက်ပဲစားချင်နေပါစေ၊ ဒီလိုအရာတွေကို မစားသင့်ပါဘူး။ ဒီလိုအစားအသောက်မျိုးတွေဟာ ဘာမှ အကျိုးကျေးဇူး မရနိုင်ဘဲ ဆိုးကျိုးတောင်မှ ဖြစ်နိုင်ပါတယ်။ စိတ်အလိုကိုလိုက်ပြီး စားလိုက်တာဟာ တကယ့်အဖြေမှန်မဟုတ်ပါဘူး။ သေသေချာချာစမ်းသပ်နိုင်မှသာ ကလေးအတွက် တကယ်ကို အကျိုးရှိနိုင်ပါတယ်။
.

ကိုယ်ဝန်ဆောင်ချိန်မှာ စားသောက်သင့်တဲ့ အစားအစာများ

၁။ ကယ်လ်စီယမ်

.

.

.

ကယ်လ်စီယမ်ကြွယ်ဝစွာပါတဲ့ အစားအစာတွေကိုတော့ တနေ့မှာ အနည်းဆုံး ၃မျိုးခန့်စားသင့်ပါတယ်။ ကိုယ်ဝန်ဆောင်ချိန်မှာ တနေ့ကို အနည်းဆုံး ၁၂ဝဝ မီလီဂရမ်လောက်ရသင့်ပါတယ်။ အစားအသောက်တော်တော် များများမှာ ကယ်လ်စီယမ်ပါဝင်တတ်ပြီး နို့နဲ့နို့ထွက် ပစ္စည်းတွေ၊ ပဲနို့အချိုရည်၊ တို့ဟူး၊ သဖန်းသီးခြောက်၊ လိမ္မော်သီး၊ ပဲ၊ ဟင်းနုနွယ်၊ နှမ်း၊ ပေါင်မုန့်ဖြူတွေမှာ ပိုပြီးအတွေ့ရများတတ်တဲ့အတွက် ဒီလိုအစားအစာတွေကိုတော့ ဦးစားပေးပြီး စားသင့်ပါတယ်။ မိခင်ရဲ့ အရိုးတွေအတွက်သာမက ကလေးရဲ့ အရိုးတွေ၊ သွားတွေ ဖွံဖြိုးကြီးထွားဖို့အတွက် အရေးကြီးပါတယ်။ အထူးသဖြင့် ကိုယ်ဝန်တတိယကာလ (၆-၉လ)မှာ အရေးတကြီး လိုအပ်ပါတယ်။ ဗီတာမင်ဒီ (Vitamin D) ဟာ ကယ်လ်စီယမ်ကို ခန္ဓာကိုယ်ကစုပ်ယူမှုကောင်းအောင် ကူညီပေးပါတယ်။ ဒါ့ကြောင့် ကယ်လ်စီ ယမ်ကို လုံလုံလောက်လောက်ရဖို့ ဗီတာမင် ဒီ (Vitamin D) ကြွယ်ဝတဲ့ အစားအစာတွေ၊ ဥ၊ ထောပတ်၊ ဒိန်ခဲ၊ တို့ကိုလည်း တွဲဖက်ပြီး စားပေးသင့်ပါတယ်။
.

၂။ သံဓါတ်


ကလေးတွေကို သွေးထောက်ပံ့ဖို့အတွက် သံဓါတ်က အဓိကလိုအပ်ပါတယ်။ သံဓါတ်ကို အသား၊ အစိမ်းရင့်ရောင် အရွက်တွေ၊ အသီးခြောက်၊ ဆာဒင်ငါးတို့လို အစားအသောက်တွေကနေ ရနိုင်ပါတယ်။ ဗီတာမင်စီ (Vitamin C) ပါဝင်တဲ့ အစားအသောက်တွေဟာ သံဓါတ်စုပ်ယူမှုကို အားပေးပေမယ့် ကဖင်း၊ တင်နင်၊ လက်ဖက် နဲ့ ကော်ဖီတို့ဟာ သံဓါတ်စုပ်ယူမှုကို ဟန့်တားထားပါတယ်။ ဒါ့ကြောင့် ထမင်းစားတဲ့အခါ သံဓါတ်ရဖို့ လိမ္မော်ရည်ပါ တွဲသောက်သင့်ပါတယ်။
.

၃။ ဖောလစ်အက်ဆစ်

.

ဗီတာမင်ဘီအုပ်စုဝင်ဖြစ်ပြီး မွေးရာပါ ကျောရိုးဆစ်ဖုခြင်း (Spina Bifida) ကို ကာကွယ်ပေးပါတယ်၊ ဒါ့ကြောင့် ကိုယ်ဝန်၁၂ပတ် ရောက်တဲ့အထိ ဖောလစ်အက်ဆစ်ကို ဝ.၄ မီလီဂရမ်အထိ ဖြည့်စွက်သောက်သုံးပေးရပါမယ်။ ဖောလစ် အက်ဆစ်ကြွယ်ဝစွာပါတဲ့ ပေါင်မုန့်၊ ပန်းဂေါ်ဖီစိမ်း၊ အစိမ်းရင့်ရောင် အရွက်တွေ၊ ပဲ၊ တို့ကိုလည်း စားပေးသင့်ပါတယ်။
.

၎။ ငါး


မမွေးသေးတဲ့ ကလေးရဲ့ ဦးနှောက်ဖွံ့ဖြိုးတိုးတက်ဖို့အတွက် Long Chain Omega 3 Fatty Acid ကို မရှိမဖြစ်ကိုလိုအပ်ပါတယ်။ ဒီ Fatty Acid ကို အဆီပါတဲ့ ငါးတော်တော်များများမှာ တွေရတဲ့အတွက် ကိုယ်ဝန်ရှိချိန်မှာ ငါးစားဖို့ လိုအပ်ပါတယ်။ ဒါ့ကြောင့် တစ်ပတ်မှာ ငါး၃မျိုးလောက်တော့ စားပေးသင့်ပါတယ်။ ဒါမှမဟုတ်ရင်လည်း ကိုယ်ဝန်ဆောင်သည်တွေသောက်လို့ရတဲ့ Omega 3 Supplement တွေကို အသုံးပြုနိုင်ပါတယ်။
.

ကိုယ်ဝန်ဆောင်ချိန်မှာ မစားသောက်သင့်တဲ့ အစားအစာများ
.
၁။ အသားစိမ်း၊ မဆေးကြောရသေးသော အသီးအရွက်များ


ကိုယ်ဝန်မရှိခင်တုန်းက အသားလွှာ၊ မကျက်တကျက် အသားတွေကို စားလို့ရပေမယ့် ကိုယ်ဝန်ဆောင် ချိန်မှာတော့ ဒါတွေအကုန်လုံးကို ရှေုာင်ဖို့လိုအပ်ပါတယ်။ အသားစိမ်းတွေမှာ မျက်စိနဲ့မမြင်နိုင်တဲ့ ဘက်တီးရီးယား (Bacteria)၊ ကပ်ပါးကောင်တွေ (Protozoa) တွေပါတတ်တာကြောင့် မမွေးသေးတဲ့ကလေးကို အန္တရာယ်ဖြစ်စေပါတယ်။ ကပ်ပါးကောင်တစ်မျိုးဖြစ်တဲ့ Toxoplasma ကြောင့် ကလေးမှာ ဦးနှောက်ရောင်တာ (Encephilitis)၊ မျက်စိနဲ့ပတ်သက်တဲ့ရောဂါတွေဖြစ်နိုင်ပြီး ဒီရောဂါက သက်သာသွားတဲ့ ကလေးတွေဟာလည်း ဥာဏ်ရည်ချို့တဲ့ခြင်း၊ အမြင်အာရုံဝေဝါးတာတွေ ဆက်ဖြစ်နိုင်ပါတယ်။ ဒါကို Toxoplasmosis လို့သတ်မှတ်ကြပါတယ်။ Toxoplasmosis ဟာ သိသာတဲ့ လက္ခဏာတွေကို မပြတတ်ပေမယ့် မွေးဖွားလာတဲ့အချိန်မှာတော့ မွေးရာပါ ချို့ယွင်းချက် တွေပါလာတတ်ပါတယ်။ ကိုယ်ဝန်ဆောင်ချိန်မှာ အစာအဆိပ်သင့်တာမျိုးဟာ ၂ ကြိမ်ဖြစ်နိုင်တာကြောင့် စားသောက်မယ့် အစားအသောက်ဟာ ကောင်းကောင်းကျက်သလား၊ မကျက်ဘူးလားဆိုတာကို သတိထားဖို့လို အပ်ပါတယ်။
.

၂။ မကျက်တကျက်ကြက်ဥ၊ ကြက်ဥအစိမ်း


ကြက်ဥအစိမ်း၊ မကျက်တကျက်တွေမှာ Salmonella တွေပါတတ်တာကြောင့် ဒီပိုးကောင်ကြောင့် ဆက်ဖြစ်လာ နိုင်တဲ့ ရောဂါတွေကို ခံစားရ နိုင်ပါတယ်။ Salmonella ကြောင့် အစာအဆိပ်သင့်တဲ့အခါ ဖျားခြင်း၊ ဝမ်းဗိုက်ကြွက်သားတက်ခြင်း၊ ဝမ်းလျှောခြင်းတို့ ဖြစ်တတ်ပါတယ်။ ကိုယ်ဝန်ပထမ ၃လ အတွင်းမှာဆိုရင်တော Salmonella နဲ့ပတ်သတ်တာကို ခံနိုင်တဲ့စွမ်းအားတွေဟာ လျော့ကျနေတတ်ပါတယ်။ ဒါ့ကြောင့် ကိုယ်ဝန်ဆောင်ချိန်မှာ ဥတစ်မျိုးမျိုးကို အရမ်း စားချင်တဲ့အခါ Salmonella မပါအောင် သေသေချာချာ သတိထားရပါတယ်။ ချက်ခါနီးအချိန်အထိ ရေခဲသေတ္တာထဲမှာပဲထားသင့်ပြီး ကွဲအက်နေတဲ့ ဥတွေကိုတော့ မသုံးသင့်ပါဘူး။ ဥအစိမ်းနဲ့ ထိတွေ့ထားတဲ့ ပစ္စည်းတွေအားလုံးကိုလည်း ဆေးကြောပြီးမှပြန်သုံးသင့်ပါတယ်။ ဥပါတဲ့ အစားအသောက်တွေကို ကြော်၊ ချက်ပြီးတာနဲ့ ချက်ခြင်းစားသင့်ပါတယ်။
.
၃။ ကော်ဖီ


ကော်ဖီတစ်ခွက်မှာ ပါဝင်တဲ့ Caffeine ရဲ့ ပမာဏာဟာ ဘာမှာ မသိသာတဲ့အတွက် ကိုယ်ဝန်ဆောင်ချိန်မှာ သောက်မယ်ဆိုရင်တော့ နည်းနည်းသောက်နိုင်ပါတယ်။ ဒါပေမယ့် ကိုယ်ဝန်ရှိချိန်မှာ ကော်ဖီကို ရှောင်ကြဉ်တာက အကောင်းဆုံးပါပဲ။ Caffeine များများ ဝင်ရောက်သွားရင် မွေးရာပါ ချို့ယွင်းချက်လေးတွေပါလာတာ၊ ကိုယ်ဝန် ပျက်ကျတာမျိုးတွေအထိ ဖြစ်နိုင်ပါတယ်။ ဒါ့ကြောင့် Caffeine ပါတဲ့ လဘက်ရည်၊ ကိုလာ၊ ချောကလက်တို့လို အစားအသောက်တွေကို အတိုင်းအတာလေးတစ်ခု သတ်မှတ်ပြီး စားသုံးသင့်ပါတယ်။ ကိုယ်ဝန် ၇ ပတ်အတွင်းမှာ Caffeine ပါတာတွေအားလုံးကို ရှောင်လိုက်တာကတော့ ဘေးအကင်းဆုံးပါပဲ။ ဒီလိုလုပ်ရင် ကိုယ်ဝန်ပျက်ကျတဲ့ နှုန်းလည်း လျော့ကျသွားတယ်လို့လည်း ဆိုကြပါတယ်။ တနေ့မှာ ကော်ဖီ (၄-၇)ခွက်ထက် ပိုသောက်တဲ့သူတွေဟာ ဆက်တိုက်ကိုယ်ဝန်ပျက်ကျနိုင်ပါတယ်။ ဒါ့ကြောင့် ကိုယ်ဝန်ရှိချိန်မှာ ကော်ဖီကို လည်း သတိထားရပါမယ်။
.

၎။ အရက်


အရက်ဟာ ကလေးရဲ့ ဖွံဖြိုးမှုကို အန္တရာယ်ဖြစ်စေပါတယ်။ မိခင်သောက်လိုက်တဲ့ အရက်ဟာ အချင်းကိုဖြတ်ပြီး ကလေးဆီကို ရောက်သွားပါတယ်။ မိခင်သောက်သမျှ ကလေးဆီကိုရောက်နေပါတယ်။ ပထမ ၃လ အတွင်းမှာ အရက် ဒါမှမဟုတ် အရက်ပါတာတွေ လုံးဝမသောက်သင့်ပါဘူး။ မသိလို့သောက်ဖြစ်တယ်ဆိုရင်လည်း အခုချက်ခြင်းရပ်လိုက်ပါ။ ကိုယ်ဝန်ရှိတဲ့အချိန်မှာ ဘယ်လောက်သောက်လို့ရတယ်၊ ကိုယ်ဝန်ဘယ်နှစ်လရောက်ရင်သောက်လို့ရတယ် ဆိုပြီး တိတိကျကျ ပြောလို့မရသေးပါဘူး။ ကိုယ်ဝန်အစောပိုင်းကာလတွေမှာ သောက်ထားရင် မွေးလာတဲ့ကလေးတွေမှာ အရက်စွဲတဲ့ လက္ခဏာစု (Fetal Alcoholic Syndrome) တွေပါလာတတ်ပါတယ်။
.

ကိုယ်ဝန်ရှိနေတဲ့အချိန်မှာ နေမကောင်းဖြစ်ရင်တော့ အစာကို အများကြီးမစားသင့်ပါဘူး။ ၂ကြိမ်၊ ၃ကြိမ်နဲ့ အများကြီးစားမယ့်အစား တနေ့ကို ၆ကြိမ်လောက် ခွဲပြီးစားပေးရင် အစာကို လွယ်လွယ်နဲ့ ကြေညက်စေနိုင်ပြီး ရင်အရမ်းပူတာကိုလည်း သက်သာစေပါတယ်။ အစားကိုရွေးတဲ့အခါမှာလည်း ကစီဓါတ် (Carbohydrate) ကို အရမ်းမြင့်တက်မသွားစေတဲ့ အစာမျိုးကို ရွေးသင့်ပါတယ်။ ကိုယ်ဝန်ရှိလို့ မူးဝေအော့အန် (Morning Sickness) နေသူဆိုရင်လည်း အိပ်ရာကမထသေးခင် ဘီစကွတ်မုန့်ကို နွားနို့ပူပူတစ်ခွက်နဲ့ သောက်သင့်ပါတယ်။ ဂျင်းနဲ့ ပရုတ်ပါတာတွေဟာ အစာအိမ်ကို အထောက်အကူဖြစ်စေနိုင်ပြီး ပူတဲ့၊ စပ်တဲ့အစားအသောက်တွေကတော့ ပျို့အန်တာတွေကို ပိုဆိုးသွားစေပါတယ်။
.

ကိုယ်ဝန်ဆောင်ချိန်မှာ ကောင်းကောင်းစားတာ၊ အာဟာရမျှတအောင် စားတာဟာ ကလေးနဲ့ မိခင်ရဲ့ ကျန်းမာရေးကို မြှင့်တင်ပေးခြင်းပါပဲ။ အရင်ကတည်းက ကျန်းမာရေးကောင်းတယ်၊ အာဟာရမျှတအောင် စားတယ်ဆိုရင်တော့ ကိုယ်ဝန်ဆောင်ချိန်မှာ သိပ်ပြီးထွေထွေထူးထူး ပြောင်းလဲစရာ မရှိပါဘူး။ ကိုယ်ဝန်ဆောင်ချိန်မှာ အရေးကြီးတဲ့ နောက်ထပ်အချက်ကတော့ အားကစားလုပ်ခြင်းပါပဲ။ အရမ်းမပင်ပန်းတဲ့ အားကစားတစ်မျိုးကို လုပ်နေရင် စိတ်ပိုင်းဆိုင်ရာ တိုးတက်မှုတွေရှိလာနိုင်သလို မီးဖွားရာမှာလည်း အထောက်အကူရစေပါတယ်။ အရောင်အသွေးစုံတဲ့ ပန်းခင်းထဲမှာ မိမိရဲ့ ရင်သွေးငယ်ကို အရာရာပြည့်စုံတဲ့ ပန်းလေးသာဖြစ်စေချင်တာ မိဘတိုင်းရဲ့ ဆန္ဒပါ။ ဒါ့ကြောင့် ကိုယ်ဝန်ရှိချိန်မှာ အစားအသောက်၊ အနေအထိုင်ကို ဂရုစိုက်ပြီး ကျန်းမာဖွံ့ဖြိုးတဲ့ ရင်သွေးငယ်တို့ကို ပျိုးထောင်နိုင်ကြပါစေ။ ။

နှင်းနုလွင် (ဆေးဝါး)
အာရောဂျံမဂ္ဂဇင်း၊
စက်တင်ဘာ၊ ၂၀၁၀။



 

အမျိုးသမီးနှင့် ဖောလစ်အက်ဆစ် September 27, 2010

အမျိုးသမီးအားလုံးရဲ့ မရှိမဖြစ်မိတ်ဆွေစာရင်းထဲမှာ ဖောလစ်အက်ဆစ်နဲ့ သံဓါတ်တို့ဟာ ထိပ်ဆုံးကနေ ပါဝင် ပါတယ်။ သွေးအားကောင်းစေဖို့ သံဓါတ်ဟာအရေးပါသလို ကိုယ်ဝန်ဆောင်ချိန်အတွက်လည်း ဖောလစ်အက်ဆစ်ဟာ အရေးကြီးပါတယ်။ မိခင်တစ်ယောက်ကို ကိုယ်ဝန်မရှိခင်အချိန်၊ ရှိနေတဲ့အချိန်နဲ့ ရှိပြီးတဲ့အချိန်တိုင်းမှာ ကျန်းမာ နေစေသလို ကလေးကိုလည်းဖွံ့ဖြိုးစေတဲ့ ဗီတာမင် ဘီ (Vitamin B) ဟာ ဖောလစ်အက်ဆစ်ပါပဲ။ ကိုယ်ဝန်ဆောင် မိခင်များအနက် ၅ဝ ရာခိုင်နှုန်းဟာ ကြိုတင်စီစဉ်မထားသေးဘဲ ရသွားတာဖြစ်တဲ့အတွက် သန္ဓေသားမှာ ဖောလစ် အက်ဆစ် ချို့တဲ့ကောင်းချို့တဲ့နေနိုင်ပါတယ်။ ဒါကြောင့် အမျိုးသမီးတိုင်း အထူးသဖြင့် အိမ်ထောင်ရှိတဲ့ အမျိုးသမီး တိုင်းဟာ ဖောလစ်အက်ဆစ် မချို့တဲ့အောင် နေထိုင်စားသောက်ဖို့ အရမ်းအရေးကြီးပါတယ်။

.

** ဖောလစ်အက်ဆစ် (Folic Acid) ရဲ့ အခြေခံအကြောင်းအရာ **

သဘာဝအတိုင်းရတဲ့ အစားအသောက်တွေထဲမှာတွေ့ရတာကို ဖောလိတ် (Folate) လို့သတ်မှတ်ပြီး ဖောလစ်အက်ဆစ် (Folic Acid) ဆိုတာကတော့ ဖြည့်စွက်အားဆေးအနေနဲ့သုံးဖို့ ထုတ်လုပ်ထားတာ ဖြစ်ပါတယ်။ ဒီပုံစံ နှစ်ခုစလုံးဟာ ရေထဲမှာပျော်ဝင်နိုင်တဲ့ ဗီတာမင် ဘီတွေဖြစ်ပါတယ်။ ခန္ဓာကိုယ်မှာရှိတဲ့ ဆဲလ်တွေ ကြီးထွားမှု အရမ်းမြန်လာတဲ့အခါ ဖောလစ်အက်ဆစ်ကို လိုအပ်လာပါတယ်။ ကိုယ်ဝန်ဆောင်ချိန်၊ နို့တိုက်ချိန်၊ ကြီးထွားချိန်နဲ့ ကင်ဆာကို ကာကွယ်ဖို့အတွက်ဆိုရင် ပိုပြီးလိုအပ်ပါတယ်။ ဦးနှောက်ရဲ့ လုပ်ဆောင်မှုတွေ ကောင်းမွန်ဖို့လိုအပ်သလို စိတ်ခံစားမှု၊ စိတ်ပိုင်းဆိုင်ရာကျန်းမာရေးအတွက်လည်း ဖောလစ်အက်ဆစ်ဟာ အရေးပါတဲ့နေရာမှာ ပါဝင်ပါတယ်။ ဗီတာမင် ဘီ၁၂ (Vitamin B12) နဲ့ပေါင်းပြီး သွေးဆဲလ်တွေဖြစ်ပေါ်လာအောင်၊ ခန္ဓာကိုယ်ထဲမှာ သံဓါတ်တွေ အလုပ်ကောင်းကောင်း လုပ်နိုင်အောင် ကူညီပေးပါတယ်။ အစားစားချင်စိတ်ကို တိုးလာစေပြီး အစာအိမ်နံရံကနေ အစာခြေတဲ့ အက်ဆစ်တွေထွက်တာ ကိုလည်းများလာစေပါတယ်။ အသည်းကို ကျန်းမာစေဖို့၊ အရေပြားမှာ ပြဿနာတစ်စုံတရာမရှိဘဲ ကျန်းမာနေစေဖို့ ထိန်းထားပေးပါတယ်။ အူထဲရှိ ကပ်ပါးကောင်များအန္တရာယ်နှင့် အစာအဆိပ်သင့်ခြင်းကိုလည်း ကာကွယ်ပေးပါတယ်။ နှလုံးကြွက်သားကို အန္တရာယ်ပေးနိုင်တဲ့ Homocystine တွေကို ဖယ်ထုတ်တဲ့နေရာမှာ ကူညီပေးသလို နှလုံးကြွက်သားကို အဆီတွေလာစုတာကိုလည်း ထိန်းချုပ်ပေးနိုင်ပါတယ်။ အဆုတ်၊ အူနဲ့ သားအိမ်ခေါင်းကင်ဆာ တို့ကိုတောင် ကာကွယ်ပေးနိုင်တာတွေ့ရပါတယ်။

.


** ရနိုင်တဲ့ အရင်းအမြစ် **

များသောအားဖြင့်တော့ အစိမ်းရင့်ရောင် အရွက်တွေ၊ ပဲအမျိုးမျိုး၊ လိမ္မော်သီး၊ လိမ္မော်ရည်၊ ကညွှတ်၊ ပန်းဂေါ်ဖီ၊ ပန်းဂေါ်ဖီစိမ်း၊ ဂေါ်ဖီထုပ်၊ အသည်း၊ သင်္ဘောသီး၊ ငှက်ပျောသီး၊ ခရမ်းချဉ်သီးတွေမှာ အများဆုံးတွေ့ရတတ်ပါတယ်။ အရည်ရွှမ်းတဲ့ အသီးတွေ၊ ကောက်ပဲသီးနှံ၊ အသားအမျိုးမျိုးမှာလည်း ဖောလစ်အက်ဆစကြွယ်ဝစွာ ပါဝင်ပါတယ်။ ဒါပေမယ့် အမျိုးသမီးတွေရဲ့ ခန္ဓာကိုယ်ဟာ အစားကနေရတဲ့ ဖောလိတ်အားလုံးကို အသုံးပြုလို့ရတဲ့ ဖောလစ်အက်ဆစ် အဖြစ် ပြန်မပြောင်းနိုင်ပါဘူး။ ဒ့ါကြောင့် အမျိုးသမီးတစ်ယောက်ဟာ ဖောလိတ်ကြွယ်ဝတဲ့ အစားအသောက်တွေကို ပြည့်စုံစွာစားနေရင်တောင်မှ ဖောလစ်အက်ဆစ်ကို ဖြည့်စွက်သောက်ပေးသင့်ပါတယ်။ US မှာဆိုရင် တစ်နှစ်အတွင်း မွေးတဲ့ ကလေးတွေထဲက ၂၅ဝဝ လောက်ဟာ အာခေါင်ကွဲခြင်း၊ နှုတ်ခမ်းကွဲခြင်း၊ မွေးရာပါကျောရိုးဆစ်ဖုခြင်း စတဲ့ Neural Tube Defect (NTD) နဲ့မွေးဖွားလာတာကို တွေ့ရပါတယ်။ ဒီလိုမျိုးချို့ယွင်းမှုဟာ သန္ဓေအောင်ပြီး ၁၈-၃ဝ ရက်အတွင်းတည်းက ဖြစ်သွားတာကြောင့် မိခင်ဖြစ်သူဟာ သူ့ကိုယ်သူကိုယ်ဝန်ရှိမှန်း သေသေချာချာ မသိသေးခင် ကတည်းက ကလေးလေးဟာ (NTD) ကို လက်ခံရရှိပြီးဖြစ်နေပါတယ်။ အမျိုးသမီးရဲ့ ကိုယ်ထဲမှာ ဖောလိတ်လုံလုံ လောက်လောက် ရှိမနေတဲ့အတွက် ပြဿနာဖြစ်ရတာပါ။ ဒါ့ကြောင့် အမျိုးသမီးတစ်ယောက်ဟာ ကိုယ်ဝန်မဆောင် ခင်ကတည်းက ဖောလိတ်ကြွယ်ဝတဲ့ အစားအသောက်တွေ စားသောက်ဖို့လိုတဲ့အပြင် ဗီတာမင်များစွာပါတဲ့ ကိုယ်ဝန် ဆောင်အားဆေးတွေကိုလည်း ကြိုသောက်ပေးဖို့ လိုပါတယ်။

.


** ဖောလစ်အက်ဆစ် (Folic Acid) နှင့် ခန္ဓာကိုယ် **

ဖောလစ်အက်ဆစ်ဟာ ကြီးထွားဖွံ့ဖြိုးအတွက် အရေးပါပြီး အထူးသဖြင့် ခန္ဓာကိုယ်မှာရှိတဲ့ ဆဲလ်တွေ ကွဲပြီးပွားများဖို့နဲ့ ဆဲလ်တွေရဲ့ အခြေခံအမျှင်တွေဖြစ်တဲ့ DNA တွေ၊ RNA တွေပွားများဖို့အတွက် မရှိမဖြစ်ကို လိုအပ်ပါတယ်။ ဆဲလ်ကွဲပွားတဲ့ ဖြစ်စဉ်ဟာ ခန္ဓာကိုယ်ရဲ့ နေရာတိုင်းမှာဖြစ်နေတဲ့အတွက် ဖောလစ်အက်ဆစ် အလုပ်လုပ်တဲ့နေရာဟာ တစ်ကိုယ်လုံးမှာလို့ ပြောလို့ရပါတယ်။ ဖောလစ်အက်ဆစ်ဟာ ဗီတာမင် ဘီ၁၂ (Vitamin B 12)၊ ဗီတာမင် စီ (Vitamin C) တို့နဲ့ ပူးပေါင်းပြီး ခန္ဓာကိုယ်ကနေ အသုံးပြုမယ့် ပရိုတင်းတွေကို ချေဖျက်ဖို့၊ အသုံးပြုဖို့၊ လိုအပ်လာတဲ့ အချိန့်မှာ ပရိုတင်းတွေ အသစ်ပြန်ဖွဲ့ဖို့အတွက် အတူတကွ အလုပ်လုပ်ကြပါတယ်။ ဖောလစ်အက်ဆစ်ဟာ ခန္ဓာကိုယ်ရဲ့ အစိတ်အပိုင်းတိုင်း၊ အခြေအနေတိုင်းအတွက် အရေးကြီးနေပါတယ်။

.

အထူးသဖြင့် ဆဲလ်တွေကွဲပြီး ပွားချိန်ဖြစ်တဲ့ ကိုယ်ဝန်ဆောင်ချိန်၊ နို့တိုက်ချိန်၊ ကြီးထွားချိန်တွေမှာ ပိုပြီးလိုအပ်နေပါတယ်။ ဖောလစ်အက်ဆစ်ဟာ ခန္ဓာကိုယ်ကိုတည်ဆောက်မယ့် ပရိုတင်းတွေ ဖြစ်ပေါ်တဲ့နေရာမှာ အရမ်းအရေးကြီးတဲ့နေရာကနေပါဝင်ပါတယ်။ ဖောလစ်ဆက်ဆစ်ဟာ မွေးရာပါရောဂါတစ်ချို့ကို ကာကွယ်နိုင်သလို နှလုံး ရောဂါ၊ ကင်ဆာရောဂါတို့ကိုလည်း ကာကွယ်နိုင်ပါတယ်။ ဖြည့်စွက်အားဆေးကို ဖောလစ်အက်ဆစ်ချို့တဲ့နေတဲ့ ရောဂါ တွေကို ကုသတဲ့နေရာမှာသုံးကြသလို မီးယပ်နှင့်ပတ်သတ်တဲ့ရောဂါတွေ၊ ခြေထောက်မှာဖြစ်တဲ့ အနာတွေအတွက်လည်း အသုံးပြုကြပါတယ်။ တစ်သျှူးတွေ ကြီးထွားအောင်၊ ဆဲလ်တွေရဲ့လုပ်ဆောင်မှုကောင်းမွန်အောင် ကူညီပေးပါတယ်။ လိုအပ်လာတဲ့အချိန်မှာ အစာစား ချင်စိတ်ကို တိုးလာစေသလို အစာချေတဲ့အက်ဆစ်တွေဖြစ်ပေါ်လာဖို့လည်း လှုံဆော် ပေးပါတယ်။


.

** .ဖောလစ်အက်ဆစ် နှင့် ကိုယ်ဝန် **

ကိုယ်ဝန်ဆောင်သည် မိခင်တစ်ယောက်အနေနဲ့ သူကိုယ်တိုင်အတွက်ရော၊ ကလေးငယ်လေးအတွက်ပါ ဖောလစ်အက်ဆစ်ကို မရှိမဖြစ်လိုအပ်ပါတယ်။ မမွေးသေးတဲ့ ကလေးငယ်လေးနဲ့ အချင်း (Placenta) လျင်လျင်မြန်မြန် ကြီးထွားဖို့အတွက် အခြေခံကျကျလိုအပ်ပါတယ်။ ကိုယ်ဝန်ဆောင်ဖို့အခက်အခဲရှိနေတဲ့ အမျိုးသမီးတွေအတွက် ဗီတာမင် ဘီအုပ်စုဝင်ဖြစ်တဲ့ Biotin? B12 တို့နဲ့ တွဲပြီးပေးရင် မျိုးပွားအင်္ဂါတွေ အလုပ်လုပ်နိုင်လာပါတယ်။ ဖောလစ်အက်ဆစ်သာ မလုံလောက်ရင် ဆဲလ်တွေကွဲပြားတဲ့နေရာမှာ ယို့ယွင်းလာပြီး သန္ဓေသားနဲ့ အချင်းဖွံ့ဖြိုးမှုနှေးကွေးလာပါတယ်။ ဖောလစ်အက်ဆစ်ကို လုံလုံလောက်လောက် သုံးစွဲတာဟာ မွေးရာပါရောဂါတော်တော်များများကို ကာကွယ်နိုင်တာ တွေ့ရပါတယ်။ အထူးသဖြင့် (Neural Tube Defect) ဖြစ်တဲ့ အာခေါင်ကွဲခြင်း၊ နှုတ်ခမ်းကွဲခြင်း၊ မွေးရာပါကျောရိုးဆစ်ဖုခြင်း စတဲ့ရောဂါတွေ ကာကွယ်နိုင်ပါတယ်။ ဒါ့ကြောင့် မိဘနှစ်ဦးအနက် တစ်ယောက်ယောက်မှာ၊ မွေးထားတဲ့သားချင်းတစ်ယောက်ယောက်မှာ (Neural Tube Defect) ရှိဖူးရင် သတိထားရပါတယ်။ ပုံမှန် အမျိုးသမီး တစ်ယောက်အတွက် ဖောလစ်အက်ဆစ်ဟာ ဝ.၅ မီလီဂရမ်လောက်သာ လိုအပ်ပေမယ့် ဒီလိုမိခင်မျိုးကတော့ တနေ့ကို ၅ မီလီဂရမ်လောက်အထိ သောက်ပေးရပါတယ်။
.

.

** ဖောလစ်အက်ဆစ် နှင့် နှလုံး **


စားလိုက်တဲ့အသားဓါတ်တွေတို ခန္ဓာကိုယ်က အမိုင်နိုအက်ဆစ် (Amino Acid) အဖြစ်ပြောင်းလဲ အသုံးပြုပါတယ်။ အဲဒီအထဲက အမိုင်နိုအက်ဆစ် (Amino Acid) တစ်မျိုးဖြစ်တဲ့ Homocystine တွေသွေးထဲမှာ မြင့်တက်နေပြီဆိုရင်တော့ နှလုံးနဲ့ ပတ်သတ်တဲ့ ရောဂါတစ်ခုခုကို ခံစားရတတ်ပါတယ်။ လေသင်တုန်း (Stroke) ရှိသူ၊ နှလုံးကြွက်သားနှင့်ပတ်သတ်တဲ့ရောဂါရှိသူတွေဟာ ဖောလစ်အက်ဆစ်ကို ဖြည့်စွက်သောက်သင့်ပါတယ်။ Homocystine များတာဟာ အရိုးပွတာ၊ အရိုးပါးတာတွေနဲ့လည်း ဆက်စပ်နေပါတယ်။ ဖောလစ်အက်ဆစ်ဟာ ခန္ဓာကိုယ်ကနေ Homocystine တွေသုံးစွဲတာ၊ စွန့်ထုတ်တာကို ထိန်းညှိပေးပါတယ်။ Vit B6 B12 နဲ့ Folic Acid တို့ဟာ Homocystine တွေကို ဖျက်စီးပစ်သလို သူ့ကြောင့်ရလာနိုင်တဲ့ ရောဂါဖြစ်နိုင်ချေတွေကိုလည်း လျော့ချပေးပါတယ်။ တစ်နေ့မှာ ဖောလစ်အက်ဆစ် ဝ.၄ မီလီဂရမ်လောက် အနည်းဆုံး သောက်ပေးရင် Homocystine ပမာဏလျော့ကျနိုင်ပါတယ်။
.

ဖောလစ်အက်ဆစ် နှင့် ကင်ဆာ

ဖောလစ်အက်ဆစ်ဟာ အဆုတ်ကင်ဆာ၊ အူမကြီးနှင့် အစာဟောင်းအိမ်ကင်ဆာ၊ အစာရေမြိုပြွန်ကင်ဆာ၊ သားအိမ်ခေါင်းကင်ဆာ၊ ရင်သားကင်ဆာတို့နဲ့ ဆက်စပ်နေပါတယ်။ ခန္ဓာကိုယ်ရဲ့ အခြေခံ DNA နဲ့ RNAအမျှင်တွေဖြစ်ပေါ်ဖို့၊ ပျက်စီးသွားတာကို ပြန်ပြင်ဖို့၊ အလုပ်ကောင်းကောင်း လုပ်နိုင်ဖို့အတွက်ကို ကူညီပေးပါတယ်။ ဖောလစ်အက်ဆစ်ချို့တဲ့မှုကြောင့် DNA တွေပျက်စီးပြီး ကင်ဆာရောဂါရလာပါတယ်။ ဒါကြောင့် ကင်ဆာရောဂါ မဖြစ်ရအောင် လူတိုင်းဟာ ဖောလစ်အက်ဆစ်တွေကို အလေးအနက်ထားပြီးသုံးစွဲသင့်ပါတယ်။

.

.

** ဖောလစ်အက်ဆစ် နှင့် စိတ်ကျရောဂါ**

စိတ်ကျရောဂါရှိတဲ့သူ တော်တော်များများဟာ ဖောလစ် အက်ဆစ် ချို့တဲ့နေတာကို တွေ့ရပါတယ်။ ဒါ့ကြောင့် စိတ်ကျရောဂါရှိတဲ့သူတွေဟာ ဖောလစ်အက်ဆစ်ကို ဖြည့်စွက် သောက်သင့်ပါတယ်။ တခြား ဗီတာမင်တွေထက်စာရင် ဗီတာမင် ဘီ၉ (Vitaimin B9) ဖြစ်တဲ့ ဖောလစ်အက်ဆစ်ဟာ စိတ်ကျရောဂါမှာ ပိုပြီး သက်ရောက်မှုရှိပါတယ်။ စိတ်ကျရောဂါနဲ့ ဆက်စပ်နေတဲ့ Homocystine တွေကို လျော့ချ ပေးတဲ့အတွက် အသက်ကြီးလာချိန်မှာဖြစ်လာနိုင်တဲ့ စိတ်ကျရောဂါကို ကာကွယ်ပေးနိုင်ပါတယ်။ ဒါ့ကြောင့် စိတ်ကျရောဂါကို ကုသတော့မယ်ဆိုရင် ဖောလစ်အက်ဆစ်ကို ဗီတာမင် ဘီအားဆေးရဲ့ အစိတ်အပိုင်း တစ်ခုအနေနဲ့ ဖြည့်စွက် သောက်ပေးရပါမယ်။

.

.

** ဖောလစ်အက်ဆစ်နှင့် သားအိမ်ခေါင်း **

ဖောလစ်အက်ဆစ်ချို့တဲ့မှုဟာ သားအိမ်ခေါင်းမှာရှိတဲ့ ဆဲလ်တွေ ကြီးထွားမှုကို ဟန့်တားတဲ့ဖြစ်စဉ်နဲ့ သက်ဆိုင်နေပါတယ်။ ကျွမ်းကျင်သူတွေကတော့ အစားအသောက်တွေကနေ Folate ကို လုံလုံလောက်လောက် မရတဲ့အတွက် လိင်အင်္ဂါမှာ ကြွက်နို့ဖြစ်စေနိုင်သလို Pap Smear စမ်းသပ်တဲ့အခါမှာလည်း ပုံမှန်မဟုတ်တဲ့ရလဒ်တွေကို ဖြစ်စေတယ်လို့ ဆိုကြပါတယ်။ Folic Acid ကို တစ်နေ့လျှင် ၁မီလီဂရမ်ကို ၃လ ကျော်ကျော်လောက် သောက်ပေးရင်တော့ သားအိမ်ခေါင်းမှာရှိတဲ ဆဲလ်တွေဟာ ပုံမှန်ဖြစ်သွားနိုင်ပါတယ်။

** Folic Acid ချို့တဲ့မှု **

အာဟာရချို့တဲ့လို့ဖြစ်ရတဲ့ ပြဿနာတွေထဲမှာ ဖောလစ်အက်ဆစ်ချို့တဲ့မှုလည်း ပါဝင်ပါတယ်။ အရက်သောက် တဲ့သူ၊ ကိုယ်ဝန်ဆောင်သည်၊ အစာစုပ်ယူမှု ပြဿနာရှိတဲ့သူတွေ ဥပမာ အူရောင်နေတဲ့သူတွေ၊ Methotrexate လို ဆေးဝါးသောက်နေတဲ့သူတွေမှာလည်း ဖောလစ်အက်ဆစ်ချို့တဲ့တတ်ပါတယ်။ ကိုယ်ဝန်မဆောင်ခင်အချိန်က ဖောလစ် အက်ဆစ်ချို့တဲ့နေရင် ကလေးဟာ အာခေါင်ကွဲခြင်း၊ နှုတ်ခမ်းကွဲခြင်း၊ ဦးနှောက်ပျက်စီးခြင်းတို့ ဖြစ်တတ်ပါတယ်။ ကိုယ်ဝန်ဆောင်ချိန်မှာ ဖောလစ်အက်ဆစ်ချို့တဲ့ရင်တော့ မွေးဖွားချိန်မှာ ပေါင်မပြည့်တာ၊ လမစေ့ဘဲမွေးတာတွေ ဖြစ်နိုင်ပါတယ်။ ဒါ့ကြောင့် ကိုယ်ဝန်ဆောင်ချိန်မှာ သောက်သုံးရမယ့် ဖောလစ်အက်ဆစ်ပမာဏာ များကိုများရပါမယ်။

.

ဖောလစ်အက်ဆစ်ချို့တဲ့နေတဲ့ လက္ခဏာတွေဟာ သိပ်ပြီးတော့ မသိသာတဲ့အတွက် ကြိုပြီးခြေရာခံမိဖို့ ခက်ခဲပါ တယ်။ များသောအားဖြင့်တော့ ဘယ်လိုလက္ခဏာကိုမှ မပြတတ်ပါဘူး။ အရမ်းဆိုးရွားလာတဲ့အခြေအနေကို ရောက်မှသာ အားနည်းခြင်း၊ မောပန်းခြင်း၊ စိတ်တိုလွယ်ခြင်း၊ မေ့လျောခြင်း၊ အသက်ရှုခက်ခဲခြင်း၊ ခံတွင်းပျက်ခြင်း၊ ဝမ်းလျှောခြင်း၊ ကိုယ်အလေးချိန်လျော့ကျခြင်း၊ ခေါင်းကိုက်ခြင်း၊ ရင်တုန်ခြင်းတို့ဖြစ်နိုင်ပါတယ်။ ဖောလစ်အက်ဆစ်ချို့တဲ့ခြင်းကြောင့် စိတ်နေစိတ်ထားပြောင်းလဲတာ၊ မူမမှန်တော့တာမျိုးတွေဖြစ်လာနိုင်ပြီး အနည်းစုကတော့ စိတ်ကျရောဂါတောင် ဖြစ်နိုင်ပါတယ်။ အူရောင်ရောဂါရှိတဲ့သူတွေရဲ့ သွေးဆဲလ်တွေထဲမှာလည်း ဖောလစ်အက်ဆစ်ချို့တဲ့နေတာ တွေ့ရပါတယ်။ ဖောလစ်အက်ဆစ်ချို့တဲ့မှုကြာင့် ခြေလက်တွေမှာရှိတဲ့ သွေးကြောတွေမှာ ပြဿနာတွေရှိလာနိုင်ပြီး နှလုံးကြွက်သားနဲ့ သွေးကြောတွေမှာလည်း ရောဂါရလွယ်လာပါတယ်။
.

ဖောလစ်အက်ဆစ်ဟာ မိခင်နဲ့ ကလေးရဲ့ လတ်တလော ကျန်းမာရေးကိုသာကောင်းစေတာ မဟုတ်ပါဘူး။ ကျန်ရှိနေတဲ့ သက်တမ်းမှာ သွေးကြောနဲ့ပတ်သတ်တဲ့ရောဂါတွေ၊ နှလုံးနဲ့ပတ်သတ်တဲ့ရောဂါတွေကိုပါ လျော့ကျစေပါ တယ်။ ကိုယ်ဝန်ဆောင် အားဆေးတော်တော်များများမှာ ဖောလစ်အက်ဆစ် လုံလုံလောက်လောက် ပါဝင်ပါတယ်။ အလွယ်တကူလည်းဝယ်ယူလို့ရနိုင်ပါတယ်။ ကိုယ်ဝန်ယူမယ့်အစီအစဉ်ရှိတဲ့ အမျိုးသမီးတွေအနေနဲ့ ဆရာဝန်နဲ့ တိုင်ပင်ပြီး ကြိုသောက် ထားသင့်ပါတယ်။ ဖောလစ်အက်ဆစ်နဲ့ပတ်သက်တဲ့ လမ်းညွှန်မှုတွေရယူသင့်ပါတယ်။ မိခင်နဲ့ ကလေးအတွက် စိတ်အချရဆုံးကတော့ ကျန်းမာရေးကို ထိန်းထားဖို့ သတိပေးချက်တွေကို သေသေချာချာ လိုက်နာသင့်ပါတယ်။ ဖောလစ်အက်ဆစ်ကြွယ်ဝစွာပါတဲ့ အစားအစာတွေကို လုံလောက်အောင် စားပေးတဲ့အကျင့်ကို ဘဝတလျှောက်လုံးသာ ကျင့်သုံးသွားရင် ကျန်းမာပြီး လှပတဲ့ဘဝတွေကို ပိုင်ဆိုင်နိုင်ပါလိမ့်မယ်။

နှင်းနုလွင် (ဆေးဝါး)

အာရောဂျံ မဂ္ဂဇင်း၊

စက်တင်ဘာ၊ ၂၀၁၀။


 

ကိုယ်ဝန်ဆောင်ချိန်မှာ ဆေးသောက်လို့ရပါသလား August 18, 2010

ဒီမေးခွန်းကို ကိုယ်ဝန်ဆောင်မိခင်တိုင်း သိလိုကြပါတယ်။ ကိုယ်ဝန်ဆောင်သည်မှတင် မဟုတ်ပါဘူး။ လူတစ်ယောက်ဟာ အချိန်အခါမရွေး၊ နေရာဒေသမရွေး နာမကျန်းမှုအမျိုးမျိုးကို ကြုံတွေ့ရတတ်ပါတယ်။ ဒီလိုအချိန်မှာ ဆေးသောက်တာဟာ ထိရောက်တဲ့ ကုသမှုတစ်ခုဖြစ်တယ်ဆိုတာကို အားလုံးက သိကြပါတယ်။ ဒါပေမယ့် ကိုယ်ဝန်ဆောင်သည်ဟာ တခြားလူတွေသောက်သလို သောက်လို့မရပါဘူး။ မိခင်သောက်လိုက်တဲ့ဆေး တွေရဲ့ကောင်းခြင်း၊ ဆိုးခြင်းကို ကလေးကအမြဲလိုလို ခံစားနေရတတ်ပါသည်။ လူကြီးတွေထက်စာရင် ကလေးများက ဆေးရဲ့ ဒါဏ်ကို ပိုခံရပါတယ်။ ဒါ့ကြောင့် မဖြစ်မနေသောက်ရမယ့် ဆေးတစ်ချို့ကလွဲရင် ဆေးတော်တော်များများကို ကိုယ်ဝန်ဆောင်ချိန်မှာ ရှောင်ထားတာဟာ အကောင်းဆုံးပါပဲ။

.

ကိုယ်ဝန်ဆောင်ချိန်မှာ နှာစေး၊ ချောင်းဆိုး၊ ခေါင်းကိုက်တာတွေ ဖြစ်နိုင်သလို ကိုယ်ဝန်ကြောင့် ရင်ပူတာ၊ ဝမ်းလျှောတာတွေလည်း ဖြစ်နိုင်ပါတယ်။ ဒီမှာ စဉ်းစားသင့်တာက ရောဂါ လက္ခဏာတွေကို အောင့်အင်း သည်းခံ ပြီးနေမလား၊ စိတ်ချရတဲ့ OTC ဆေးတွေကို ရွေးမလား။ ဒါက အရမ်းအရေးကြီးပါတယ်။ မိခင်သောက်လိုက် တဲ့ဆေးတွေဟာ ချက်ကြိုးကနေတဆင့် ကလေးဆီကိုရောက်ပြီး ပြဿနာတွေ ဖြစ်နိုင်ပါတယ်။ မိခင်ဆီမှာ ချေဖျက် ပြီးသွားတဲ့ဆေးတွေရဲ့ အရွယ်အစားဟာ အရမ်းသေးငယ်သွားပါတယ်။ ဒီဆေးမှုန်လေးတွေဟာ ကလေးတွေအတွက် လိုအပ်နေတဲ့ အာဟာရများနဲ့အတူ အချင်းကိုဖြတ်ပြီး ကလေးရဲ့ ခန္ဓာကိုယ်ထဲကို ရောက်သွားပါတယ်။ ဒီဆေးတွေဟာ ကလေးအပေါ်မှာ ဘယ်လိုသက်ရောက်မှုတွေ ဖြစ်နိုင်တယ်ဆိုတာကတော့ ဆေးရဲ့ ပြင်းအားအပေါ်မူတည်သလို ကိုယ်ဝန်လ အနုအရင့်ပေါ်မှာလည်း မူတည်ပါတယ်။

.

ဆေးကြောင့်ကလေးအပေါ်မှာ ဘယ်လိုသက်ရောက်မှုတွေ ဖြစ်နိုင်သလဲဆိုတာ ကိုယ်ဝန်ဆောင်ချိန်ရဲ့ ကာလ (၃)ခု ပေါ်မှာ မူတည်ပြီး ကွဲပြားနေပါတယ်။ တချို့ဆေးတွေဟာ ကိုယ်ဝန်သက် ပထမ(၃)လကို ထိခိုက်စေပေမယ့် ဒုတိယ(၃)လ၊ တတိယ(၃)လ ကာလတွေအတွက် စိတ်ချလက်ချ သုံးလို့ရပါတယ်။ ဒါ့ကြောင့်ဆေး တစ်ခုကို သုံးတော့မယ်ဆိုရင် ကိုယ်ဝန်သက်တမ်းကိုပါ ထည့်တွက်ရပါတယ်။ ပထမ(၃)လမှာ သောက်တဲ့ဆေးတွေဟာ ကလေးအပေါ်မှာတော့ ပြင်းထန်တဲ့ သက်ရောက်မှုတွေဖြစ်စေပါတယ်။ အင်္ဂါအစိတ်အပိုင်းတွေ ဖွံ့ဖြိုးစအရွယ်ဖြစ်တာကြောင့် သောက်လိုက်တဲ့ဆေးတွေဟာ ကလေးရဲ့ ဖွံ့ဖြိုးမှုကို ထိခိုက်စေပါတယ်။ မွေးရာပါ ချို့ယွင်းချက်တွေဖြစ်လာနိုင်သလို ကိုယ်ဝန်ပျက်ရတဲ့အထိတောင် ဖြစ်နိုင်ပါတယ်။

.

ဒုတိယ(၃)လ ကိုယ်ဝန်သက် (၆)လ အတွင်းမှာ သောက်လိုက်တဲ့ ဆေးတွေကတော့ ကလေးမှာရှိတဲ့ အာရုံကြောအဖွဲ့အစည်း (Nervous System)ရဲ့ ဖွံ့ဖြိုးတိုးတက်မှုကို ဟန့်တားနိုင်သလို ကလေးငယ်ရဲ့ ကြီးထွားမှု ကိုလည်း အနှောင့်အယှက်ပေးနိုင်ပါတယ်။ တတိယ(၃)လ ကိုယ်ဝန်သက် (၉)လ အတွင်းမှာ ဆေးပြင်းတွေ သောက်ရင်တော့ မျှော်လင့်မထားတဲ့ အခြေအနေဆိုးတွေ ဝင်ရောက်လာတတ်ပါတယ်။ မီးဖွားခါနီး သောက်လိုက်တဲ့ဆေးပြင်းတွေဟာ မီးဖွားပြီးချိန်အထိလည်း ကလေးဆီမှာ ကျန်ခဲ့တတ်ပါတယ်။ ဒီဆေးတွေကြောင့် မွေးကင်းစကလေးတွေမှာ အသက်ရှုရခက်တဲ့ ပြဿနာတွေ ဖြစ်တတ်ပါတယ်။ တချို့ဆေးတွေကတော့ သားအိမ်မှာ သွားပြီးသက်ရောက်တတ်ပါတယ်။ တချို့ဆေးတွေဟာ သားအိမ်ကိုကျုံ့စေတတ်ပြီး တချို့ကတော့ သားအိမ်ကို ကျယ်စေပါတယ်။ ဒီလိုဆေးမျိုးတွေကြောင့် ကလေးဆီကို သွေးအလုံအလောက်မလျှောက်ခြင်း၊ လမစေ့ဘဲ ကလေးမွေးခြင်း၊ မွေးချိန်လွန်ပြီးမှမွေးခြင်းတို့လို ပြဿနာတွေ ဖြစ်တတ်ပါတယ်။

.

ကိုယ်ဝန်ဆောင်ချိန်မှာ စိတ်ချလက်ချသုံးလို့ရတဲ့ဆေး၊ စိတ်ချလက်ချသုံးလို့ရတဲ့ အခြေအနေဆိုပြီးတော့ အတိအကျ မရှိပါဘူး။ ဒါ့ကြောင့် ဆေးတစ်မျိုးသုံးတော့မယ်ဆိုရင် မိခင်ဆီမှာရလာနိုင်တဲ့ ကောင်းကျိုးနဲ့ ကလေး ဆီမှာ ဆက်ဖြစ်လာနိုင်တဲ့ အကျိုးဆက်တွေကို အမြဲချင့်ချိန်ရပါတယ်။ ကလေးငယ်ကို ဆိုးဆိုးရွားရွား ထိခိုက်စေတဲ့ ဆေးတွေဆိုရင်တော့ တခြားသင့်တော်မယ့် နည်းလမ်းကို ပြောင်းပြီး စဉ်းစားသင့်ပါတယ်။ ဖြစ်နိုင်ရင်တော့ ကိုယ်ဝန်ပထမ (၃)လ အတွင်းမှာ ဘာဆေးမှ မသောက်သင့်ပါဘူး။ ကိုယ်ဝန်ဆောင်ချိန်မှာ ဘယ်ဆေးကိုမဆို သောက်တော့မယ်ဆိုရင် ဆရာဝန် သို့မဟုတ် ဆေးဝါးပညာရှင်တွေနဲ့ တိုင်ပင်ဆွေးနွေးသင့်ပါတယ်။ ကိုယ်ဝန် ဆောင်ချိန်မှာ ကြုံတွေ့လာနိုင်တဲ့ အပယိက နာမကျန်းမှုတွေအတွက် ဆေးသုံးရမလား၊ တခြားနည်းလမ်းသုံးမလား ဆိုတာကို ဆက်ပြီးလေ့လာကြည့်ရအောင်။

.

.

(၁) ဝမ်းချုပ်ခြင်း

ကိုယ်ဝန်ဆောင်ချိန်မှာရော ပုံမှန်အချိန်မျိုးမှာပါ ဝမ်းချုပ်တတ်ကြပါတယ်။ ပထမဆုံးတော့ အစားအသောက် နဲ့ပြန်ပြီးထိန်းသင့်ပါတယ်။ အသားအမျိုးမျိုးဟာ ဝမ်းချုပ်စေတဲ့အတွက် အသီးအရွက်တို့ကို ဦးစားပေးပြီး စားသင့်ပါတယ်။ အမျှင်ဓါတ်ြွကယ်ဝတဲ့ အစားအစာတွေဟာ ဝမ်းသွားစေပါတယ်။ နေရာတစ်ခုမှာ အကြာကြီးငြိမ်ထိုင်မနေဘဲ ဟိုဟိုဒီဒီလှုပ်ရှားသွားလာနေသင့်ပါတယ်။ ရေလည်း အများကြီးသောက်ပေးဖို့ လိုအပ်ပါတယ်။ ဒီနည်းလမ်းနဲ့မှ မသက်သာရင်တော့ အလွယ်တကူဝယ်သုံးခွင့်ရှိတဲ့ဆေး (Over The Counter-OTC)ကို အသုံးပြုလို့ရပါတယ်။ Ispaghula, Methylcellulose, Bran ပါတဲ့ဆေးတွေကို ရွေးချယ်ပြီးသုံးနိုင်ပါတယ်။

.

(၂) အစာမကြေခြင်း၊ ရင်ပူခြင်း

ဆိုဒီယမ်ဘိုင်ကာဗွန်နိတ် (Sodium Bicarbonate) ပါတဲ့ဆေးတွေကို သွေးစီးကြောင်းက စုပ်ယူနိုင်ပါတယ်။ ဒါ့ကြောင့် ကိုယ်ဝန်ဆောင်ချိန်မှာ မသောက်တာက အကောင်းဆုံးပါပဲ။ ပမာဏအများကြီး သောက်ရမှာမဟုတ်ပေမယ့်လည်း မဖြစ်မနေသောက်ရတော့မယ်ဆိုရင် တတ်ကျွမ်းသူတွေနဲ့ တိုင်ပင်ပြီးမှသာ သုံးသင့်ပါတယ်။

.

(၃) ခေါင်းကိုက်ခြင်း၊ ခါးနာခြင်း

ခေါင်းကိုက်တဲ့အခါ ခေါင်းကို အသာအယာလေးနှိပ်ပေးသင့်ပါတယ်။ ခါးနာနေရင်လည်း တောင့်တင်းနေတဲ့ြွကက်သားတွေ ပြေလျော့သွားဖို့ ခပ်ဆန့်ဆန့်လေး နေပေးတာ၊ ခပ်နွေးနွေးရေထဲမှာ စိမ်ပေးတာမျိုးကိုသာ အဓိကထားပြီး လုပ်သင့်ပါတယ်။ အကိုက်အခဲပျောက်ဆေးတွေကို မသုံးသင့်ပေမယ့် အရမ်းဆိုးရွားလို့ မဖြစ်မနေ သုံးရတော့မယ်ဆိုရင် ပါရာစီတမော (Paracetamol) လောက်ပဲသုံးသင့်ပါတယ်။ Aspirin, Ibuprofen တို့လိုဆေးမျိုးတွေကတော့ မသုံးသင့်ပါဘူး။ ကိုယ်ဝန်နောက်ဆုံးကာလမှာသုံးမိရင် မီးဖွားချိန်နှောင့်နှေးစေတဲ့အတွက် မလိုလားအပ်တဲ့ ပြဿနာတွေဖြစ်တတ်ပါတယ်။ Aspirinဟာ သွေးကျဲစေတဲ့အတွက် မိခင်မှာရော ကလေးမှာပါ သွေးထွက်လွန်တာမျိုး ဖြစ်နိုင်ပါတယ်။ ကလေးယူမယ့် အစီအစဉ်ရှိတဲ့မိခင်လောင်းတွေ၊ ကိုယ်ဝန် (၃)လရှိတဲ့ မိခင်တွေအနေနဲ့ ဆေးတွေကိုကြိုရှောင်ထားတာက အကောင်းဆုံးပါပဲ။

.

(၄) ဓါတ်မတည့်မှု

ဘာ့ကြောင့် ဓါတ်မတည့်မှုဖြစ်ရတာလဲ၊ ယားယံရတာလဲဆိုတဲ့ အကြောင်းအရင်းကို သိရအောင် အရင်ဆုံး ကြိုးစားသင့်ပါတယ်။ ပန်းဝတ်မှုန်၊ ဘဲသွေး၊ ဖုန်မှုန့်၊ စူးရှတဲ့အနံ့ စသည်ဖြင့် တိတိကျကျ သိသွားရင် သူတို့နဲ့ထိတွေ့မှုမရှိရအောင် ရှောင်လို့ရသွားပါတယ်။ အကြောင်းအရင်းကိုမသိရရင်တော့ (Sodium Cromoglicate) ပါဝင်တဲ့ Nasal Spray သို့မဟုတ် Eye Drops တွေကို သုံးနိုင်ပါတယ်။ Beclomethasone ကဲ့သို့ Steroids ဆေးတွေဟာသုံးလို့ရပေမယ့် ကြာရှည် သုံးလို့မသင့်တော်ပါဘူး။ ဒီလိုဆေးမျိုးတွေဟာ သွေးကတဆင့် ကလေးဆီကိုရောက်သွားပါတယ်။ ကလေးငယ်ရဲ့ ကြီးထွားမှုကို အနှောင့်အယှက်ပေးနိုင်တဲ့အတွက် ကျွမ်းကျင်သူတွေထံမှ အကြံဥာဏ်ရယူပြီးမှသာ သုံးသင့်ပါတယ်။ Cetirizine, Loratidine တို့ကဲ့သို့ Antihistamine တွေကတော့ စိတ်ချလက်ချသုံးလို့ရတယ်ဆိုတဲ့ အကြောင်းပြချက်မပြည့်စုံသေးတဲ့အတွက် ရှောင်သင့်ပါတယ်။ တခြားဆေးတွေသုံးလို့မှ အဆင်မပြေရင်တော့ ဆရာဝန်နဲ့တိုင်ပင်ပြီး Chlorpheniramine ကိုသုံးနိုင်ပါတယ်။

.

(၅) ချောင်းဆိုးခြင်း၊ အအေးမိခြင်း

ဒီလိုရောဂါ လက္ခဏာတွေကို ထိန်းချုပ်ဖို့အတွက် အသုံးပြုတဲ့ဆေးတွေမှာ ဆေးအမျိုးပေါင်းများစွာ ပါဝင်နေတတ်ပါတယ်။ ဒါ့ကြောင့် ပါဝင်ပစ္စည်းတစ်မျိုးချင်းစီဟာ စိတ်ချလက်ချသုံးလို့ရတာဟုတ်၊ မဟုတ် သေသေချာချာသိဖို့က အရမ်းအရေးကြီးပါတယ်။ နှာရည်ပျော်စေတဲ့ Pseudoephedrine, Phenylephrine လိုဆေးမျိုးဟာ စိတ်ချလက်ချသုံးလို့ရတယ်ဆိုတာ မသေချာပါဘူး။ နှာခေါင်းပိတ်တာကို သက်သာစေချင်ရင် ရေနွေးငွေ့ရှုတဲ့နည်းလမ်းဟာ အကောင်းဆုံးပါပဲ။ ရေနွေးငွေ့ရှုပေးတဲ့အခါ ချွဲတွေကျဲသွားသလို ချွဲတွေခပ်ထုတ်ရတာလည်း လွယ်ကူသွားပါတယ်။ မိမိရွေးချယ်လိုက်တဲ့ ချောင်းဆိုးပျောက်ဆေးမှာ Iodide သာပါသွားခဲ့ရင် ဒီဆေးတွေဟာ ကလေးရဲ့ Thyroid Gland အလုပ်လုပ်တာကို အနှောင့်အယှက်ပေးနိုင်ပါတယ်။ ချွဲမပါတဲ့ ချောင်းခြောက်ဆိုးရင် အသုံးပြုတဲ့ Dextromethorphan ကလည်း စိတ်ချရတယ်ဆိုပေမယ့် ပမာဏ နည်းနည်းနှင့် ခဏတစ်ဖြုတ်သုံးဖို့အတွက်ပဲ သင့်တော်ပါတယ်။ ဖြစ်နိုင်ရင်တော့ ကိုယ်ဝန်(၃)လ အတွင်းမှာ လုံးဝမသောက်သင့်ပါဘူး။ လည်ချောင်းယားတာကို သက်သာစေတဲ့ ငုံဆေး၊ ပျားရည်၊ Glycerol ပါဝင်တဲ့ ဆေးရည်တွေဟာ လည်ချောင်းအတွင်းမှာ အပေါ်ယံအလွှာအနေနဲ့ ဖုံးအုပ်ထားပါတယ်။ ဒါဟာ လည်ချောင်းယား ပြီးချောင်းဆိုးတာကို သက်သာဖို့အတွက် ဘေးအကင်းဆုံး နည်းလမ်းတစ်ခုဖြစ်ပါတယ်။

.

(၆) ဝမ်းလျှောခြင်း

မိခင်ဖြစ်သူ ဝမ်းအနည်းငယ်သွားရုံနဲ့တော့ ကလေးမှာ ဘာမှ အန္တရယ်မရှိနိုင်ပါဘူး။ ဒါပေမယ့် ရက်ကြာလာရင်တော့ ရေဓါတ်တွေဆုံးရှုံးသွားနိုင်ပါတယ်။ ဒါကိုကာကွယ်ဖို့အတွက် ဓါတ်ဆားရည်တိုက်သင့်ပါတယ်။ ဝမ်းပိတ်သွားဖို့အတွက် Probiotics ၊ Kaolin Mixture ပါတာတွေ သုံးလို့ရပါတယ်။ Loperamide လိုဆေးမျိုးကတော့ ဘေးကင်း၊ မကင်း မသေချာတဲ့အတွက် မသုံးသင့်ပါဘူး။

.

ကိုယ်ဝန်မဆောင်ခင်မှာရော၊ ဆောင်နေတဲ့အချိန်မှာပါ အမျိုးသမီးတိုင်းသောက်သင့်တာ ဖောလစ် အက်ဆစ် (Folic Acid) ပါ။ Folic Acid ဟာ ကလေးငယ်ရဲ့ ကျောရိုးဆစ်များ ဖွံ့ဖြိုးစေပါတယ်။ အာရုံကြော အဖွဲ့အစည်း (Nervous System) ကို အကူအညီပေးနိုင်သလို မွေးရာပါကျောရိုးကွဲခြင်း (Spina Bifida) ကိုလည်း ကာကွယ်ပေးပါတယ်။ Folic Acid ကို နေ့တိုင်းသောက်ပေးရင် နှာခေါင်းကွဲခြင်း၊ အာခေါင်ကွဲခြင်း တို့လို မွေးရာပါ ချို့ယွင်းချက်တွေ မပါလာနိုင်တော့ပါဘူး။ ဒါ့ကြောင့် ကိုယ်ဝန်မဆောင်ခင်နှင့် ဆောင်ပြီး ၁၂ ပတ်ခန့်ကြာတဲ့အထိ တနေ့လျှင် Folic Acid (၄၀ဝ) မိုက်ခရိုဂရမ် သောက်ပေးသင့်ပါတယ်။ မိဘနှစ်ဦးအနက် တစ်ဦးဦးမှာ၊ ဒါမှမဟုတ် သားချင်းတစ်ဦးဦးမှာ မွေးရာပါကျောရိုးကွဲတာ ဖြစ်ဖူးလျှင် ဆရာဝန်နဲ့တိုင်ပင်ပြီး (၅) မီလီဂရမ်အထိ သောက်နိုင်ပါတယ်။ အကောင်းဆုံးကတော့ “မလိုအပ်ပါဘဲ ဘာဆေးကိုမှ မသောက်ပါနဲ့”။ တိုင်းရင်းဆေး၊ အပင်အနှံကရတဲ့ ဆေးတွေကလည်း စိတ်ချလက်ချသုံးစွဲလို့မရတဲ့အတွက် ဘယ်ဆေးကိုပဲသောက်သောက် ကျွမ်းကျင်သူတို့ကို တိုင်ပင်ပြီးမှသာ သောက်သင့်ပါတယ်လို့ အကြံပြုလိုက်ပါတယ်။

နှင်းနုလွင်(ဆေးဝါး)

စရဏမဂ္ဂဇင်း (ဒီဇင်ဘာ၊ ၂၀၀၉)