ဝမ်းနှုတ်ဆေးများ December 28, 2010

ဆေးဝါးများ၏ ဒိုင်ယာရီ
(၆)
ဝမ်းနှုတ်ဆေးများ

.

~

လူတစ်ယောက်အတွက် မရှိမဖြစ်လိုအပ်သော အဖော်မွန်များထဲတွင် ကျွန်တော်သည်လည်း အပါအဝင်ဖြစ်သည်။ လူတစ်ယောက် သက်တောင့်သက်သာနှင့် ပုံမှန်အတိုင်းနေနိုင်စေရန် ကျွန်တော့်က စွမ်းဆောင်နိုင်သကဲ့သို့ ဝမ်းဗိုက်နှင့် ပတ်သက်ပြီး ရောဂါရှာဖွေရာတွင် တိကျသော အဖြေတို့ကို ရရှိနိုင်ရန်လည်း ကူညီပေးနိုင်ပါသည်။ ကျွန်တော်ကို အဖိုးအဖွားများက အသိအမှတ်ပြုသကဲ့သို့ လူရွယ်လူငယ်များကလည်း မိတ်ဆွေဖွဲ့လိုကြပါသည်။ ကျွန်တော့်ကို တန်ဖိုး ထားပြီး နေရာပေးသူတို့ရှိသကဲ့သို့ အလွဲသုံးစားလုပ်နေသူတွေလည်း အတော်ကိုများလှပါသည်။ ကျွန်တော့်နှင့်ပတ်သက်ပြီး လူအများ၏ သဘောထားအတိအကျကို မသိရသော်လည်း ကျွန်တော်အကြောင်းကိုတော့ တိတိကျကျသိထားသင့်သည်ဟု ဝမ်းနှုတ်ဆေးတစ်မျိုးဖြစ်သော ကျွန်တော် Lactulose က ခံယူထားသည်။
~

ကျွန်တော်သည် ဝမ်းနှုတ်ဆေး၊ ဝမ်းပျော့ဆေးဖြစ်သည်ဟု ဆိုလျှင် အားလုံး၏မျက်ဝန်းများ အရောင်တောက်ပ လာသည်ဟု ကျွန်တော် ထင်မိသည်။ ”ဝမ်းတစ်လုံးကောင်း၍ ခေါင်းမခဲနိုင်” ဆိုသော စကားအတိုင်း ဝမ်းမှန်မှန်သွားခြင်းကို တန်ဖိုးထားကြသူများအတွက် ကျွန်တော်ကျေနပ်ပီတိဖြစ်မိပါသည်။ လူတစ်ယောက်ခံစားနေရသော ဝမ်းချုပ်ခြင်းအတွက် ကူညီဖြေရှင်းပေးမည့် ကျွန်တော့်၏ရောင်းရင်းများ သည် မတူညီသော အုပ်စုအသီးသီးမှ ဆင်းသက်လာကြသူများ ဖြစ်ကြပြီး အလုပ်လုပ်သောပုံစံချင်းလည်း ကွာခြားကြပါသည်။ ဆေးသုံးစွဲမည့် သူများအနေဖြင့် ထိုကွဲပြားမှုတွေအကြောင်းကို သိထားလျှင် မိမိနှင့် အသင့်တော်ဆုံးအမျိုးအစားတစ်ခုကို ရွေးချယ်နိုင်မည်ဖြစ်သောကြောင့် ကျွန်တော်တို့အကြောင်းကို လေ့လာမှတ်သား ကြည့်စေချင်သည်။

~

ကျွန်တော်တို့ထဲတွင် အသုံးတွင်ကျယ်နေသော ဆေးမှာ ဝမ်းများများသွားစေသော အုပ်စုထဲမ Isphagula ဖြစ်သည်။ ကျွန်တော့်တို့အထဲတွင် အတော်လေးကို ထူးခြားသောဆေးတစ်မျိုးဖြစ်သည်ဟုလည်း သတ်မှတ်နိုင်ပါသည်။ သူ့ကိုယ်သူ ဆေးဘက်ဝင်သော အပင်မှရသောဆေး Isphagula က အမြဲလိုလိုဂုဏ်ယူဝင့်ကြွားနေတတ်သည်။ အမှန် တကယ်လည်း သူသည်နာမည်ကြီးလောက်ပါသည်။ သူသည် အပင်အနှံကရသောကြောင့် ခန္ဓာကိုယ်အတွက် လိုအပ်သော အမျှင်ဓါတ်များကို တိုးစေပါသည်။ ဝမ်းချုပ်နေသူ၊ ဝမ်းသွားရန်အားစိုက်ထုတ်ရသူ၊ အူလမ်းကြောင်း ရွှေ့လျားမှုနှင့် ပတ်သက်သော ပြဿနာတို့အတွက် Isphagula သည် အတော်ကို အရေးပါအရာရောက်လှသည်။ လိပ်ခေါင်းရှိသူ၊ စအိုကွဲနာရှိသူ၊ ကြာရှည်ဝမ်းချုပ်နေသူများအတွက်လည်း ရလဒ်ကောင်းကို ဖြစ်စေပါသည်။ ထိုသို့ အကူအညီပေးနိုင်ခြင်း အတွက် Isphagula သည် အမြဲပျော်ရွှင် နေတတ်သည်။

.

.

သို့သော် လူတစ်ယောက် သူ့ကိုသုံးစွဲတော့မည်ဆိုလျှင် ရေနှင့်ဖျော်ပြီးပြီးချင်း ချက်ခြင်းသောက်ပါရန် Isphagula က ဆုတောင်းနေတတ်သည်။ ထိုသို့ မဟုတ်လျှင် ခဏအတွင်းမှာပင် ပျစ်ခဲသွားလိ့မ်မည်၊ ရေပမာဏသာ မလုံလောက် လျှင် အူလမ်းကြောင်းတွင် ပိတ်ဆို့သွားမည်ကှို Isphagula က အမြဲတမ်းစိုးရိမ်နေတတ်သည်။ သူ့ကို ဈေးကွက်ထဲမှ အမှုန့်အနေဖြင့် ဝယ်ခဲ့ချိန်တွင် ရေနှင့်ဖျော်ပြီးသုံးစွဲရမည်ကို တစ်ခါတည်း ညွှန်ကြားထားပြီး ဖြစ်သော်လည်း သူသည် ထိုအချက်ကို စိုးရိမ်နေမြဲဖြစ်သည်။ ထို့အတွက် ပိုပြီးစိတ်ချရအောင် သူ့ကိုသုံးပြီးချိန်တွင် ရေတစ်ဖန်ခွက်လောက် ထပ်သောက်ပေးပါရန် ကျွန်တော်က ထပ်ဆင့် အကြံပြုချင်ပါသည်။
~

တကယ်တော့ Isphagula သည် အပြစ်ပြောစရာမရှိလောက်အောင် ပြည့်စုံသောဆေးတစ်လက်တော့ မဟုတ်ပါ။ သူသည်လည်း ဆေးတစ်မျိုးပင်ဖြစ်သည်၊ သူ့ကြောင့်ဘေးထွက်ဆိုးကျိုးများခံစားရနိုင်သကဲ့သို့ သတိထားသုံးစွဲသင့်သည့် လူတန်းစားလည်း ရှိသေးသည်ကို အမြဲသတိချပ်သင့်သည်။ အသက်ကြီးသောသူ၊ မသန်မစွမ်း ဖြစ်နေသူတို့အတွက် အသုံးပြုလျှင် အတော်ကို သတိထားရပါလိမ့်မည်။ အူကျဉ်းနေသူ၊ အူလမ်းကြောင်းရွှေ့လျားမှုနှေးကွေးသူများတွင် Isphagula သည် အလုပ်လုပ်နိုင်မည်မဟုတ်ပေ။ ထို့အတူ အစားအစာတို့ကို မျိုချရန်ခက်ခဲသူ၊ အူပိတ်နေသူ၊ စမြင်းတုံး ခံနေသူတို့တွင် လုံးဝမသုံးစွဲပါရန်ကျွန်တော်က တားမြစ်ရပါလိမ့်မည်။ ကျွန်တော့်ကို အစိုးရိမ်ကြီးတတ်ရန်ကောဆိုပြီး အပြစ်တင်လျှင်လည်းခံရပါမည်။ ဆေး၏ကောင်းကျိုးထဲတွင် နစ်မျောကာ အန္တရာယ်ဖြစ်လာမည့်အရေးကို စိုးရိမ်သော ကြောင့်သာ ဖြစ်ပါသည်။

~

လူတစ်ယောက်ဝမ်းချုပ်ချိန်တွင် Isphagula သောက်ပြီး ထူးခြားမှုမရှိခဲ့လျှင်တော့ ကျွန်တော် Lactulose ကို သုံးစွဲရပါတော့မည်။ ကျွန်တော်သည် အူနံရံမှရေကိုဆွဲယူကာ ဝမ်းကိုနူးစေသော ဝမ်းနှုတ်ဆေးအုပ်စုထဲမှဖြစ်သည်။ ကျွန်တော်သည် ဆရာဝန်တိုင်းလိုလို၏ ယုံကြည်ကိုးစားခြင်း ခံရသောဆေး တစ်မျိုးဖြစ်သည်ဟုဆိုလျှင် အားလုံးက လက်ခံ ကြပါလိမ့်မည်။ ကျွန်တော်သည် ဝမ်းပျော့ဆေးတစ်မျိုးဖြစ်သော်လည်း ကျွန်တော့်၏အစွမ်းအစသည် ထိုထက်မက များပြားလှပါသည်။ ဆရာဝန်၏ ညွှန်ကြားချက်အရ ကျွန်တော့်ကို တခြားနေရာများတွင် အသုံးပြုနိုင်သေးသည်ကို သုံးစွဲဖူးတိုင်းက သတိထား မိပါလိမ့်မည်။
~

~

ဆေးတော်တော်များများသည် အစာအိမ်နှင့် အူသေးတို့တွင် ပြိုကွဲပျက်စီးသွားကြသော်လည်း ကျွန်တော့်ကိုမူ ထိုနေရာတို့တွင်ရှိသော အက်ဆစ်သဘာဝ၊ အယ်ကာလီသဘာဝတို့ဖြင့် ချေဖျက်နိုင်မည်မဟုတ်ပေ။ ကျွန်တော်သည် အူမကြီးကို ရောက်သောအခါမှသာ ထိုနေရာရှိ အကျိုးပြုပိုးကောင်များ၏ အကူအညီကိုယူကာ ပြိုကွဲပြီးအာနိသင် ပြနိုင် ပါသည်။ ကျွန်တော်သည် ခန္ဓာကိုယ်အတွက် အကျိုးပြုသော ပိုးကောင်များပွားများမှုကို အားပေးပြီး အဆိပ်အတောက် ဖြစ်စေသော ဓါတ်ငွေ့တို့ကို ထုတ်လွှတ်ပေးမည့် ပိုးကောင်တို့ကို လျော့ကျစေပါသည်။ ထို့အတွက် ကျွန်တော်သည် အလွန်အသုံးဝင်သောဆေးဆိုပြီး မျက်နှာပွင့်လန်းလာသည်။

~
အသည်းမကောင်းသူများတွင် အဆိပ်အတောက်ရှိသော အမိုးနီးယားကဲ့သို့ ဓါတ်ငွေ့များကို ဖယ်ရှားနိုင်ရန် ကျွန်တော်သည် အရေးပါသည်။ ထိုအခါမျိုးတွင် ကျွန်တော်သည် ဝမ်းနှုတ်ဆေးဆိုသော အသုံးအနှုန်းအပြင် တခြားသော အသုံးဝင်မှုများကိုပါ ပြသတော့သည်။ ဥပမာဆိုရလျှင် ပိုးသတ်ဆေးသောက်ပြီးချိန်မျိုးတွင် အကျိုးပြုသော ပိုးကောင်များ လျော့နည်းသွားပါက ကျွန်တော်ကို အသုံးပြုနိုင်သည်။ သည်းခြေအိတ်နှင့် ပတ်သက်သောရောဂါ၊ အူရောင်ခြင်း၊ သွားဖုံးရောင်ခြင်း၊ သွားဖုံးပတ်မြှေးရောင်ခြင်း၊ သွေးယိုခြင်းတို့အတွက်ပါ သုံးနိုင်သည်ကိုသိလျှင် မိတ်ဆွေ အံသြနေပါ လိမ့်မည်။

~

ကျွန်တော်တို့ကို သုံးစွဲရသော ရည်ရွယ်ချက်ပေါ် မူတည်၍သုံးစွဲရမည့် ဆေးပမာဏ ကွာခြားမှုရှိနေပါသည်။ ဝမ်းချုပ်နေသူများတွင်သုံးစွဲရမည့် ပမာဏကိုတော့ ကျွန်တော်လမ်းညွှန်ချင်ပါသည်။ လူကြီးများအနေဖြင့် ကျွန်တော်တို့ကို တနေ့လျှင် ၃ဝ မီလီ ခန့်သုံးစွဲနိုင်သည်။ ကလေးကြီးများ တွင် ကျွန်တော်တို့ကို ၁ဝ မီလီကနေ ၂ဝ မီလီအထိ သုံးစွဲနိုင်ပါသည်။ ဤနေရာတွင် ဆေးအချိန်အဆနှင့် ပတ်သက်ပြီး ကျွန်တော်တခုပြောချင် ပါသည်။ ဆေးသောက်ရန်အ တွက် လဘက်ရည်ဇွန်း ၁ဇွန်း၊ ၂ ဇွန်း စသည်ဖြင့် ညွှန်ကြားထားသော်လည်း တကယ့်လက်တွေ့တွင်မူ ဇွန်းအရွယ် အစားသည် ကွဲပြားမှုရှိနေသည်။ ဆေးပုလင်းတွင်ပါရှိသော ဇွန်း သို့ ပုံစံခွက်ငယ်ကို အသုံးပြုခြင်းသည်သာ အကောင်း ဆုံးဖြစ်ပါသည်။ တခြားရောဂါအခြေအနေများအတွက်မူ ညွှန်ကြားလာသော ဆရာဝန်၏ လမ်းညွှန်မှုကို ခံယူပါရန် ကျွန်တော့်က အကြံပေးချင်ပါသည်။

~

တကယ့်လက်တွေ့မှာ ကျွန်တော့်တွင်လည်း ချို့ယွင်းချက်တွေရှိနေပါသည်။ တခြားဆေးများကဲ့သို့ပင် ကိုယ်ဝန် ဆောင်သည်များသည် ကျွန်တော်ကိုသုံးစွဲလိုလျှင် ဆရာဝန်နှင့် ပထမဆုံး တိုင်ပင်ရန် လိုအပ်သည်။ ကျွန်တော်သည် လေပွ စေသောကြောင့် ကျွန်တော့်ကို သုံးစွဲနေချိန်တွင် လေပွလေထစေသောအစားအစာများ၊ ကာဗွန်ပါသော အချိုရည်များကို ရှောင်သင့်ပါသည်။ ကျွန်တော့ကိုအသုံးပြုနေချိန်တွင် သီးခြားစားသောက်ရမည့် အစားအစာများမရှိပါ။ သို့သော် ဗီတာမင်ကြွယ်ဝသော အစားအစာများ၊ အမျှင်ဓါတ်ကြွယ်ဝသောအစားအစာများကို စားသောက်ထားချိန်တွင် ကျွန်တော့်၏ အာနိသင်သည် ပိုကောင်းလာနိုင်သည်။ ကျွန်တော့်ထံမှ ဝမ်းနှုတ်သောအာနိသင်ကို လိုချင်လျှင် ဝမ်းဗိုက်ထဲတွင် အစာမရှိသော အချိန်သောက်ပါရန် ကျွန်တော်အကြံပေးချင်ပါသည်။

~

~

ကျွန်တော်ကဲ့သို့ပင် နောက်ထပ်အသုံးများသောဆေးမှာ Macrogol ဖြစ်သည်။ သူသည် ဝမ်းပျော့ပျော့သွားရန် အတွက်အသုံးဝင်ရုံသာမက အူလမ်းကြောင်းကို မှန်ပြောင်း ကြည့်ချင်သည့်အခါ၊ ဓါတ်မှန်ရိုက်သည့်အခါ၊ အူလမ်းကြောင်း တွင် ခွဲစိတ်မှုများပြုလုပ်သည့်အခါတို့တွင် အသုံးပြုကြသည်။ သို့သော် တခြားဆေးများကဲ့သို့ပင် သူသည် အူပေါက်နေသူ၊ အစာအိမ်နှင့် အူလမ်းကြောင်းတွင် ပိတ်ဆို့နေသူတို့တွင် လုံးဝမသုံးစွဲသင့်ပေ။ ကျွန်တော်တို့သည် ခန္ဓာကိုယ်မှ ရေကိုဆွဲယူလိုက်သောကြောင့် ရေဓါတ်ခမ်းခြောက်သည့် ပြဿနာကို ကြုံတွေ့ရပါလိမ့်မည်။ ထို့အတွက် ကျွန်တော်တို့ကို သုံးစွဲမည်ဆိုလျှင် ”ရေများများ သောက်ပေးပါ” ရန် ကျွန်တော် Lactulose မှ တောင်းဆိုချင်ပါသည်။

~

ကျွန်တော့်တို့ကဲ့သို့ပင် လူသားတို့ကိုအကျိုးပြုသော ဝမ်းနှုတ်ဆေးများထဲတွင် Bisacodyl လည်း ပါဝင်သည်။ သူသည်လည်း ဝမ်းချုပ်ခြင်းအပြင် ခွဲစိတ်မှု၊ ဓါတ်မှန်နှင့် သက်ဆိုင်သောအခြေအနေတို့တွင် အသုံးပြုနိုင်သည်။ သူသည် အူရွှေ့လျားမှုကို မြန်စေသောဆေးဖြစ်ခြင်းကြောင့် တချို့သူများတွင် ဝမ်းဗိုက်ကြွက်တက် တက်သည်ကိုတော့ သတိပြု သင့်ပါသည်။ သူသည် အူကို တွန်းအားပေးသော ဆေးဖြစ်သောကြောင့် သူ့ကြောင့် အူရွှေ့လျားမှု မြန်နေချိန်တွင် အူတနေရာတွင် ပိတ်နေပါက အူပေါက်သွားနိုင်သည်။ ထို့အတွက် သူ့ကိုသုံးစွဲမည့်သူတို့တွင် အူပိတ်နေခြင်း ရှိမရှိကို အတော်သတိထားဖို့လို့သည်။ ထို့အတူ ဝမ်းဗိုက်ခွဲပြီးစအချိန်၊ အူရောင်ရောဂါ၊ ပြင်းပြင်းထန်ထန်ရေဓါတ်ခမ်းခြောက်ခြင်း တို့ကို ကြုံတွေ့နေရချိန်တွင် အသုံးမပြုသင့်ပေ။

~

စမြင်းတုံးခံပြီး ဝမ်းသွားရခက်နေသူများတွင်တော့ ဝမ်းချူဘောလုံးကို အသုံးပြုခြင်းက ပိုပြီး သင့်တော်သည်ဟု ကျွန်တော်ထင်ပါသည်။ စအိုဝမှနေ၍ အစာဟောင်းအိမ်နှင့် အူမကြီးအတွင်းသို့စမ်းသပ်စစ်ဆေးမှုပြုလုပ်ရန် မှန်ပြောင်း ကြည့်သောအခါတွင်လည်းကောင်း၊ ခွဲစိတ်ကုသမှု မပြုလုပ်ခင် အူလမ်းကြောင်းဆေးသောအခါတို့တွင်လည်းကောင်း ဝမ်းချူဘောလုံးသည် အသုံးဝင်သည်။ သို့ရာတွင် အူအတက်ရောင်သော လက္ခဏာများရှိနေသူ၊ သွေးယိုစီးနေသူ၊ အူလမ်းကြောင်း ပိတ်ဆို့နေသူ၊ အရည်ခမ်းခြောက်ခြင်း၊ ကျောက်ကပ် ထိခိုက်ပျက်စီးနေသူတို့တွင် ဝမ်းချူဘောလုံးကို မိမိသဘောနှင့် မိမိမသုံးစွဲသင့်ပေ။

~

လူတိုင်းလိုလို အသုံးပြုနေကြသောြ MOM – Milk Of Magnesia ဆိုသောဆေးသည် ကျွန်တော်တို့ အားလုံး ထဲတွင် မျက်နှာအငယ်ရဆုံးဖြစ်သည်။ အဘယ်ကြောင့်ဆိုသော် သူ့ကို လူတိုင်းသည် အလွဲသုံးစွဲပြုကြသည်။ မျက်နှာတွင် ဝက်ခြံထွက်လာလျှင်လည်း သူ့ကိုသောက်သည်။ ခေါင်းတွင် အဖုတွေပေါက်လာလျှင်လည်း သူ့ကို အသုံးပြု ကြသည်။ ထို့အတွက် MOM သည် အလွန်စိတ်ဆင်းရဲတတ်သည်။ သူသည်လည်း ဝမ်းပျော့ဆေးတစ်မျိုး မဟုတ်ပါလား။ သူ့ကိုသုံးစွဲမှုများ သွားလျှင် ဝမ်းဗိုက်ကြွက်တက်နိုင်သည်၊ ကျောက်ကပ်မကောင်းသူများတွင် မဂ္ဂနီဆီယမ်များ စုပုံနေတတ် သည်ကို သုံးစွဲကြသူတွေ မသိခြင်းကြောင့်လည်း ဖြစ်နိုင်သည်ဟုတော့ သူ့ကိုယ်သူ အားပေးရှာပါသည်။

~

‘မဆီမဆိုင်၊ လက်ပံသား၊ ဓါးနဲ့ချိုင် ” ဆိုသော စကားကို ကျွန်တော့်ကို ခေတ္ထခဏ သုံးစွဲခွင့်ပြုစေချင်ပါသည်။ ကျွန်တော်တို့ကို မှားယွင်းစွာအသုံးပြုနေသူများအကြောင်းကို ကျွန်တော်တစေ့တစောင်း ပြောပြချင်ပါသည်။ ကိုယ်အလေး ချိန် လျော့ချရန် ကျွန်တော့်တို့ကို သုံးစွဲသည်ဟူသော အကြောင်းကို ကျွန်တော်သိရချိန်က အလွန်အံ့သြမိသည်။ မသင့်တော်ပါ မိတ်ဆွေ။ ခန္ဓာကိုယ်ရှိ အဆီများနှင့်ပတ်သက်ပြီး ကျွန်တော်တို့တွင် အာနိသင် အနည်းငယ်မျှ မရှိပါ။ စားသောက်လိုက်သော အစားအစာ၊ အဆီအနှစ်တို့ကိုစုပ်ယူသော အခန်းကဏ္ဍတွင်ကျွန်တော်တို့က ပါဝင်ပတ်သက်ခြင်း မရှိပါ။

~

အစားအစာများမှ အဆီတို့သည် အူမကြီးမရောက်ခင်ကတည်းက စုပ်ယူခံရပြီးဖြစ်သည်။ ကျွန်တော်တို့ ဝမ်းနှုတ်ဆေးအများစုသည် အူမကြီးတွင်သာ အလုပ်လုပ်ကြသည်။ ထို့အတွက် ကျွန်တော်တို့နှင့် အဆီ၏ ဆက်စပ်မှုသည် အတော်ကို အလှမ်းကွာဝေးပါသည်။ အကယ်၍ လူတစ်ယောက်သည် ကျွန်တော်တို့ကို သုံးစွဲသောကြောင့် ကိုယ်အလေး ချိန်လျော့ကျသွားသည်ဆိုသော် အခိုက်အတန့်မျှသာ ဖြစ်ပါလိမ့်မည်။ ”ခန္ဓာကိုယ်မှ အဆီများဆုံးရှုံးသွားခြင်းမဟုတ်ဘဲ ရေဓါတ်များ ခမ်းခြောက်သွားခြင်း” ကြောင့်သာ ကိုယ်အလေးချိန်လျော့သွားသယောင် ထင်မြင်ရခြင်းဖြစ်သည်။

~

ကျွန်တော့်တို့ကို သုံးစွဲသောကြောင့် ဝမ်းသွားစေသည်မှန်သော်လည်း ကျွန်တော်တို့ကြောင့် ရေဓါတ်၊ သတ္ထုဓါတ်၊ သက်စောင့်ဓါတ်အပြင် ခန္ဓာကိုယ်အတွက် အရေးပါသောဆားဓါတ်များပါ တပြိုင်နက်တည်း ဆုံးရှုံးသွားနိုင်သည်ကို မိတ်ဆွေတို့သတိထားသင့်သည်။ ကျွန်တော်တို့ကို အလွန်အကျွံသုံးစွဲမိသောကြောင့် ရေဓါတ်ခမ်းခြောက်သွားလျှင် မည်ကဲ့သို့ ဖြစ်မည်ထင်ပါသနည်း။ နေပူလှန်းထားသော သစ်သီးခြောက်တစ်လုံး ကို မြင်ယောင်ကြည့်ပါ။ ထိုအသီးကဲ့သို့ပင် အသား အရည်သည် မွဲခြောက်ပြီး အားနည်းလာပါလိမ့်မည်။ အမြင်အာရုံတို့ကို ဝေဝါးစေပါလိမ့်မည်။ ဆိုးရွားသော အခြေအနေ တို့တွင် ကျောက်ကပ်ပျက်စီးပြီး အသက်ပင်သေစေတတ်ပါသည်။

~

ကျွန်တော်သည် အကြောင်းမဲ့ ခြိမ်းခြောက်နေခြင်းမဟုတ်ပါ။ ကျွန်တော်တို့ကြောင့် ခန္ဓာကိုယ်ရှိ ဆားဓါတ်အချိုးအစားများ ပြောင်းလဲသွားသော ချိန်တွင် အာရုံကြောနှင့်ကြွက်သားများကို ထိခိုက်သွားပါသည်။ ထိုထိခိုက်မှုများကြောင့် နှလုံးနှင့် အူတို့တွင် လုပ်ငန်းဆောင်တာများ ပျက်စီးသွားတတ်ပါသည်။ ထိုအချိန်ရောက်လျှင် မိတ်ဆွေ၏အူအတွင်းသို့ ကူးစက်ပိုးဝင်ခြင်း၊ ဝမ်းမမှန်တော့ခြင်းတို့ကို ကြုံတွေ့ရပါလိမ့်မည်။ ကျွန်တော်တို့ကို ခဏသုံးစွဲလျှင် အန္တရာယ်ကင်းပါ လိမ့်မည်။ ထိုသို့မဟုတ်လျှင် မိတ်ဆွေကြုံတွေ့လာမည့် ကျန်းမာရေးပြဿနာတို့အတွက် ကျွန်တော်တို့ စိတ်မကောင်းဖြစ်ရုံမှ လွဲ၍ အခြားတတ်နိုင်မည်မဟုတ်ပေ။

~

ကျွန်တော်တို့ကို အရေးတယူနှင့် သုံးစွဲမှုအတွက် ဝမ်းသာလှပါသည်။ သို့သော် ကျွန်တော်တို့ကို အသုံးမပြုသေးခင် သဘာဝနည်းလမ်းအတိုင်း ဝမ်းမှန်စေသည့် အလေ့အကျင့်တို့ကို အစပြုစေချင်သည်။ အသီးအရွက်တို့ကိုစားစေချင်သည်။ အရည်များများသောက်ပြီး ကိုယ်လက်လှုပ်ရှားမှု ပုံမှန်လုပ်ကြည့်စေချင်သည်။ ကိုယ်အလေးချိန်လျော့ချရန်အတွက် ကျွန်တော့်တို့ကို သတိမရပါနှင့်။ အပူဖုပေါက်တိုင်း ကျွန်တော်တို့ကို မသုံးစွဲပါနှင့်။ သုံးစွဲသူတို့က တောင်းဆိုလာချိန်တွင် ရောင်းချမည့်သူများက ကျွန်တော်တို့ကို လက်ကမ်းပေးပါလိမ့်မည်။ ထိုအခါတွင် ကျွန်တော် တို့ကလည်း မိမိတို့အလုပ်ကို တာဝန်ကျေအောင် လုပ်ဆောင်ရတော့မည်။ ဆေးသောက်သူတစ်စုံတစ်ရာကိုမျှ အန္တရာယ်မဖြစ်စေသောဆန္ဒသည် ကျွန်တော်တို့ အားလုံးတွင်ရှိနေသော်လည်း မှားယွင်းစွာသုံးစွဲမှုကြောင့် ကျွန်တော့်တို့ စိတ်မကောင်းခြင်းကြီးစွာ ဖြစ်ရသည် ကိုတော့ ဆေးသောက်မည့်သူတိုင်းနားလည်သဘောပေါက်စေချင်ပါသည်။

~
~

နှင်းနုလွင် (ဆေးဝါး)

Health For All Magazine

January, 2011

ရင်ကျပ်ရောဂါပျောက်ဆေးများ November 8, 2010

ဆေးဝါးများ၏ ဒိုင်ယာရီ
(၅)
ရင်ကျပ်ရောဂါပျောက်ဆေးများ

သစ်ပင်လေး၂ ပင်ကို ဇောက်ထိုးဆွဲထားသည်နှင့် အလားသဏ္ဍန်တူသောအင်္ဂါတို့သည် လူတစ်ယောက်၏ ခန္ဓာကိုယ်ထဲတွင်ရှိသည်ဟု ကျွန်တော်ကပြောလျှင် အားလုံးအံသြသင့်ကုန်လိမ့်မည်။ သစ်ပင်တွင် ပင်စည်၊ အကိုင်းအခက်၊ အရွက်အလက်တို့ရှိသည်ကို မိတ်ဆွေသိပါသည်။ လေပြွန်၊ လေပြွန်ငယ်၊ လေအိတ်ငယ်လေးများပါဝင်သော အင်္ဂါသည် မည်သည့် အင်္ဂါဖြစ်သည်ကို မိတ်ဆွေတို့ သိကြပါသည်။ လူတစ်ယောက်၏ခန္ဓာကိုယ်တွင် ကျွန်တော်နှင့် အရင်းနှီးဆုံး သောနေရာကို ပြပါဆိုလျှင် သစ်ပင်နှင့် တူသော ထိုအင်္ဂါတို့ကိုသာ လက်ညှိုးထိုးရပါလိမ့်မည်။ ကျွန်တော့်အလုပ်လုပ်ရာ ဌာနသည် ထိုအင်္ဂါဖြစ်သည်။ ကျွန်တော်၏တာဝန်သည် ထိုအဆုတ်တွင်ရှိသော လေပြွန်တို့ကို ကျယ်ပေးရန်ဖြစ်သည်။ ကျွန်တော့်ကို သိလောက်မည်ထင်ပါသည်။ ကျွန်တော်သည် ရင်ကျပ်ပန်းနာရောဂါကိုကုသရာတွင် အရေးပါသောဆေး အုပ်စုဖြစ်သည့် လေပြွန်ကျယ်စေသောဆေး Bronchodilator အုပ်စုထဲမှ Salbutamol ဖြစ်သည်။
.
ကျွန်တော့်အကြောင်းကို မပြောပြသေးခင် လူတွေ၏လေပြွန်အကြောင်းကို ကျွန်တော်အနည်းငယ် ပြောပြချင်ပါသည်။ ပြင်ပကနေရှုသွင်း လိုက်သောလေထဲတွင်ပါလာသည့် အမှုန်၊ ပိုးမွှားတို့ကိုနှာခေါင်းတွင်းရှိ အမွှေးများက ဖယ်ရှားပေး သည်ကို မိတ်ဆွေသိပါသည်။ ထိုမှသည် အတွင်းပိုင်းသို့ဝင်လာသည့် အလွန်တရာသေးငယ်သည့် ပိုးမွှားများ၊ အမှုန်များကို မည်သူက ဖယ်ရှားရှင်းလင်းပေးမည်နည်း။ မစိုးရိမ်ပါနှင့်။ ထိုအခက်အခဲတို့ကို ဖြေရှင်းရန် လေပြွန်တစ်လျှောက်တွင် အမွှေးနုလေးများ ရှိနေပါသေးသည်။
.
အမွှေးနုလေးများသည် ပြင်ပမှ ဝင်လာသောအရာမှန်သမျှကို တံမြက်စည်းလှဲသကဲ့သို့ လှဲထုတ်ပေးနေပါသည်။ ထိုနေရာတွင် ကျွန်တော်၏ အခန်းကဏ္ဍသည် အတော်ကိုအရေးပါလာသည်။ ကျွန်တော်ကြောင့် လေပြွန်များကျယ်သွား သောအခါတွင် အမွှေးနုလေးများ၏ အလုပ်သည် ပို၍တွင်ကျယ်လာသည်။ အသက်ရှုချောင်လာသကဲ့သို့ လေပြွန်တွင်ပိတ် နေသော အကျွိအချွဲများ၊ အမှုန်များကို လွယ်လင့်တကူ ဖယ်ရှားနိုင်လာသည်။ ထိုအကြောင်းပြချက်ကြောင့် ကျွန်တော် ကိုယ့် ကျွန်တော် အရေးပါသော ဆေးဝါးဟု သတ်မှတ်လျှင် လွန်မည်တော့မထင်ပေ။
.
ကျွန်တော်သည် အတော်ကို အကြွားသန်သည်ဟု မိတ်ဆွေသတ်မှတ်နေပါသလား။ အပြောမဟုတ်၊ တကယ့်ကို အသုံးဝင်သောဆေးပါ မိတ်ဆွေ။ ဈေးကွက်ထဲတွင်လေ့လာကြည့်ပါ။ ကျွန်တော့်ကို ပုံစံအမျိုးမျိုးနှင့် ရောင်းဝယ်နေကြ သည်ကို မိတ်ဆွေတွေ့ပါလိမ့်မည်။ ထိုးဆေးအနေဖြင့် သုံးသကဲ့သို့ သောက်ဆေးအနေဖြင့်သုံးကြသည်။ ရှုဆေးပုံစံဖြင့် လည်း ရနိုင်ပါသည်။ ဆေးပုံစံပေါ်မူတည်ပြီး ကျွန်တော့်တို့ကို သုံးစွဲရမည့် ပမာဏကွာခြားသည်ကိုတော့ မမေ့ပါနှင့်။ ဥပမာ ကျွန်တော့်ကို သောက်ဆေးအနေဖြင့်သုံးမည်ဆိုလျှင် တနေ့လျှင် ၈ မီလီဂရမ်လောက်သာ သောက်သင့်ပါသည်။ ရှုဆေးအနေဖြင့်သုံးမည်ဆိုလျှင် တနေ့ကို ၃-၄ ကြိမ် အသုံးပြုနိုင်ပါသည်။ ကျွန်တော့်ကို အသုံးပြုပြီး ၁၅ မိနစ်အတွင်းမှာပင် အာနိသင်ရနိုင်သည်ကို သိလျှင် မိတ်ဆွေ အတော်ပင် ပျော်ရွှင်သွားပါလိမ့်မည်။
.
ကျွန်တော်သည် ရင်ကျပ်ပန်းနာအပါအဝင် အသက်ရှုလမ်းကြောင်းပိတ်ဆို့မှုနှင့်ဆိုင်သော အခြေအနေများတွင် အလွန်ပင် အသုံးဝင်သည်။ ကျွန်တော်တို့သည် ရုတ်တရက် လေပြွန်ကျုံ့သွားသောကြောင့် ဖြစ်ပေါ်လာသည့် ဝေဒနာတို့ ကိုသာ သက်သာနိုင်စွမ်းရှိသည်။ အားကစားလုပ်ရင်းနဲ့ ရင်ကျပ်ရောဂါပြန်ထလျှင် ကျွန်တော့်ကိုသုံးပါ။ လှုပ်လှုပ်ရှားရှား လုပ်လိုက်မိ၍ အသက်ရှုမဝဖြစ်လျှင် ကျွန်တော့်ကို သုံးပါ။ ကျွန်တော့် အကောင်းဆုံးဖြေရှင်းပေးပါမည်။ သို့သော် မိတ်ဆွေ၏ရင်ကျပ်ရောဂါကြီး လုံးဝပျောက်ကင်းသွားအောင် မစွမ်းဆောင်နိုင်ကြောင်းကိုမူ ဝမ်းနည်းစွာဖြင့် အသိပေး ချင်ပါသည်။ အမြဲတမ်းရင်ကျပ်နေသူတစ်ယောက်သည် ကျွန်တော့်ကို အားမကိုးပါနှင့်။ ထိုသို့မဟုတ်ပါက မိတ်ဆွေတွင် ရင်တုန်ခြင်း၊ ဂဏာမငြိမ်ဖြစ်ခြင်း၊ ခေါင်းကိုက်ခြင်းတို့ကို ခံစားရလိမ့်မည်ဟု ကျွန်တော်က ကြိုတင်သတိပေးချင်ပါသည်။
.
ကျွန်တော်သည် တခြားဆေးများနှင့် ဓါတ်ပြုနိုင်သည်ကို တော်တော်များများက မေ့လျော့နေကြသည်။ ဥပမာ ကျွန်တော့်ကို ဆီးဆေးများနှင့် တွဲသုံးလျှင် မိတ်ဆွေ၏သွေးထဲတွင် ပိုတက်စီယမ်ဓါတ်များ ချို့တဲ့သွားတတ်သည်။ ကျွန်တော့်ကို နှလုံးနှင့်ပတ်သက်သော အခြေအနေတို့တွင်အသုံးပြုသည့် Propranolol ကဲ့သို့ ဆေးများနှင့် တွဲပြီး မသုံးရန် ကျွန်တော် Salbutamol မှ တားမြစ်ချင်ပါသည်။ ထိုသို့မဟုတ်ပါက မိတ်ဆွေ၏ နှလုံးသွေးလှည့်အဖွဲ့အစည်း Cardiovascular System တွင် မမျှော်လင့်သော ပြဿနာများဝင်လာတတ်ပါသည်။ သတိထားပေးပါ မိတ်ဆွေ။
.
ကျွန်တော်ကို ကိုယ်ဝန်ဆောင်ချိန်တွင် မဖြစ်မနေ သုံးစွဲရတော့မည်ဆိုလျှင် ဆရာဝန်နှင့် တိုင်ပင်ပြီးမှသာ ရှုဆေးအနေဖြင့်သာ အသုံးပြုပေးပါရန် ကျွန်တော်အနူးအညွှတ် တောင်းဆိုချင်ပါသည်။ မိတ်ဆွေတို့၏လေပြွန်ကို ချဲ့ပေး ချင်သောဆန္ဒရှိသော်လည်း ကျွန်တော်သည် သားအိမကြွက်သားများ အပေါ်တွင်လည်း သက်ရောက်မှုရှိသည်။ ကျွန်တော် ကြောင့် မီးဖွားချိန်နှောင့်နှေးခြင်းမျိုးကြုံတွေ့နိုင်သည်ကို သတိရပေးပါမိတ်ဆွေ။ ထို့အတူ နို့တိုက်မိခင်တစ်ယောက်တွင် ကျွန်တော်နှင့် ပတ်သက်ပြီးတိကျသော အာမခံချက်မပေးနိုင်သောကြောင့် များစွာ စိတ်မကောင်းဖြစ်ရပါသည်။
.
ကျွန်တော့်ကို အလွယ်တကူ မသုံးစွဲကြသော်လည်း ကျွန်တော်တို့ လေပြွန်ကျယ်စေသောဆေးများမှ အဖွဲဝင်တစ်ဦးဖြစ်သည့် Aminophylline ကိုမူ လူတော်တော်များများသိကြသည်။ လူတစ်ယောက်သည် လမ်းသွားရင်း ရင်ကျပ်သည့် လက္ခဏာပေါ်လာလျှင် သူ့အနီးတွင်ရှိသည့် လမ်းဘေး ဆိုင်တစ်ဆိုင်ဆိုင်မှ Aminophylline ကို ဝယ်သောက်တတ်သည်ကို မကြာခဏတွေ့နေရသည်။ ထို Aminophylline သည် ဘေးအကင်းဆုံးဆေးဝါးတစ်မျိုး ဖြစ်သည်ဟု ထင်နေပါသလား မိတ်ဆွေ။
.
ဤနေရာတွင် Aminophylline အကြောင်းကိုလည်း မိတ်ဆွေတို့ သိအောင်ပြောပြချင်ပါသည်။ သူ့တွင် Theophylline နှင့် Ethylenediamine ဟူ၍ ပါဝင်ပစ္စည်း ၂ မျိုးပါသည်။ ကျွန်တော်နှင့် အာနိသင်ချင်းတူသည့် Theophylline သည် အသုံးဝင်ပုံချင်းတူသည်။ တချို့ဘေးထွက် ဆိုးကျိုးခံစားရပုံချင်းလည်း တူညီပါသည်။ သူ့တွင် ကျွန်တော့်ထက်ပိုပြီး သတိထားရသေးသည့် အချက်လည်းရှိနေသေးသည်။ အစာအိမ်အနာရှိသူ၊ အတက်ရောဂါရှိသူ၊ သွေးတိုးသမားများတွင်သူ့ကို အတော်လေးသတိထားပြီးမှသာသုံးသင့်သည်ကို မိတ်ဆွေတို့သိထားလျှင် အလွန်အကျိုး ရှိပါသည်။
.
ထိုးဆေးအနေဖြင့်အသုံးပြုချိန်တွင် အခန့်မသင့်ပါက တက်နိုင်သောကြောင့် သူ့ကိုသုံးလျှင် သတိထားပြီးသုံး ဖို့လိုပါသည်။ ကျွန်တော့်ကဲ့သို့ပင် သူသည်လည်း တခြားဆေးဝါးများနှင့် ဓါတ်ပြုနိုင်သည်။ င်္မကျနာငိန ဆိုသော ဆီးဆေးကို မိတ်ဆွေကြားဖူးမည် ထင်ပါသည်။ ဆီးသွားရန်သုံးသကဲ့သို့ သွေးပေါင်ချရန်အတွက်လည်း အသုံးပြုသောဆေး ဖြစ်သည်။ သူတို့၂မျိုးကို တွဲဖက်သုံးစွဲမိပါက ဆီးဆေး၏ အာနိသင်အလွန်ကောင်းလာပြီး အခန့်မသင့်ပါက သွေးဖိအားအရမ်းထိုးကျသွားနိုင်သည်ဆိုသော အချက်ကိုမူ လူတိုင်းသိထားသင့်ပါသည်။
.
Ciprofloxacin ကဲ့သို့ ပိုးသတ်ဆေးများ၊ Cimetidine ကဲ့သို့ အစာအိမ်ရောဂါအတွက်သုံးသောဆေးများနှင့် တွဲဖက်သုံးစွဲမိပါက သွေးထဲတွင် Theophylline ပမာဏမြင့်တက်ကာ အိပ်မပျော်ခြင်း၊ နှလုံးခုန်သံမမှန်ခြင်း၊ ကတုန်ကရင်ဖြစ်ခြင်း တို့ကို ကြုံတွေ့လာနိုင်ပါသည်။ ထို့အတူ Ethylenediamine သည်လည်း ယားယံခြင်း၊ အင်ပျဉ်ထခြင်း၊ အရေပြားမှ အဖတ်များကွာကျခြင်းတို့ကို ဖြစ်နိုင်သည်ဟု ကျွန်တော်မှတ်သား ဖူးပါသည်။ ထိုသို့ဆိုလျှင် ကျွန်တော်တို့ကို လမ်းဘေးဆိုင်များမှ အလွယ်တကူဝယ်သုံးရန်သင့်တော်ပါရဲ့လား။
.
အခုနောက်ပိုင်းတွင် ကျွန်တော်နှင့် Theophylline ကိုတွဲဖက်ပြီး သုံးစွဲလာသောကြောင့် ဆေးပမာဏကို လျော့သုံးနိုင်သကဲ့သို့ ဘေးထွက်ဆိုးကျိုးများလည်း လျော့နည်းလာသည်။ သို့သော် ကျွန်တော်တို့သည် နှလုံးခုန်သံကို မြန်စေသည်။ တခါတရံတွင် နှလုံးခုန်သံမမှန်ခြင်းကို ဖြစ်စေတတ်ပါသည်။ နှလုံးနှင့်ပတ်သက်သော ရောဂါများ၊ သိုင်းရွိုက် ဟော်မုန်းများနေသူများ၊ အသက်ကြီးသူများတွင် ကျွန်တော်တို့ကဲ့သို့ Bronchodilators များကို သတိထားပြီး သုံးစွဲကြပါရန် ကျွန်တော်က လေးလေးနက်နက် အကြံပြုချင်ပါသည်။
.
ကျွန်တော်ပြောပြသောစကားတို့ကို ကြားယောင်လျက် ကျွန်တော်တို့ကို သုံးစွဲရန် မကြောက်လန့်ပါနှင့်။ ဖြစ်လာနိုင်သော အန္တရာယ်တို့ကို ကြိုတင်သိရှိ ရှောင်ရှားနိုင်ရန်အလို့ငှာ ပြောပြနေခြင်းဖြစ်ပါသည်။ အရေးအကြီးဆုံး အချက်ကိုတော့ သတိပေးချင်သည်။ ကျွန်တော်တို့ကို သုံးစွဲလျှင် ဆရာဝန်၏ ညွှန်ကြားချက်နှင့်သာ သုံးစေချင်သည်။ တတ်ကျွမ်းသူတို့ လမ်းညွှန်မှုဖြင့် ကျွန်တော်တို့ကို သုံးစွဲသည့်အခါတွင် အားလုံး အတွက်ကောင်းကျိုးတို့ဖြစ်လာမည်။ မိတ်ဆွေ၏ ဝေဒနာသည် သက်သာသွားမည်။ ကျွန်တော်တို့သည်လည်း ဆေးစွမ်းကောင်းများဖြစ်လာမည်။ နှစ်ဦး နှစ်ဘက်အကျိုးရှိသောကြောင့် ကျွန်တော့်တို့ကို ပေ့ါပေ့ါတန်တန်သဘောမထားသင့်ပေ။
.
ကျွန်တော်ကို ပုံစံအမျိုးမျိုးနှင့်သုံးစွဲနိုင်သည်ဆိုသော်လည်း အခြေအနေတိုင်းအတွက် ကျွန်တော်သည် အသင့် တော်ဆုံး ဆေးမဟုတ်သည်ကို ထပ်မံပြီး အသိပေးပါရစေ။ ကျွန်တော်သည် လေပြွန်ကျုံ့ခြင်းကို ချဲ့ပေးနိုင်သောဆေးသာ ဖြစ်သည်။ လူတစ်ယောက်ရင်ကျပ်ပြီး အသက်ရှုမဝခြင်းမှာ သူ၏ အသက်ရှုလမ်းကြောင်းတစ်လျှောက်တွင် ချွဲသလိပ်များ ပိတ်ဆို့နေခြင်းကြောင့်လည်းဖြစ်နိုင်သည်။ ထိုအခါမျိုးတွင် အသက်ရှုရခက်ခဲပြီး ခရာသံတွေပါလာသည်။ ထိုအခြေအနေ မျိုးတွင် ကျွန်တော်တစ်ဦးတည်းကိုသာ ဦးစားပေးပြီး မသုံးစွဲသင့်တော့ပေ။ ချွဲပျော်ဆေးများကိုပါ ထပ်မံသုံးစွဲရပါတော့မည်။ ထို့အတွက် အသုံးများသော ချွဲပျော်ဆေးသည် Bromhexime ဖြစ်သည်။
.
လေပြွန်ရောင်သောအခါတို့တွင်လည်း ရင်ကျပ်တတ်သည်။ ထိုအခက်အခဲကို မည်ကဲ့သို့ဖြေရှင်းမည်နည်း။ ကျွန်တော်တွင် အရောင်ကျစေသော အာနိသင်မရှိသကဲ့သို့ ချွဲပျော်ဆေးများကလည်း ထိုတာဝန်ကို ယူပေးနိုင်မည်မဟုတ် ချေ။ အရောင်ကျဆေးတို့ကို သုံးစွဲရတော့မည်မဟုတ်ပါလား မိတ်ဆွေ။ ဤနေရာတွင် မိတ်ဆွေတို့သိထားသော အရောင်ကျ၊ အကိုက်အခဲပျောက်ဆေးများ (NSAIDs) ကို သုံးစွဲ၍ ရမည်မဟုတ်ပေ။ တချို့(NSAIDs) များသည် လေပြွန်ကို ကျဉ်းစေကာ အသက်ရှုကြပ်တတ်သောကြောင့် ရောဂါကို ပိုပြီးဆိုးရွားသွားစေနိုင်သည်။
.
ထိုသို့လေပြွန်များရောင်ရမ်းနေချိန်တွင် အသုံးပြုရမည့် ဆေးအုပ်စုသည် Corticosteroids အုပ်စုဖြစ်သည်။ ရုတ်တရက် အသက်ရှု ကြပ်လာသည့် အခါမျိုးတွင် သူအထဲမှ Beclomethasone ကို ရှုဆေးအဖြစ်အသုံးပြုရန် ကျွန်တော် အကြံပေးချင်ပါသည်။ သူ့ကို ရှုဆေးအနေဖြင့် သုံးပြီးပါက ပလုတ်ကျင်းရန် မမေ့ပါနှင့်မိတ်ဆွေ။ အာခံတွင်းမှာကပ်ကျန်ခဲ့သော သူတို့ကြောင့် အာခေါင်နှင့် လည်ချောင်းများတွင် မှိုစွဲနာများပေါက် နိုင်ပါသည်။
.
ထိုသို့မဟုတ်ဘဲ သောက်ဆေးကို အချိန်တိုသောက်မည်ဆိုလျှင်တော့ Prednisolone ကို ရွေးချယ်ပေးနိုင်ပါ သည်။ Prednisolone နှင့်ပတ်သက်ပြီး ကျွန်တော်တစ်ခုပြောချင်ပါသည်။ သူသည် တာရှည်စွဲသောက်ရမည့် ဆေးမဟုတ် သော်လည်း ရပ်ကွက်အတွင်းတွင် နေ့တိုင်းစွဲသောက်သူများရှိနေတတ်သည်။ မသင့်တော်ပါမိတ်ဆွေ။ သူတို့သည် အစာမကြေဖြစ်ခြင်း၊ အစာအိမ်ရောင်ခြင်း၊ အစာအိမ်ပေါက်ခြင်း၊ အရိုးပွခြင်း၊ အရိုးကျိုးလွယ်ခြင်းတို့ ဖြစ်နိုင်သည်ကို အားလုံးသိထားစေချင်ပါသည်။ ဖြစ်နိုင်လျှင် Prednisolone ကို နံနက်စာ စားပြီးချိန်မျိုးမှာသာ သောက်ကြပါရန် အကြံပြုချင်သည်။ သို့သော် ကျွန်တော်၏ စိတ်ကူးသည် ဆန္ဒမျှသာဖြစ်နေသည်။
.
ထိုဆေးများကဲ့သို့ ကျွန်တော့်ကို လက်လွတ်စပယ်မသုံးသည့်အတွက် ဆေးအချင်းချင်းယှဉ်လျှင် ကျွန်တော်က ပိုပြီး မျက်နှာပွင့်လန်းသည်။ လူတွေက ကျွန်တော့်ကို အလေးအနက်ထားပြီး သုံးစွဲကြသည်ဟု တခြားဆေးများက ယူဆကြသည်။ ထိုအခါမျိုးတွင် ကျွန်တော်ပြုံး၍နေလိုက်သည်။ ကျွန်တော့်အကြောင်းကို ကျွန်တော်သာသိသည်။ လူအများစုသည် ကျွန်တော့်ကို အလွယ်တကူမသုံးစွဲသကဲ့သို့ စနစ်ကျကျ မသုံးစွဲသည့် အဖြစ်တွေရှိနေသည်။ ကျွန်တော့်ကို ရှုဆေးပုံစံဖြင့် အသုံးပြုသည့်အခါမျိုးတွင် ထိုပြဿနာကို အတွေ့ရများသည်။
.
ကျွန်တော့်ကို သုံးစွဲမည့်သူ ပညာတတ်ခြင်း၊ မတတ်ခြင်းသည် ထိုပြဿနာနှင့် လုံးဝမသက်ဆိုင်။ ထိုသူ ချမ်းသာ ခြင်း၊ ဆင်းရဲခြင်းသည်လည်း လုံးဝမသက်ဆိုင်။ မည်ကဲ့သို့ ရှုသွင်းလိုက်မည်ဆိုသော ဥာဏ်ရည်ဥာဏ်သွေး သည်သာ အပြည့်အဝ သက်ဆိုင်နေသည်။ ယခု ဒိုင်ယာရီကိုဖတ်နေသော မိတ်ဆွေသည် ရင်ကျပ်ရောဂါရှိဖူးသူ တစ်ယောက်ဆိုလျှင် ကျွန်တော် မေးကြည့်ချင်ပါသည်။ ကျွန်တော့်ကို ရှုဆေးပုံစံဖြင့်သုံးဖူးပါသလား။ မည်ကဲ့သို့ သုံးစွဲခဲ့ပါသနည်း။ သုံးစွဲရမည့် နည်းလမ်းမှန်ကို ညွှန်ပြပါရစေ မိတ်ဆွေ။
.
ကျွန်တော့်ကို ရှုဆေးအဖြစ်သုံးလျှင် Inhalers ဟုခေါ်သည်။ ကျွန်တော်ကို မရှုသေးခင် ပထမဆုံးလေကို အပြင်ကိုတဝကြီး ရှုထုတ်လိုက်ပါမိတ်ဆွေ။ အဆုတ်အတွင်း၌ ဘာမျှမရှိအောင် ဗလာကျင်းလိုက်ခြင်းဖြစ်သည်။ ထိုနောက် တွင် မိတ်ဆွေ၏ လက်မနှင့် လက်ညှိုးကိုသုံးပြီး ရှုဆေးဗူးကို ကိုင်လိုက်ပါ။ အဖုံးချွတ်ထားသော ရှုဆေးဗူးကို နှုတ်ခမ်းတွင် ငုံလိုက်ပါ။ တချို့က ကျွန်တော်ပါသော ရှုဆေးဗူးကို သွားဖြင့်ကိုက်ထားတတ်သည်။ ထိုသို့မလုပ်မိရန် သတိထားပေးပါ မိတ်ဆွေ။ ထိုနောက် ဆေးဗူးကို ဖိအားပေးလိုက်သောအချိန်တွင် အဆုတ်အတွင်းသို့ ရောက်အောင် ရှုသွင်းလိုက်ပါ။ ထိုသို့ရှုသွင်းရာတွင်နှာခေါင်းဖြင့် လေကို ရှုလိုက်မိလျှင် ကျွန်တော့်အတွက်နေရာ ကျန်တော့မည်မဟုတ်ချေ။ ပါးစပ်ဖြင့်သာ အသက်ရှုရပါမည်။
.
ကျွန်တော့်ကို ရှုပြီးပြီးချင်း မိတ်ဆွေ၏ လက်ကို ချိုးကာ ၁ ကနေ ၁ဝ အထိ ရေတွက်ကြည့်ပါ။ ပြီးမှသာ လေကို နှာခေါင်းမှတဆင့် ရှုသွင်း လိုက်ပါ။ ထိုသို့လုပ်ရန် ကျွန်တော်တောင်းဆိုရချင်းမှာ အကြောင်းပြချက်ရှိသည်။ ကျွန်တော် သည် ဆဲလ်များအတွင်းသို့ ပျံနှံရောက်ရှိရန် အနည်းဆုံး အချိန် ၃ စက္ကန့်လောက်လိုအပ်သည်။ ထိုနောက် ကျွန်တော် အလုပ် လုပ်ရန် အချိန်ယူရဦးမည်။ ထိုအခါမျိုးတွင် ပြင်ပလေကို ဝင်ခွင့်ပြုလိုက်လျှင် ကျွန်တော်မည်သို့ အလုပ်လုပ် နိုင်ပါတော့မည်နည်း။ အလုံးအရင်းနှင့်ဝင်ရောက်လာသောလေသည် ကျွန်တော့်ကို အချိန်တိုအတွင်း ဖယ်ရှားပစ်လိမ့်မည်။ ထိုအခါမျိုးတွင် ကျွန်တော် အာနိသင်မပေးနိုင်တော့ပေ။ မိတ်ဆွေအနေဖြင့် ယခုနည်းလမ်းကို လိုက်နာရန် ခက်ခဲသည် ဆိုလျှင် မှန်ရှေ့တွင် ကြိုးစားပြီး လေ့ကျင့်ကြည့်ပါ။ မကြာခင်တွင် အဆင်ပြေသွားပါလိမ့်မည် မိတ်ဆွေ။
.
ရင်ကျပ်ရောဂါကို ထိန်းချုပ်ဖို့ဆိုလျှင် ကျွန်တော်တို့ကိုချည်း အားကိုးနေ၍ မပြီးသေးပါ။ မိတ်ဆွေတို့၏ လူနေမှု ဘဝပုံစံကိုပါ လိုက်ပါပြောင်းလဲပေးဖို့လိုပါမည်။ ပန်းဝတ်မှုန်တွေကြောင့် ရင်ကျပ်ရောဂါပြန်ထသည်ဆိုလျှင် ပန်းဝတ်မှုန်တို့ ကိုရှောင်ပါ။ ထိုကဲ့သို့ပင် တိရစ္ဆာန်တို့၏အမွှေးများ၊ တချို့အစားအစာများ၊ အနံ့များ၊ စသည်ဖြင့် မိမိနှင့် ဓါတ်မတည့်သည့် ပစ္စည်းများကို ခွဲခြားပြီးရှောင်ရှားကြည့်ပါ။ လူထူထပ်သော နေရာတို့ကို ရှောင်လိုက်ပါ။ မည်မျှအစွမ်းထက်ပါသည်ဟု မိမိကိုယ်မိမိ အမွှန်းတင်နေပါစေ၊ ကျွန်တော်တို့သည် မိတ်ဆွေတို့၏ ခန္ဓာကိုယ်မှ ဇီဝဖြစ်စဉ်တို့ကို ပြောင်းလဲပေးမည့် ပြင်ပ ပစ္စည်းများသာ ဖြစ်သည်။ ကျွန်တော်တို့ကြောင့် ကောင်းကျိုးချမ်းသာရသည်ဆိုသော်လည်း မိတ်ဆွေတို့တွင် ထိခိုက်မှုများသည် အနည်းနှင့်အများ ကြုံတွေ့လာနိုင်သည်။ သို့ဖြစ်လေရာ ကျွန်တော်တို့ကိုသုံးစွဲတော့မည်ဆိုလျှင် ”စည်း” ထားပြီး သုံးစွဲကြ့ပါရန် ရင်ကျပ်ပျောက်ဆေးများကိုယ်စား ကျွန်တော် Salbutamol မှ အလေးအနက် တောင်းဆို လိုက်ပါသည်။

.

.

နှင်းနုလွင် (ဆေးဝါး)
Health For All Mag
November, 2010

 

ချောင်းဆိုးပျောက်ဆေးများ September 30, 2010

ဆေးဝါးများ၏ ဒိုင်ယာရီ
(၄)
ချောင်းဆိုးပျောက်ဆေးများ

ခေတ်နှင့်လျော်ညီသော အဝတ်အစားဖက်ရှင်ဒီဇိုင်းတို့သည် နာမည်အမျိုးမျိုးဖြင့် ထွက်ပေါ်နေသကဲ့သို့ ကျွန်တော်တို့သည်လည်း လူမှုပတ်ဝန်းကျင်အသိုင်းအဝိုင်းတွင် နာမည်ပေါင်းများစွာနှင့်ပျံနှံနေပါသည်။ ရာသီဥတုပေါ် မူတည်၍ အင်္ကျီလက် အတိုအရှည်ကို ရွေးချယ်ဝတ်ဆင်ရသကဲ့သို့ ကျွန်တော်တို့ကိုလည်း လိုက်လျောညီထွေမှု ရှိအောင် ရွေးချယ်သုံးစွဲရမည်။ ကျွန်တော်တို့သည် မိတ်ဆွေအတွက် မရှိမဖြစ်အရေးပါသော ဆေးတစ်မျိုး ဖြစ်ချင်မှ ဖြစ်ပါလိမ့်မည်။ သို့သော် ကျွန်တော်တို့ကြောင့် မိတ်ဆွေသည် သက်တောင့်သက်သာ နေထိုင်နိုင်သည်။ ညဘက်တွင် ကောင်းစွာ အိပ်စက်မှုကို ဖြစ်ပေါ်စေသည်။ ကျွန်တော်တို့ကြောင့် အသက်ဝဝ ရှုရှိုက်ခွင့် ရပေလိမ့်မည်။ ထိုမျှအထိ မိတ်ဆွေကို ကူညီပေးနိုင်သော ကျွန်တော်တို့သည် ချောင်းဆိုးပျောက်ဆေးများ ဖြစ်ကြသည်။
.
ကျွန်တော်တို့အကြောင်းကို တစ်ဦးချင်းစီမိတ်ဆက်မပေးခင် ချောင်းဆိုးရသော အကြောင်းအရင်းကို ကျွန်တော်နည်းနည်း ရှင်းပြချင်သည်။ ချောင်းဆိုးခြင်းသည် ခန္ဓာကိုယ်ကို ကာကွယ်ပေးသည့် အရေးကြီးသော ဖြစ်စဉ် တစ်ခုဖြစ်သည်ဟု ဆိုလျှင် မိတ်ဆွေယုံနိုင်ပါ့မလား။ ထိုအချက်သည် အမှန်ပင် ဖြစ်သည်။ မိတ်ဆွေ၏ အသက်ရှုလမ်းကြောင်းအတွင်းသို့ ဝင်လာသော တစ်စုံတစ်ရာတို့ကို ဖယ်ထုတ်ရန်အတွက် ချောင်းဆိုးလေ့ရှိသည်။ ဗိုင်းရပ်စ်၊ ဘက်တီးရီးယား၊ ဆေးလိပ်ငွေ့များဝင်လာချိန်တွင် ချောင်းဆိုးပြီး ဖယ်ထုတ်ပစ်ကြသည်။

.
.
.
ထို့သို့ပြုလုပ်ရန် မိတ်ဆွေ၏ ခန္ဓာကိုယ်ကို တစ်စုံတစ်ယောက်က တိုက်တွန်းလိုက်သည်ဟု ထင်ကောင်း ထင်နိုင်ပါသည်။ ထိုအယူအဆဟာ မှားယွင်းနေပါသည်။ ချောင်းဆိုးခြင်းသည် သိစိတ်အရလှုပ်ရှားမှု ဖြစ်နိုင်သလို မသိစိတ်အရ ခန္ဓာကိုယ်မှ အလိုအလျောက်ဖယ်ရှားလိုက်သော ဖြစ်စဉ်လည်းဖြစ်သည်ဟု ကျွန်တော် Dextromethorphan မှ တင်ပြချင်ပါသည်။ သို့သော် ပုံသေသတ်မှတ်၍တော့ မရနိုင်ပါ။ တခါတရံတွင်မူ ချောင်းဆိုးခြင်းသည် ရောဂါတစ်ခု၏ အသိပေး လက္ခဏာတစ်ရပ်လည်း ဖြစ်နေ တတ်သေးသည်။
.

ရင်ကျပ် ရောဂါကြောင့် ချောင်းဆိုးနိုင်သကဲ့သို့ တီဘီရောဂါကြောင့်လည်း ချောင်းဆိုးနိုင်သည်။ ထိုရောဂါတို့ မပျောက်မခြင်း ချောင်းဆိုးနေမည်ကို မိတ်ဆွေသိပါသည်။ သူတို့ကို ကုသနေချိန်တွင် ချောင်းဆိုးခြင်းကိုလည်း ထိန်းချုပ်ထားနိုင်ရန် လိုအပ်ပါသည်။ ရောဂါတို့ကို ပျောက်ကင်းအောင် ကုသပြီးချိန်တွင် ချောင်းဆိုးခြင်းလည်း သက်သာသွားသည်။ ချောင်းဆိုးရသည့် အကြောင်းကို မိတ်ဆွေသိသွားပြီဆိုလျှင် ကျွန်တော်တို့အကြောင်းကို ကျွန်တော်ကိုယ်တိုင်ဆက်ပြီး ဖွင့်ဟချင်ပါသည်။
.

== Structure of Dextromethorphan ==

ချောင်းဆိုးတိုင်း ကျွန်တော့်ကိုချည်း သုံးစွဲ၍မဖြစ်နိုင်သောအချက်ကို ရှင်းရှင်းလင်းလင်းသိနိုင်ရန် မိတ်ဆွေကို အုပ်စု ၂ စု ခွဲခြားပြချင်ပါသည်။ ပထမအုပ်စုတွင် ကျွန်တော်သည် ခေါင်းဆောင်ဟုပြောနိုင်သည်။ ကျွန်တော်တို့သည် ချောင်းခြောက်ဆိုးခြင်းအတွက် အရေးပါသောဆေးဝါးများဖြစ်သည်။ ကျွန်တော်တို့ကို (Antitussives) များဟု သတ်မှတ်ကြသည်။ သလိပ်ပါသော ချောင်းဆိုးနေချိန်တွင် နောက်ထပ်အုပ်စုတစ်ခုဖြစ်သည့် (Expectorants) များကို သုံးစွဲရပါလိမ့်မည်။ ကျွန်တော်တို့ကို မှားယွင်းသုံးစွဲမှုကြောင့် မိတ်ဆွေတွင် တစ်စုံတစ်ရာအကျိုးထူး မရှိနိုင် သောကြောင့် ကျွန်တော့်တို့အကြောင်းကို သေချာလေ့လာထားစေချင်သည်။
.
ကျွန်တော်လုပ်သောအလုပ်သည် အလွန်ကြီးကျယ်သည်ဟုပြောလျှင် ကျွန်တော်ကြွားဝါနေသည်ဟု မိတ်ဆွေ တို့ ထင်ကောင်းထင်နိုင်သည်။ တကယ်တော့ ကျွန်တော်သည် ချောင်းဆိုးသက်သာစေရန်အတွက် ဦးနှောက်အထိ သွားရောက်ပြီး အလုပ်လုပ်ပေးသူဖြစ်သည်။ မိတ်ဆွေ၏ ဦးနှောက်တွင် ချောင်းဆိုးခြင်းကို ထိန်းချုပ်ထားသောဌာန Cough Center ရှိနေသည်ကို သိထားလျှင် ကျွန်တော့်အကြောင်းကို ရှင်းပြရန် အလွန်လွယ်ကူပါသည်။
.
ပြင်ပမှ တစ်ခုခုဝင်လာသည့်အခါ ချောင်းဆိုးပြီး တုံ့ပြန်စေမည့် Cough Reflux တို့ကို ဟန့်တားပေးရန် ကျွန်တော်က တာဝန်ယူနိုင်သည်။ ကျွန်တော်သည် ချောင်းဆိုးချင်သော ဆန္ဒကို ဖိနှိပ်ပေးသူဖြစ်သည်။ တချိန်တုန်းက ကျွန်တော့်နေရာတွင် Codeine ကို ဦးစားပေးပြီး သုံးစွဲခဲ့သည်။ မိတ်ဆွေသိသည့်အတိုင်းပင်။ သူသည် စိတ်ချလက်ချ သုံး၍ရသော ဆေးဝါးမဟုတ်ပါ။ သူသည် ဘိန်းအုပ်စုဝင်ဖြစ်သောကြောင့် ကြာရှည်သုံးသည့်အခါ ဆေးစွဲလာသည်။
.

.
သူ့နေရာတွင် အစားထိုးသုံးစွဲရန်ဆေးများကို ရှာဖွေရင်းနှင့် ကျွန်တော့်ကို တွေ့ရှိခဲ့ခြင်း ဖြစ်သည်။ ဆွေမျိုး စပ်မည်ဆိုလျှင်တော့ ကျွန်တော်သည် Codeine နှင့် အမျိုးတော်သေးသည်။ သို့သော် အတော့်ကို သွေးဝေးခဲ့ပြီ။ ကျွန်တော့်တွင် သူနှင့်တူသော အာနိသင်အဖြစ် ချောင်းဆိုးချင်သောဆန္ဒကို ဖိနှိပ်ထားနိုင်သော်လည်း Codeine ကဲ့သို့ ဆေးစွဲစေသောအာနိသင်မျိုး သက်ရောက်ခြင်းမရှိပါဟု ကြော်ငြာချင်ပါသည်။ ထို့အတွက် ကျွန်တော်ကို စိတ်ချလက်ချ သုံးနိုင်သည်ဟု ကျွန်တော်က အာမခံနိုင်ပါသည်။
.
ကျွန်တော်ကဲ့သို့ပင် ချောင်းဆိုးပျောက်ဆေးနောက်တစ်အုပ်စုဖြစ်သည့် (Expectorants) များသည် ချောင်းဆိုခြင်းကို ကူညီပေးသူများဖြစ်သည်။ မိတ်ဆွေခရီးသွားသည့်အခါတွင် ကားလမ်းပိတ်ဆို့မှုနှင့်ကြုံလျှင် မည်ကဲ့ သို့ ဖြေရှင်းမလဲဆိုသော အချက်ကို Expectorants များက လမ်းညွှန်သင်ပြပေးနိုင်ပါသည်။ သူတို့သည် အဆုတ်နှင့်အသက်ရှု လမ်းကြောင်းတစ်ဝှိုက်ရှိ မလိုအပ်သောပစ္စည်းများ၊ ချွဲသလိပ်များကို ချောင်းဆိုးထုတ်ပြီး ဖယ်ရှား ပေးနိုင်သူများဖြစ်ကြသည်။
.

ပုံမှန်အချိန်များတွင် မိတ်ဆွေ၏အဆုတ်သည် ချွဲသလိပ်အချို့ကိုထုတ်ပေးပြီး အဆုတ်ရှိ အမွှေးနုလေး များမှတဆင့် ဖယ်ထုတ်ပေးကြသည်။ သို့သော် ပမာဏများပြားလာသည့်အခါ တံမြက်စည်းနှင့်တူသော အမွှေးနုလေး များသည် စွမ်းဆောင်နိုင်စွမ်းလျော့သွားသည်။ ထိုအခါမျိုးတွင် ခန္ဓာကိုယ်အတွက် အသုံးမတည့်သော အရာဝတ္ထု များကို ချောင်းဆိုးပြီး ဖယ်ရှားထုတ်ရတော့မည်။ မိတ်ဆွေ၏ အဆုတ်သည် သန့်ရှင်းနေအောင် ချောင်းဆိုးခြင်းက များစွာကူညီပေးနိုင်သောကြောင့် Expectorants များ၏ အကူအညီကို ရယူရန် လိုအပ်လာပါတော့သည်။

.

.

== Structure of Bromhexine ==

.

သလိပ်ပါသောချောင်းဆိုးခြင်း အတွက်သုံးသောဆေးများ၏ အလုပ်လုပ်ပုံ၊ လုပ်နည်းသည် ကျွန်တော်နှင့် အတော့်ကို ကွာခြားကြောင်းကို မြင်သာအောင် ပြောပြချင်သည်။ ဥပမာ ဆိုပါဆို့။ မိတ်ဆွေသောက်လိုက်သော ချောင်းဆိုးပျောက်ဆေး ရည်တွင် Bromhexine ကဲ့သို့ ဆေးများပါလာလျှင် သူ့က ချွဲသလိပ်များကို အပိုင်းပိုင်းပြတ် သွားစေသည်။ အသားတုံးများကို ဓါးနှင့် စဉ်းလိုက်သကဲ့သို့ ချွဲသလိပ်များကို အတုံးလိုက်ကလေး ပြတ်သွားစေသော ကြောင့် ချောင်းဆိုးပြီး သလိပ်များကို အလွယ်တကူခပ်ထုတ်နိုင်သည်။

.

နောက်တစ်မျိုးမှာ Guaifenisin ဖြစ်သည်။ သူသည် ချွဲများကို ကျဲသွားစေသည်။ စေးပျစ်နေသော အရည်တစ်မျိုးထဲသို့ ရေကိုထည့်ရောခြင်းနှင့်တူသည်ဟု ကျွန်တော်က တင်စားချင်ပါသည်။ စေးပျစ်နေသောချွဲသည် အပြင်ကိုအလွယ်တကူ မထွက်နိုင်သောအခါမျိုးတွင် မသက်မသာခံစားရသည်ကို မိတ်ဆွေသိပါလိမ့်မည်။ ထိုပြဿနာ အတွက် Guaifenisin က ကူညီပေးပါလိမ့်မည်။ သူသည် လေပြွန်တွင် ချွဲသလိပ်များကပ်နေခြင်းကိုလည်း ဖယ်ရှားပေးသည်။ ထို့အတွက် ချောင်းဆိုးထုတ်ရာတွင် လွယ်ကူသွားသည်။ သူတို့ ၂ ဦးကို တပူးတွဲတွဲတွေ့နိုင်သကဲ့သို့ တမျိုးချင်းစီကိုလည်း ခွဲ၍ သုံးကြသည်ကို ကျွန်တော့်ပတ်ဝန်းကျင်တွင် အကြိမ်ကြိမ်တွေ့ရသည်။

.

== Structure of Ambroxol==

အားလုံးက ကျွန်တော့်၏အရသာကို ခါးသက်သည်ဟု ထင်နေကြသည်။ ကျွန်တော့်ထက် Bromhexine က ပိုပြီးခါးသည်ကို သူတို့မသိသောကြောင့်လည်း ဖြစ်နိုင်သည်။ Bromhexine ၏ တကယ့်အလုပ်လုပ်နိုင်သော ပုံစံ ဖြစ်သည့် Ambroxol ရအောင် အသည်းက ချေဖျက်ပေးသည်။ ဈေးကွက်ထဲတွင်လည်း Ambroxol ဟူသော အမည်ဖြင့် တိုက်ရိုက်ရောင်းချသော ဆေးများရှိသည်ကို မိတ်ဆွေတွေ့ပါလိမ့်မည်။ Ambroxol သည် အလုပ်မြန်မြန် လုပ်ပြီးအာနိသင်မြန်မြန်ပေးနိုင်သောဆေးဖြစ်သည့်အပြင် ခါးသက်သောအရသာလည်း နည်းသောကြောင့် လူနာများ အတွက် အထူးအဆင်ပြေပါသည်။

.

ချွဲသလိပ်များချေဖျက်မှုတွင် နာမည်ကြီးသောကြောင့် သူ့ကို Master Mucolytics ဟုပင် ခေါ်ဆို ကြပါသည်။ သူတို့နှင့်ပတ်သက်ပြီး ကျွန်တော်တစ်ခုတော့ ပြောပြချင်သေးသည်။ သူတို့သည် အစာအိမ်ကို ကာကွယ်ပေးသည့် အလွှာလေးကို အနှောင့်အယှက်ပေးနိုင်သည်။ ထို့အတွက် အစာအိမ်အနာရှိဖူးသူတို့သည် သူတို့ကို အတော်လေး သတိထားပြီးသုံးရသည်။ အစားစားပြီးချိန်တွင် သောက်လျှင်တော့ အားလုံးအတွက် ပိုပြီးကောင်းသော ရလဒ်တို့ ဖြစ်လာနိုင်မည်ကို ကျွန်တော် အခိုင်အမာ ပြောဆိုနိုင်ပါသည်။

.

ကျွန်တော်တို့၏ ဖြစ်တည်မှုသည် တစ်ဦးနှင့် တစ်ဦး မတူညီသကဲ့သို့ အလုပ်လုပ်သောပုံစံများ မတူညီကြ သည့်အဖြစ်ကို မိတ်ဆွေသိလောက်ပါပြီ။ ထို့ကြောင့် ချောင်းဆိုးပျောက်ဆေးရည်တစ်ခုကို ရွေးချယ်သည့်အခါ မိမိအတွက် အမှန်တကယ် လိုအပ်သောဆေးဟုတ်၊ မဟုတ်ကို အလေးအနက်ထားပြီး စဉ်းစားကြပါရန် ကျွန်တော် တောင်းဆိုချင်ပါသည်။ လူနာတစ်ယောက်ခံစားနေရသော အခြေအနေကို မူတည်လျက် တခြားပစ္စည်းများလည်း ထည့်သွင်းထားတတ်သောကြောင့် မိတ်ဆွေသောက်မည့်ဆေးတွင် ပါရှိနိုင်သောအခြားပစ္စည်းများအကြောင်းကို သိထားလျှင်လည်း အကျိုးရှိပါလိမ့်မည်။

.

ကျွန်တော်တို့ကို ဆေးရည်ပုံစံမျိုးဖြင့် ဖော်စပ်ထားလျှင် တခြားအရောအနှောများက ပိုပြီးပါနိုင်သည်။ ကျွန်တော်တို့နှင့်တွဲပြီး ပါဝင်တတ်သည်မှာ ပါရာစီတမောကဲ့သို့ အကိုက်အခဲပျောက်ဆေးဖြစ်သည်။ တကယ်တမ်း တွင် အကိုက်အခဲပျောက်ဆေးများသည် ချောင်းဆိုခြင်းကို မသက်သာနိုင်ပေ။ ချောင်းဆိုးခြင်းကြောင့် ဖြစ်ပေါ်လာ သည့် နာကျင်မှုတို့ကို လျော့ချပေးနိုင်ရန် သူ့ကို သုံးခြင်း ဖြစ်လိမ့်မည်ဟု ကျွန်တော်ထင်နေပါသည်။
သလိပ်ပါသော ချောင်းဆိုးနေချိန်တွင် အဆုတ်နှင့်လြေ>ွပန်တွင် ရောင်ရမ်းနေမှုကြောင့် နာကျင်တတ် သည်ကို မိတ်ဆွေလည်း ခံစားဖူးမည်ထင်ပါသည်။

.

ချောင်းခြောက်ဆိုးသောအချိန်တွင်လည်း လည်ချောင်းယားပြီး နာနေတတ်သလို အဆက်မပြတ်ချောင်းဆိုးမှုကြောင့် ရင်ဘက်နှင့် အစာအိမ်တစ်ဝိုက်တွင်လည်း နာကျင်တတ်ပါ သည်။ ကျွန်တော်တို့နှင့်တွဲဖက်သုံးစွဲသော အကိုက်အခဲပျောက်ဆေးသည် ထိုဝေဒနာတို့ သက်သာဖို့အတိုင်းထက် အလွန်ကူညီပေးပါလိမ့်မည်။ သို့သော် အသည်း (သို့) ကျောက်ကပ်နှင့်ပတ်သက်သော ရောဂါတစ်စုံတစ်ရာရှိသူတို့ အနေဖြင့် ကျွန်တော်တို့ကို အတွဲလိုက်မသုံးခင် ဆရာဝန်နှင့် ကြိုတင်တိုင်ပင်ရန် ကျွန်တော် သတိပေးချင်သည်။

.

ချောင်းဆိုးခြင်းနှင့်အတူ နှာရည်ယိုခြင်း၊ မျက်စိယားယံခြင်းတို့ကဲ့သို့ ဓါတ်မတည့်ခြင်းများလည်း တွဲပြီးဖြစ် တတ်သောကြောင့် Antihistamines များနှင့်လည်း တွဲပြီးသုံးကြသည်။ အထူးသဖြင့် ချောင်းခြောက်အတွက်သုံးသော ကျွန်တော် Dextromethorphan နှင့် အတွေ့ရများတတ်သည်။ တခြားဆေးများနှင့်လည်း မတွဲ သည်တော့မဟုတ်။ ချွဲထနေသူများတွင်လည်း ဓါတ်မတည့်မှုများကြောင့် နှာရည်ယိုခြင်းတို့ကို ကြုံရတတ်လေရာ Antihistamines များကို ထည့်သွင်း သုံးစွဲကြသည်။

.

Expectorants များတွင်တွဲလျက်ပါရှိတတ်သော ပစ္စည်းတစ်မျိုးအကြောင်းကို ကျွန်တော်မိတ်ဆက်ပေးချင်ပါ သေးသည်။ သူသည် မိတ်ဆွေတို့၏ လေပြွန်ကိုချဲ့ပေးမည့် Bronchodilators များဖြစ်သည်။ သူတို့အထဲတွင် Salbutamol သည် နာမည်ကြီးသည်။ လေပြွန်ကိုချဲ့ပေးသောကြောင့် အဆုတ်ရှိလေသွားလာမှုကို လွယ်ကူကာ အ သက်ရှုချောင်စေသည်။ သူကြောင့် ချွဲသလိပ်များ အလွယ်တကူ ရွေ့လျားနိုင်ပြီး အလျင်အမြန် ဖယ်ထုတ်နိုင်သည်။

.

ချွဲသလိပ်ကြောင့် လေပြွန်များပိတ်ဆို့ကာ အသက်ရှုခက်ခဲသည့် ပြဿနာများကို ရှောင်လွဲနိုင်သည်။ သူ့ကို ချောင်းခြောက်ဆိုးသူများတွင် သုံးစွဲပါက အကျိုးရှိမည်တော့မဟုတ်ပေ။ ရင်ကျပ်ရောဂါတွင် ဆရာတစ်ဆူ ဖြစ်သည့် Salbutamol သည် အပြစ်အကင်းဆုံးဆေးတော့ မဟုတ်ပေ။ တခြားရောဂါအခံရှိနေချိန်၊ အထူးသဖြင့် နှလုံးနှင့် ပတ်သက်သောရောဂါရှိချိန်မျိုးတွင် သူ့ကို သတိထားရန် ကျွန်တော်က ကြိုတင်ပြီး မေတ္တာရပ်ခံထားချင်ပါသည်။

.

တခြားဆေးများအကြောင်းပြောပြီးသွားလျှင် ကျွန်တော့အကြောင်းကို ကျွန်တော်ပြန်ပြီး သုံးသပ်ပြပါဦးမည်။ ကျွန်တော်သည် မိခင်ဝမ်းဗိုက်အတွင်းရှိ မမွေးဖွားသေးသည့် ကလေးငယ်များကိုလည်း အနှောင့်အယှက်ဖြစ်စေတတ် ပါသည်။ မိခင်နို့ရည်ကို ဖြတ်သန်းပြီး စီးဆင်းနိုင်သောကြောင့် နို့စို့ကလေးများထံကို ရောက်သွားကာ အန္တရာယ် ဖြစ်စေပါသည်။ ထို့ကြောင့် နို့တိုက်မိခင်တစ်ယောက်အနေဖြင့် ကျွန်တော့်ကိုသုံးစွဲလိုလျှင် ဆရာဝန်နှင့် အသေအချာ ဆွေးနွေးပေးပါရန် ကျွန်တော်အကြံပြုချင်သည်။ ကိုယ်ဝန်ဆောင်ချိန်တွင် ဆရာဝန်ကို မတိုင်ပင်ဘဲ ကျွန်တော့်ကို မသုံးစွဲစေရန် တားမြစ်ရခြင်းသည် ကလေးငယ်၏အနာဂတ်ကို လှပစေချင်လွန်းသော စေတနာပင်ဖြစ်သည်။

.

(MAOIs) ဆေးသောက်နေသူများသည် ဆေးသောက်ပြီး ၁၄ ရက်အတွင်းတွင် ကျွန်တော့်ကို မသောက်မိရန် အထူး သတိထားရသည်။ MAOIs ဆေးများကို ခန္ဓာကိုယ်ထဲမှ အကုန်အစင် ဖယ်မထုတ်နိုင်သေး ခင် ကျွန်တော်ကို သောက်မိလျှင် ကျွန်တော်တုိ့အချင်းချင်းဓါတ်ပြုမှုဖြစ်ပွားရာမှ အသက်ဆုံးရှုံးရသည်အထိ အန္တရာယ်ကြီးပါသည်။ တစ်စုံတစ်ယောက်သည် ဆေးလိပ်သောက်ပါများသောကြောင့် သူ၏လေအိတ်များ ပျက်စီးနေ ပါက ကျွန်တော့်ကို အလွယ်တကူမသုံးစွဲသင့်တော့ပေ။ ထို့အတူ တာရှည်လေပြွန်ရောင်နေသူများတွင် ကျွန်တော်ကို သုံးတော့မည်ဆိုလျှင် ဆရာဝန် သို့မဟုတ် ဆေးဝါးပညာရှင်တို့ကို မေးမြန်းဆွေးနွေးဖို့ လိုပါဦးမည်။ ကျွန်တော်သည် ချောင်းခြောက်ဆိုးခြင်းကို ကောင်းစွာ ထိန်းချုပ်ပေးနိုင်သည်ဆိုသော်လည်း ဆေးလိပ်သောက်ခြင်း၊ ရင်ကျပ်ပန်းနာ၊ လေအိတ်ငယ်များပျက်စီးခြင်းကြောင့် ခံစားရသော ချောင်းဆိုးခြင်းကိုတာဝန်မယူနိုင်ကြောင်း ဝမ်းနည်းစွာဖြင့် အသိပေးရပါလိမ့်မည်။

.

ကျွန်တော်တို့ချောင်းဆိုးပျောက်ဆေးအားလုံးကို ပမာဏ မည်၍ မည်မျှသုံးပါ ဆိုပြီး အတိုင်းအတာတစ်ခု မသတ်မှတ်ချင်ပါ။ ကျွန်တော်တို့ကို ဆေးဆိုင်တွင် အလွယ်တကူမေးပြီး ဝယ်ယူသုံးစွဲကြသောကြောင့် ဆေးပမာဏ လွန်သွားမည်ကို ကျွန်တော် အတော်ပင်စိုးရိမ်ပါသည်။ ကျွန်တော်စိုးရိမ်သည့် အတိုင်းလည်း လူတွေကြုံတွေ့နေကြ သည်။ ကျွန်တော်တို့သည် အရွယ်ရောက်ပြီးသား လူကြီးတို့ကိုသာ အန္တရာယ်ဖြစ်စေသည်မဟုတ်၊ ကလေးများကို လည်း ထိခိုက်စေတတ်ရာ ချောင်းဆိုးပျောက်ဆေး၊ အအေးမိဖျားနာခြင်းတို့ကိုသက်သာစေသော ဆေးများမတိုက်ခင် ဆရာဝန်နှင့်သေချာတိုင်ပင်ဆွေးနွေးကြည့်ရန် အကြံပေးချင်ပါသည်။

.

ချောင်းဆိုးပျောက်ဆေးများ၊ ဓါတ်မတည့်မှုပျောက်ဆေးများ၊ အအေးမိခြင်းကိုသက်သာစေသောဆေးများ အပါအဝင် Over The Counter – OTC ဆေးများတွင်လည်း သတိထားစရာအချက် အများအပြားရှိနေသည်။ ထို့ကြောင့် ဆရာဝန်ကို အရင်ဆုံးမမေးမြန်းဘဲ ကျွန်တော်တို့ကို မသုံးစွဲရန် ထပ်ဆင့်ပြီးသတိပေးပါရစေ။ ဆေးများမှား ယွင်းသုံးစွဲမိခြင်း၊ ဆေးပမာဏလွန်သွားခြင်းတို့ကြောင့် ကလေးများအသက်ဆုံးရှုံးရသည်ကို ကျွန်တော်တို့ အကြိမ်များ စွာကြုံဖူးပါသည်။ ဖွံ့ဖြိုးဆဲနိုင်ငံများတွင်ဖြစ်နိုင်သလို ဖွံ့ဖြိုးတိုးတက်နေသော တိုင်းပြည်တွင်လည်း ကျွန်တော်တို့ ကြောင့် ကလေးများ အန္တရာယ်ဖြစ်နိုင်သည်။ သတိထားစရာပါ မိတ်ဆွေ။

.

ချောင်းဆိုးနေလျှင် ကျွန်တော့်တို့ကို အလွယ်တကူမသုံးစွဲသေးဘဲ သဘာဝနည်းလမ်း တချို့ကို သုံးကြည့် စေချင်ပါသည်။ အရည်များများသောက်ကြည့်ပါ။ အနားယူပါ။ ဆားရည်ခပ်နွေးနွေးဖြင့် အာလုပ်ကျင်း ကြည့်ပါ။ လည်ပင်းနှင့် ရင်ဘက်ကို ပရုပ်လူးကြည့်ပါ။ သူတို့သည် မိတ်ဆွေကို ကောင်းကောင်းကူညီပေးနိုင်ပါသည်။ ကျွန်တော် တို့ကို သုံးစွဲပါလျက် ချောင်းဆိုးသည့်ဝေဒနာ မသက်သာသွားခြင်းမှာ ကျွန်တော်တို့ တာဝန်မကျေပွန်မှုကြောင့်ဟု မိတ်ဆွေက သံသယဝင်နေပါလိမ့်မည်။ ထို့သို့မဟုတ်ကြောင်း ကျွန်တော်ငြင်းဆိုပါရစေ။ ကျွန်တော်တို့နှင့် မသက်ဆိုင် သော ဝေဒနာတို့အတွက် ကျွန်တော်တို့က မည်သည့်နည်းနှင့်မျှ အကူအညီမပေးနိုင်သောကြောင့် သင့်တော်သော ဆေးဝါးများကို တတ်ကျွမ်းသူများ၏အကူအညီဖြင့် ရွေးချယ်ကြပါရန် အားလုံးသော ချောင်းဆိုးပျောက်ဆေးများ ကိုယ်စား ကျွန်တော် Dextromethorphan မှ အကြံပေးလိုက်ပါရစေ။ ။

နှင်းနုလွင် (ဆေးဝါး)
Health For All
October, 2010

ဆေးဝါးများ၏ ဒိုင်ယာရီ (၃) August 24, 2010

အစာအိမ် လေနိုင်ဆေးများ

မိတ်ဆွေ၏ရှေ့တွင် လူ၁ဝယောက်ဖြတ်သွားလျှင် ကျွန်တော်တို့နှင့် ရင်းနှီးကျွမ်းဝင်သောသူ ၉ ယောက် ပါမည်ကို ကျွန်တော်အတိအကျပြောနိုင်သည်။ ကျွန်တော်တို့သည် လူတိုင်း၏အိတ်ထဲတွင် နေရာယူထားတတ်သော ဆေးများဖြစ်ကြသည်။ ဆယ်ကျော်သက်အရွယ်များ၏ ဘေးလွယ်အိတ်ထဲတွင် ကျွန်တော်တို့ ရှိနေတတ်သကဲ့သို့ လူကြီးများ၏ မလှမ်းမကမ်းတွင်လည်း ရှိနေတတ်ကြသည်။ တစ်စုံတစ်ယောက်သည် အစားစားချိန်လွန်သွား သောကြောင့် ဗိုက်အောင့်လျှင် ကျွန်တော်တို့ကို သတိရသည်။ လေပွ၊ လေထလျှင်လည်း ကျွန်တော်တို့ကို တမ်းတ တတ်ကြသည်။ သူတို့ယုံကြည်လောက်အောင်လည်း ကျွန်တော်တို့က အစွမ်းထက်သည်။

.

လူများအတွက် အစာချက်ပေးသောစက်ရုံဖြစ်သည့် အစာအိမ်နှင့် အူလမ်းကြောင်းတစ်လျှောက်တွင် အပယိကပြဿနာများမှသည် ရောဂါကြီးများအစမပျိုးနိုင်အောင် ကျွန်တော်တို့က ကာကွယ်သမှုပြုနိုင်ကြပါသည်။ အစားအသောက်တို့မှရလာသော အာဟာရများ ခန္ဓာကိုယ်အတွက်အကျိုးရှိရှိအလုပ်လုပ်နိုင်စေရန် ကျွန်တော်တို့ကို မရှိမဖြစ်ကို လိုအပ်နေပါသည်။ လူတိုင်း၏အနားတွင် နေခွင့်ရသည်အထိ နေရာပေးခံရသော ကျွန်တော်တို့သည် အစာအိမ်လေနိုင်ဆေးများ၊ လေထခြင်းကို သက်သာစေသောဆေးများ (Antacids) ဖြစ်သည်။

.

ခန္ဓာကိုယ်တည်ဆောက်ရာတွင် အရေးပါသော ကျွန်တော်တို့အားလုံး မည်သို့ရပ်တည်နေသလဲ၊ အစာအိမ် နှင့်အူလမ်းကြောင်း တစ်လျှောက်တွင် မည်သို့အလုပ်လုပ်သလဲ ဆိုသည့်အချက်တို့ကို သိထားလျှင် မိတ်ဆွေတို့ လူသား အားလုံးအတွက် အကျိုးရှိပါသည်။ ကျွန်တော်တို့သည် အယ်ကာလိုင်း (Alkaline) သဘာဝရှိသည့် ပစ္စည်းများဖြစ်ကြပြီး ဆေးပုံစံ အဖြစ်ရပ်တည်ကာ အစာအိမ်တွင် ရှိသော အက်ဆစ်များ၏အာနိသင် လျော့နည်းသွားအောင် ဓါတ်ပြယ်ပေးနိုင်စွမ်းရှိပါသည်။ ကျွန်တော်တို့ တစ်ဦးချင်းစီ၏ အလုပ်လုပ်သောပုံစံ မတူသော်ငြား သက်ရောက်မှုချင်း တူညီပါသည်။

.

အက်ဆစ် (Acid) ၏ ဆန့်ကျင်ဘက်သည် အယ်ကာလိုင်း (Alkaline) ဖြစ်သည်ဆိုသော အချက်ကိုသိထားလျှင် ကျွန်တော်တို့ မည်သို့အလုပ်လုပ်သည်ကို ခန့်မှန်းနိုင်ပါလိမ့်မည်။ ကျွန်တော်တို့သည် မိတ်ဆွေ၏အစာအိမ်အတွင်းရှိ pHံ ကို ထိန်းညှိပေးပါသည်။ ယခုကျွန်တော်ပြောလိုသော pH ဆိုသည်မှာ အစာအိမ်တစ်ဝိုက်ရှိ အက်ဆစ်နှင့် ဘေ့စ်ကို တိုင်းတာပေးသောသတ်မှတ်ချက် တစ်ခုပဲဖြစ်သည်။ pH ၏ တန်ဖိုးသည် ၇ အောက်ရောက်လျှင် အက်ဆစ်ပတ်ဝန်းကျင်အဖြစ် သတ်မှတ်ပြီး ၇ အထက်ဆိုလျှင် ဘေ့စ်ဖြစ်သည်။ မိတ်ဆွေတို့သောက်သော ရေသည် pH ၇ ဖြစ်ပြီး ဓါတ်မပြုနိုင်သော အဆင့်ဖြစ်သည်။

.

မိတ်ဆွေ၏ အစာအိမ်ထဲတွင်ရှိသည့်  pH သည် ၂ နှင့် ၃ ကြားတွင်သာရှိသည်။ အကယ်၍ ထိုသတ်မှတ် ချက်အောက်သို့ ကျဆင်းသွားလျှင် မိတ်ဆွေကို အန္တရာယ်ဖြစ်စေပါလိမ့်မည်။ ဤပြဿနာကို ပြေလည်အောင် ဖြေရှင်းရန်အတွက် အစာအိမ်၏ pH ကို ၇ ထက် မြင့်တက်လာအောင်လုပ်ပေးရန် မလိုအပ်ပါ။ အကယ်၍ လုပ်မိလျှင်လည်း အစာအိမ်အတွက် သဘာဝမကျသော အနေအထားတို့ကို ဖြစ်စေပါသည်။ အစာအိမ်ထဲတွင် ကောင်းမွန်စွာအလုပ်လုပ်ရန်အတွက် ရှိနေသင့်သော pH သည် ၃–၄ ဖြစ်သည်။ ထိုနေရာတွင် ကျွန်တော်တို့၏ အရေးပါမှုသည် သိသာထင်ရှားသည်။ ကျွန်တော်တို့တဲ့သို့ (Antacids) များသည် ပိုလျှံနေသော အက်ဆစ်များကို ဓါတ်ပြယ်ပေးရန် တာဝန်ယူနိုင်ပါသည်။

.

ကျွန်တော်တို့သည် (Antacids) အဖြစ်အလုပ်လုပ်တော့မည်ဆိုလျှင် တဦးတည်း ပုံစံလုပ်သည်မှာ နည်းပါသည်။ ကျွန်တော်ကိုယ်တိုင် ပင် လူအများအလွယ်တကှူသုံးစွဲကြသော ဒိုင်ဂျင်း Digene ဟုခေါ်သော Antacids တွင်ပါဝင်သည့် အလူမီနီယမ် ဟိုက်ဒြောဆိုဒ် Aluminium Hydroxide ဖြစ်သည်။ ကျွန်တော်၏မိတ်ဆွေများနှင့် မိတ်ဆက်မပေးမီ ကျွန်တော်အကြောင်းကို ကျွန်တော်ဦးစွာ တင်ပြချင်ပါသေးသည်။

.

ကျွန်တော်ပါဝင်သော Antacids တစ်မျိုးမျိုးကို သောက်လိုက်သည်ဆိုပါစို့။ ကျွန်တော်သည် ဖြည်းဖြည်းချင်း ပျော်သွားပြီး အာနိသင်စရရန် အချိန် နာရီဝက်ခန့်စောင့်ရပါလိမ့်မည်။ ကျွန်တော်သည် တခြားဒြပ်စင်တို့နှင့် နှိုင်းယှဉ်လျှင် အစာအိမ်ထဲတွင် ကြာကြာ နေနိုင်သည့်အတွက် အာနိသင်ပေးချိန်လည်း ကြာပါသည်။ ထိုသို့ အရည်အချင်းကောင်းရှိသည့်အတွက် အစာအိမ်မှ အက်ဆစ်အထွက် များခြင်း၊ အစာမကြေရင်ပြည့် ရင်ကယ်ခြင်း၊ အစာရေမြိုပြွန်ရောင်ခြင်းတို့တွင် ကျွန်တော်သည် အလွန်အားထားရသည်။

.

ကျွန်တော့်တွင် သိသိသာသာ ဝမ်းချုပ်နိုင်သော အာနိသင်ရှိသောကြောင့် တစ်မျိုးတည်းသုံးခြင်းထက် Antacid အုပ်စုဝင် တခြားဆေး တစ်မျိုးမျိုးနှင့် တွဲဖက်သုံးစွဲခြင်းက ပိုသင့်တော်သည်။ ကျွန်တော်နှင့် တပူး တွဲတွဲတွေ့ရလေ့ရှိသော မိတ်ဆွေမှာ မဂ္ဂနီဆီယမ်ဖြစ်သည်။ ကျွန်တော့်ကို အချိန်ကြာကြာသာ စွဲသုံးလျှင် အရိုးပျော့လာနိုင်သည်။ ကျောက်ကပ်ရောဂါရှိသူများတွင် ပို၍စိုးရိမ်ရပါသည်။ ခန္ဓာကိုယ်ထဲတွင် ကျွန်တော်တို့ နေရာယူမှုများလာသည့်အခါ အစားအသောက်ထဲတွင်ပါရှိသည့် ဖော့စ်ဖိတ်၊ ကယ်လ်စီယမ်နှင့် ဖလူအိုရိုက်တို့နေရန် နေရာနည်းလာသည်။

.

ထိုသတ္တုဓါတ်များကို ခန္ဓာကိုယ်ပြင်ပသို့ ထွက်သွားစေသောကြောင့် အချိန်ကြာလာသည်နှင့်အမျှ အရိုးပါးခြင်း၊ ပွခြင်းတို့ကဲ့သို့ ပြဿနာများကို ခံစားရတတ်ပါသည်။ အချိန်ကြာကြာစွဲသုံးမိလျှင် ကြွက်သားများ ပျော့လာတတ်သည်။ ကျွန်တော်တို့ကဲ့သို့ဆေးမျိုးကို လွတ်လပ်စွာရောင်းချကြသောဆေးများ (Over The Counter-OTC) ဆေးများ အဖြစ် သတ်မှတ်ထားကြသော်လည်း ကျောက်ကပ်ရောဂါရှိသူတို့တွင် ဘေးကင်းစေရန် ခဏမျှသာ သုံးသင့်သည်ဟု ကျွန်တော် အကြံပေးချင်ပါသည်။

.

ကျွန်တော်နှင့် တွဲဖက်ဖြစ်သည့် မဂ္ဂနီဆီယမ်ကိုမူ ပုံစံအမျိုးမျိုးနှင့် တွေ့ရသည်။ ကျွန်တော်နှင့် မတူညီသောအချက်မှာ သူသည် အလျင်အမြန်ပျော်ဝင်နိုင်သောဆေးဖြစ်ခြင်းပင်။ ထိုသို့ အာနိသင်မြန်မြန်ပေးနိုင်ခြင်းအတွက် အရေးပေါ်အခြေအနေတို့တွင် သူသည် အလွန်အသုံးဝင်နေခြင်းဖြစ်သည်။ ကျွန်တော်တို့ ၂ ဦးကို ပူးပေါင်းသုံးစွဲပါက အက်ဆစ်အထွက်များ၍ အစာအိမ်ရောင်ခြင်း၊ အရက်ကြောင့် အစာအိမ်ရောင်ခြင်း၊ အူသိမ်နှင့် အူသိမ်ဦးပိုင်း ရောင်ရမ်းသော အခြေအနေတို့ကို ကောင်းစွာထိန်းချုပ်နိုင်သည်ကို မိတ်ဆွေ သတိထားမိပါလိမ့်မည်။

.

Magnesium Carbonate, Magnesium Trisilicate, Magnesium Sulphate စသည်ဖြင့် ပုံစံအမျိုးမျိုးနှင့်ရပ်တည်နေသော ကျွန်တော်မိတ်ဆွေ မဂ္ဂနီဆီယမ်သည် ဝမ်းပျော့စေသော အာနိသင်ရှိသောကြောင့် ဝမ်းသွားခြင်းကို အားပေးပါသည်။ သူ့ကို တစ်မျိုးတည်းသုံးစွဲပြီး ဝမ်းသွားစေသော အာနိသင်ကို ရယူနိုင်သည်။ MOM ဟု လူသိများသော ဝမ်းနှုတ်ဆေးသည် ကျွန်တော့်မိတ်ဆွေ၏ ပုံစံတစ်ခုဖြစ်သည်။ သို့ဖြစ်ရာ Antacid အနေဖြင့် သုံးမည်ဆိုလျှင် မဂ္ဂနီဆီယမ်ချည်းပါသော ဆေးများကို အသုံးနည်းသည်။

.

ကျွန်တော် အလူမီနီယမ်ကဲ့သို့ ဝမ်းသွားတာကိုဆန့်ကျင်ပေးသော ဆေးများနှင့် တွဲပြီးသုံးစွဲကြသည်။ မဂ္ဂနီဆီယမ်ပါသော ဆေးများကိုအချိန်ကြာကြာ သုံးစွဲမိလျှင် ကျောက်ကပ်တွင် အန္တရာယ်ဖြစ်စေပါသည်။ ကျောက်ကပ်ရောဂါ အခံရှိနေသူများတွင် အန္တရာယ်ပိုကြီးပါသည်။ သွေးစီကြောင်းတွင် မဂ္ဂနီဆီယမ်ပါဝင်မှု အလွန်မြင့်မားနေပါက သွေးတိုးခြင်း၊ နှလုံးနှင့် အဆုတ် အလုပ်လုပ်ရာတွင် ခက်ခဲခြင်းတို့ရှိလာနိုင်ပါသည်။ လူတို့သည် ဝမ်းအနည်းငယ်ချုပ်ရုံနှင့် ကျွန်တော့်မိတ်ဆွေကြီးပါဝင်သော ဝမ်းနှုတ်ဆေးများကို အလွယ်တကူသောက်ကြသော်လည်း သူတို့ သွေးထဲတွင်ပမာဏမြင့်တက်နေလျှင် မည်သို့ဖြစ်နိုင်သည်ကို မေ့နေတတ်ကြသည်။ ယခုစာကို ဖတ်မိချိန်တွင် မိမိတို့အလွယ်တကူသောက်နေကြသော အဖြစ်ကို ရှောင်ကြလိမ့်မည်ဟု ကျွန်တော်မျှော်လင့်မိပါသည်။

.

မဂ္ဂနီဆီယမ်ကဲ့သို့ပင် အစာအိမ်ထဲတွင် မြန်မြန်ပျော်ပြီး မြန်မြန်အလုပ်လုပ်နိုင်သော နောက်ထပ်အဖွဲ့ဝင် တစ်ယောက်မှာ ဆိုဒီယမ်ဖြစ်သည်။ ကျွန်တော်က ဆိုဒီယမ် ဟုဆိုလိုက်လျှင် မိတ်ဆွေတို့အားလုံးသည် ဆိုဒီယမ်ဘိုင်ကာဗွန်နိတ်ကို ပြေးမြင်ပါလိမ့်မည်။ သူသည် တစ်ချိန်က ဆိုဒါမင့် ဟု နာမည်ကျော်ကြားခဲ့ပါသည်။ လူတို့နှင့် အနီးဆုံးတွေ့နိုင်သည့် Antacid လည်းဖြစ်သည်။

.

သူ့ကို မုန့်ဖုတ်ဆော်ဒါဟုလည်း ခေါ်ကြသည်။ ဆိုဒီယမ် ပါသောဆေးဆိုသည့်အတိုင်းသူ့တွင် ဆားပါဝင်မှုမြင့်မားပါသည်။ ထို့ကြောင့် ဆားလျော့စားနေရသူများ အထူးသဖြင့် သွေးတိုးရောဂါကို ထိန်းချုပ်ထားသူများ၊ ဆားပါဝင်မှုကို မျက်ခြေပြတ်ခံလို့မရသည့် လူနာများအနေဖြင့် ဆရာဝန်၏ ညွှန်ကြားမှုနှင့်သာ သောက်သင့်ပါသည်ကို အမြဲသတိရသင့်သည်။ သူ့ကြောင့် ဆီးခဏခဏသွားခြင်း၊ ခံတွင်းပျက်ခြင်း၊ ပျို့အန်ခြင်းတို့ ဖြစ်နိုင်သော်လည်း ခဏတဖြုတ်သာ သုံးစွဲသူများတွင် မည်သို့သော အခက်အခဲများ မဖြစ်နိုင်သောကြောင့် စိတ်ပူရန်မလိုအပ်ပေ။

.

ကျွန်တော့်ကဲ့သို့ပင် အာနိသင်ပေးပုံချင်းတူသည့် နောက်ဆုံးအဖွဲ့ဝင်မှာ ကယ်လ်စီယမ် ဖြစ်သည်။ သူ့ကို ကယ်လ်စီယမ်ကာဗွန်နိတ်နှင့် ကယ်လ်စီယမ်ဖော့စ်ဖိတ်ပါသော ဆေးများအဖြစ် လူသိများသည်။ သူသည် ကျွန်တော်ကဲ့သို့ပင် ဝမ်းချုပ်နိုင်ပါသည်။ ပိုပြီးတိတိ ကျကျပြောရလျှင် တစ်ပတ်ကို ၅ – ၆ ကြိမ်ထက်ပိုသုံးပါက ထိုပြဿနာကို တွေ့နိုင်သည်။ ကျွန်တော်နှင့် အနည်းငယ် ကွဲပြားသောအချက်မှာ သူတို့သည် ကျောက်ကပ်တွင် ပိတ်ဆို့နိုင်ပြီး သွေးစီးဆင်းမှုကို ဟန့်တားနိုင်ပါသည်။ ကြာရှည်သောက်ပြီး ရေသောက်နည်းလျှင် ကျောက်ကပ်တွင် ကျောက်တည်နိုင်ပါသောကြောင့် မည်သည့် Antacid ကိုသုံးသည်ဖြစ်စေ ရေများများသောက်ပေးရန်လိုသည်ဟု ကျွန်တော်မှ ထပ်ဆင့်အကြံပေးချင်ပါသည်။

.

တချို့သော Antacid များတွင် Semithicone ပါဝင်ပါသည်။ သူသည် ကျွန်တော်တို့ကဲ့သို့ အက်ဆစ်ကို ဓါတ်ပြယ်စေသော အာနိသင် မရှိသော်လည်း အစာအိမ်ထဲတွင် အက်ဆစ်များအမြှုပ်သေစေသည်။ တနည်းအားဖြင့်ဆိုရသော် Semithicone သည် လေပွခြင်းအတွက် အထူးအသုံးဝင်ပါသည်။ သူ့ကို တခြားသော Antacid များနှင့်တွဲပြီးသုံးပါကလည်း ရင်ပူခြင်းကို သက်သာ စေပါသည်။ သို့သော Antacid တိုင်းတွင် သူ မပါဝင်ပေ။ ထို့ကြောင့် လေထခြင်းနှင့်ပတ်သက်သော ဝေဒနာတို့ကို သက်သာ စေရန်အတွက် မိတ်ဆွေတို့သောက်မည့် ဆေး၏အညွှန်းစာရွက်တွင် Antacid ပါ၊ မပါကို သေချာအောင် စစ်ကြည့်သင့်ပါသည်။

.

Semithicone ကဲ့သို့ပင် ကျွန်တော်တို့နှင့် ရံဖန်ရံခါတွဲသုံးတတ်သော နောက်ထပ်ပါဝင်ပစ္စည်းတစ်မျိုးမှာ Alginic Acid ဖြစ်သည်။ သူ့သည် လေချဉ်တက်ခြင်းကိုကောင်းစွာထိန်းချုပ်နိုင်သည့်အတွက် ကျွန်တော်တို့နှင့် တွဲဖက်သုံးစွဲသောအခါ အလွန်အဖိုးတန်သော ဆေးတစ်မျိုးဖြစ်လာသည်။ သို့သော်  Semithicone သည် လည်းကောင်း၊ Alginic Acid သည်လည်းကောင်း လုံးဝကြီးစိတ်ချရသည်တော့မဟုတ်ပေ။ သူတို့သည် အာနိသင်မြန်မြန်ပေးနိုင်သော်လည်း ပြန်ကန်နိုင်သော အာနိသင် (Rebound) ရှိသောကြောင့် ဆေးကို ရပ်လိုက်သောအခါတွင် အက်ဆစ်များအပေါ်ကိုပြန်တက်လာနိုင်သည်။ လေချဉ်တက်ခြင်း၊ အစာရေမြိုပြွန်ရောင်ခြင်းတို့ ပိုဆိုးဝါးလာနိုင်သည်ကို သတိရပေးပါ မိတ်ဆွေ။

.

ဆေးဝါးဆိုသော စကား၏အဓိပ္ပါယ်ကို မိတ်ဆွေတို့မည်သို့လက်ခံသည်ကို ကျွန်တော်မသိသော်လည်း ကျွန်တော်တို့သည် ဓါတုပစ္စည်းများ ဖြစ်သည်ကိုတော့ သတိထားသင့်သည်။ ကျွန်တော်တို့သည် ခန္ဓာကိုယ်ရှိ ပုံမှန်ဖြစ်ပျက်နေသော လုပ်ငန်းဆောင်တာများကို ပြောင်းလဲပေးသူများဖြစ်သည်။ သို့ဆိုရာ ကျွန်တော်တို့ကို အပျင်းပြေ ချိုချဉ်ငုံထားသကဲ့သို့ သုံးစွဲရန်သင့်တော်ပါမည်လော။ ဆေးဆိုသည်မှာ မည်မျှပင် အန္တရာယ်ကင်းသည်ဆို ပါစေ၊ အသုံးမတော်လျှင် ဘေးဖြစ်သည်ကို ကောင်းစွာသိထားပေးသင့်ပါသည်။

.

ကျွန်တော်တို့ကြောင့် အစာအိမ်မှ အက်ဆစ်များအလုပ်လုပ်ရာတွင် အဟန့်အတားဖြစ်ကာ  ခန္ဓာကိုယ်၏ ကျန်းမာရေးအခြေအနေ ယို့ယွင်းလာတတ်သည်ကို လူတော်တော်များများက မေ့လျော့နေကြသည်။ ကျွန်တော် တို့ကြောင့် အစာအိမ်မှ အက်ဆစ်များ အလုပ်လုပ်နိုင်စွမ်း နည်းသွားလျှင် မည်သူက အစာတွေကို ချေဖျက် ပေးပါ မည်နည်း။ အစာချေဖျက်မှုနည်းလာလျှင် ခန္ဓာကိုယ်အတွက် လိုအပ်သော အာဟာရများကို မည်သို့ရယူ နိုင်ပါမည်နည်း။

.

စွမ်းအင်ကျလာသော အက်ဆစ်တို့ကြောင့် ဗီတာမင် ဘီ ၁၂ စုပ်ယူရာတွင် အနှောင့်အယှက်ဖြစ်လာသည်။  အာရုံကြောများအလုပ်လုပ်ရာတွင် အမှားမှားအယွင်းယွင်းဖြစ်လာသကဲ့သို့ ဦးနှောက်၏လုပ်ဆောင်မှုများလည်း ပျက်စီးလာတတ်သည်။ ထိုပြဿနာများသည် အသက်ငယ်သောသူများထက် အသက်ကြီးသော လူကြီးများတွင် ပိုပြီး သတိထားရန်လိုအပ်သည်ဟု ကျွန်တော်တို့ အားလုံးက တညီတညွှတ်တည်း လက်ခံထားကြသည်။

.

အက်ဆစ်အလုပ်လုပ်နိုင်စွမ်းလျော့နည်းမှုကြောင့် ဘီ ၁၂ ကဲ့သို့ပင် ခန္ဓာကိုယ်အတွက် အရေးပါသော ဗီတာမင်များဖြစ်သည့် ဘီ ၁၊ ဘီ ၆၊ ဗီတာမင် အေ၊ ဗီတာမင် အီး၊ ဖောလစ်အက်ဆစ်တို့ကဲ့သို့ သက် စောင့်ဓါတ်များလည်း လျော့နည်းလာပါသည်။ သတ္တုဓါတ်ပါဝင်သော အစားအသောက်များကို ခြေဖျက်နိုင်မှု လျော့ နည်း လာစေခြင်းကြောင့် ခန္ဓာကိုယ်အတွက် လိုအပ်နေသော သံဓါတ်၊ သွပ်ဓါတ်၊ မဂ္ဂနီဆီယမ်၊ ဆီလီနီ ယမ်တို့လည်း လျော့နည်းလာသည်။ တက်ြ<ွကလန်းဆန်းသော ဟန်ပန်တို့ကို ဆုံးရှုံးလာနိုင်သည်။ သတိထားပြုစရာပင်။

.

ကျွန်တော်တို့ကို Over The Counter – OTC ဆေးများ အဖြစ် သတ်မှတ်ထားကြသောကြောင့် အားလုံးသည် စိတ်လွတ်ကိုယ်လွတ်သုံးစွဲကြသည်။ OTC ဆေးများ ဖြစ်သော ကျွန်တော်တို့ပြောသော သတိပေး စကားများသည် ကြီးကျယ်သည်ဟု အားလုံးက ထင်မြင်နိုင်သည်။ လွတ်လပ်စွာ ထင်နိုင်ပါသည်။ သို့သော် ကျွန်တော် တို့ပြောသော စကားတို့ကို အလေးအနက် နားထောင်ပေးပါ။ ကျွန်တော်တို့အကျိုးအတွက်မဟုတ်ဘဲ မိတ်ဆွေတို့ အတွက် စဉ်းစားပေးနေသည်ကို လက်ခံလျှင် ကျွန်တော်တို့ပြောလာသည့် ဓါတ်ပြုမှုများအကြောင်းကို ဂရုစိုက်ပေးပါ။

.

ကျွန်တော်တို့သည် တခြားဆေးများနှင့် ဓါတ်ပြုနိုင်သည်။ ကျွန်တော်တို့ကြောင့် ဓါတ်ပြုမှုများ ပိုပြီးများနိုင်သည်။ အခြားဆေးများကို စုပ်ယူမှုတွင် အဟန့်အတားရစေသောကြောင့် အာနိသင်ပေးသောနေရာ၊ ဘေးထွက် ဆိုးကျိုးတို့တွင် ပိုပြီး ရှုပ်ထွေးလာစေသည်။ ကျောက်ကပ်တွင်လည်း ဆေးများကို စွန့်ထုတ်ခြင်း၊ ပြန်ပြီး စုပ်ယူခြင်း တို့တွင် ပြဿနာများဖြစ်လာသည်။ ထိုသို့သော ပြဿနာတို့ကိုရှောင်လိုလျှင် ကျွန်တော်တို့ကို မသုံးသေးခင် ၁ နာရီအလို၊ သုံးပြီး ၃ နာရီလောက်ကြာသော အခါမှသာ တခြားဆေးများကိုသောက်ရန် အကြံပြုရပါလိမ့်မည်။

.

ကျွန်တော်တို့ကြောင့် တချို့ဆေးများ၏စုပ်ယူမှုလျော့နည်းသွားနိုင်သည်။ Tetracycline, Ciprofloxacin တို့ကဲ့သို့ ပိုးသတ်ဆေးများ၊ မှိုသတ်ဆေးများ၊ ဓါတ်မတည့်မှုအတွက်သုံးသောဆေးများ၊ သံဓါတ်ပါသော ဆေးများ၊ သွေးကျဆေးများ၏ စုပ်ယူမှုကို အနှောင့်အယှက်ဖြစ်စေသည့်အတွက် ထိုဆေးများ အပြည့်အဝအလုပ်မလုပ်နိုင်တော့ပေ။ ထို့အပြင် ကျွန်တော်တို့သည် ဂျင်းကဲ့သို့ အစားအစာတို့ကို မစုပ်ယူအောင် ဟန့်တားသည်။ သို့သော် ကျွန်တော်တို့ကြောင့် အာနိသင်ပိုကောင်းသွားသော ဆေးများလည်း ရှိသည်။ အတက်ရောဂါ၊ ခေါင်းတစ်ခြမ်းကိုက် ရောဂါအတွက်သုံးသော Valporic Acid၊ ဆီးချိုရောဂါ အတွက် သုံးသော Sulphonylureas၊ နှလုံးခုန်သံမှန်ရန် အတွက်သုံးသော Quinidine၊ ခြေတုန် လက်တုန်ရောဂါအတွက် သုံးသော Levodopa? နှလုံးအတွက်သုံးသော Digoxin တို့၏ အာနိသင်ကို ပိုပြီးကောင်းစေသည်။ ထို့ကြောင့် ကျွန်တော်တို့နှင့် တွဲဖက်သုံးစွဲမည်ဆိုလျှင် သူတို့၏ ပမာဏကို ပြန်ပြီးချင့်တွက် ရပေလိမ့်မည်။

.

ကျွန်တော်တို့ကို မည်မျှသုံးမလဲဆိုသည်မှာ ခံစားနေရသော ဝေဒနာ အတိမ်အနက်ကိုလိုက်ပြီး ဆရာဝန်၏ ရွေးချယ်မှုပေါ် မူတည်သည်။ ကျွန်တော်တို့နှင့် တည့်မတည့်၊ တခြားဆေးဝါးများသောက်သုံးနေမှု၊ ကျန်းမာရေး အခြေအနေတို့ပေါ် ချင့်ချိန်ပြီး တတ်ကျွမ်းသည့် ဆရာဝန်က ညွှန်ကြားပါလိမ့်မည်။ ကျွန်တော်တို့ဘက်မှ ပြောနိုင် သော အချက်တော့ရှိသည်။ ဆိုပါစို့၊  ဝါးစားရန်ရည်ရွယ်ပြီး ထုတ်ထားသော ဆေးဆိုလျှင် ဝါးစားပေးပါ၊ ရေများများ သောက်ပေးပါ၊ ငုံဆေးပုံစံဆိုလျှင်လည်း ပါးစပ်ထဲတွင် လုံးဝပျော်သွားချိန်အထိ ထားပေးပါ၊ အရည်ပုံစံ ဆိုလျှင်လည်း မသောက်ခင်သေသေချာချာလှုပ်ပေးပါ၊ စသည်တိုိ့ကို လမ်းညွှန်နိုင်ပါသည်။

.

ကျွန်တော်တို့ကို အက်ဆစ်ထွက်ခြင်းကို ဟန့်တားသောဆေးများနှင့် မရောနှောစေချင်ပါ။ ကျွန်တော် တို့သည် အစာအိမ်တွင် သက်ရောက်ကြသောဆေးများဖြစ်လင့်ကစား၊ ကျွန်တော်တို့ အလုပ်လုပ်သော ပုံစံကွဲပြားကြသောကြောင့် ကျွန်တော်တို့ကို သင့်တော်အောင်သုံးစွဲသည့်နေရာများ ကွာခြားကြသည်။ ကျွန်တော်တို့သည် အာနိသင် မြန်မြန်ပေးနိုင်သည်၊ အာနိသင်ပေးချိန်တိုသည်၊ အချိန်တိုအတွင်း အစာအိမ်နှင့် ပတ်သက်သည့် ဝေဒနာတို့ကို သက်သာပျောက်ကင်းနိုင်စွမ်းအရှိဆုံးဆေး များဖြစ်ကြသည်။ သို့သော် ကျွန်တော်တို့ကို အမြဲသောက်ရန်မလိုအပ်ပေ။ ကျွန်တော်တို့ကို မဆင်မခြင်သုံးမိပါက အန္တရာယ်ရှိလာပါသည်။

.

ကျွန်တော်တို့သည်အစာအိမ်နှင့်ပတ်သက်သော ရောဂါတို့တွင်သုံးနိုင်သော်လည်း အူအတက်ရောင်ခြင်း၊ အူရောင်ခြင်းနှင့်ပတ်သက်သော ရောဂါလက္ခဏာတို့ပြလာလျှင် ကျွန်တော်တို့ကို မသုံးစွဲသင့်ပေ။ ဝမ်းဗိုက်အောက်ပိုင်း ပြင်းထန်စွာနာကျင်ခြင်း၊ ဝမ်းဗိုက်ကြွက်တက်ခြင်း၊ မောခြင်း၊ အန်ခြင်းတို့ပြင်းပြင်းထန်ထန်ခံစားရလျှင်ကျွန်တော်တို့ကို စမ်းတဝါးဝါးသုံးစွဲပြီး အချိန်မဖြုန်းသင့်ကြောင်း ကျွန်တော်တို့က တောင်းဆိုရပါလိမ့်မည်။ မည်သည့်ဆေးကို သုံးစွဲသည်ဖြစ်စေ၊ ဓါတ်မတည့်မှုဖြစ်နိုင်လေရာ ကျွန်တော်တို့ကြောင့်လည်း ဓါတ်မတည့်မှုဖြစ်နိုင်ကြောင်း သတိရ ပေးပါ။

.

အသက်ကြီးသူတစ်ယောက်တွင် အရိုးနှင့်ပတ်သက်သော ပြဿနာရှိနေလျှင် (သို့) သက်ကြီးအတိတ်မေ့ရောဂါ အတွက်  ဆေးများ သောက်သုံးနေလျှင် ကျွန်တော်တို့ကို ဆရာဝန်နှင့်တိုင်ပင်ပြီးမှ သောက်ပါ။ ကျွန်တော် တို့သည် အစာအိမ်နှင့် အူလမ်းကြောင်းရှိ ပြင်းထန်သော သတိပေးချက်တို့ကို ဖုံးကွယ်တတ်လေရာ၊ အသက်ကြီးသူ များတွင် ပိုပြီး သတိထားရပါမည်။ ဆေးသောက်မည်ဆိုတိုင်း အမြဲထည့်သွင်းစဉ်းစားရသည့် ကိုယ်ဝန်ဆောင်သည်နှင့် နို့တိုက်မိခင်တို့တွင်လည်း အညွှန်းကိုသေချာဖတ်ပြီးမှ သောက်ကြပါ ဆိုသည့်အချက်ကို ကလေးများ၏အနာဂတ်ကို ရည်မျှော်ပြီး ကျွန်တော်တို့အားလုံးက တောင်းဆိုချင်ပါသည်။

.

ကျွန်တော်တို့သည် မိတ်ဆွေလူသားအားလုံးကို ကာကွယ်စောင့်ရှောက်ရန် Antacid ဆိုသော အမည်နှင့် ဆေးလောကတွင် ရပ်တည်နေကြသည်။ သို့သော် ကျွန်တော်တို့ကို အမြဲသုံးစွဲရန်မသင့်။ အချိန် ၂ ပတ်ကျော် ကြာ သုံးစွဲသည့်တိုင် မည်သည့်ထူးခြားမှုမျိုးမှ မတွေ့လျှင် ဆရာဝန်နှင့် သွားရောက်တွေ့ဆုံရန် အကြံပေးချင်သည်။ မိတ်ဆွေ၏ နှလုံး၊ ကျောက်ကပ်၊ အရိုးအပါအဝင် ခန္ဓာကိုယ်ရှိ အစိတ်အပိုင်းတိုင်းကို ချစ်မြတ်နိုးလျှင် ကျွန်တော်တို့ နှင့်ပတ်သက်ပြီး သတိရှိပေးပါ။ ကျွန်တော်တို့ကို အားကိုးအားထားပြုပြီး အစားအသောက်မဆင်ခြင်သည့် အပြုအမူကို ရှောင်ပါ။ ကောင်းစွာကျေညက်နိုင်သည့် အစာတို့ကိုစားပါ။ ”ရုပ်ကိုအာဟာရစောင့်သည်” ဆိုလျှင် မျှတသော အာဟာရအတွက် ကျွန်တော်တို့ကို နည်းလမ်းမှန်စွာ အသုံးပြုပေးပါရန် ကျွန်တော်တို့ Antacids အားလုံးမှ တောင်းဆိုချင်ပါသည်။

နှင်းနုလွင် (ဆေးဝါး)

Health For All Magazine

(September, 2010)

ကျွန်တော်တို့ပြောသော ဆေးဝါးများ၏ ဒိုင်ယာရီ (၂) August 21, 2010

ဓါတ်မတည့်မှုပျောက်ဆေးများ

ဆောင်းဝင်လာခါစ အချိန်မျိုးတွင် ကျွန်တော်တို့ကို လက်ကမ်းကြိုဆိုမည့်သူ များလှသည်။ ရာသီဥတုအပြောင်းအလဲကြောင့် လူအများစုတွင်ခံစားရလေ့ရှိသော ဝေဒနာတို့ကို သက်သာစေဖို့ဆိုလျှင် ကျွန်တော်တို့ကို မဖြစ်မနေ မိတ်ဆွေဖွဲ့ရတော့မည်။ လူတစ်ယောက် နှာစေးနေလျှင် ကျွန်တော့်တို့ကို သုံးရတော့မည်။ ကျွန်တော်တို့သည် မိတ်ဆွေ၏ လက်တစ်ကမ်းအကွာတွင် အမြဲရှိနေသော ဆေးများဖြစ်သည်။ ကျွန်တော်တို့လုပ်သော အလုပ်များ အကြောင်းကို ကျွန်တော်မပြောပြဘဲ မည်သူတစ်ဦးတစ်ယောက်မျှ နားလည်လိမ့်မည်မဟုတ်။ ကျွန်တော်တို့အကြောင်းကို ပြောပြမည်ဆိုလျှင် ပထမဆုံး Histamine ဟုခေါ်သော Chemicals များအကြောင်းကို အနည်းငယ်သိထားရန် လိုပါလိမ့်မည်။

လူတစ်ယောက်၏အရေပြားကို ကုတ်ကြည့်လိုက်ပါ။ ခန္ဓာကိုယ်၏ မည်သည့်နေရာမှမဆို အစင်းကြောင်း များ ထွက်ပေါ်လာနိုင်သည်။ ထိုကဲ့သို့ပင် Histamine များသည် ခန္ဓာကိုယ်၏နေရာတိုင်းတွင်ရှိနေပြီး အကြောင်းတိုက်ဆိုင်မှု ရှိလာသည့်အခါ ထွက်ပေါ်လာတတ်သည်။ ရာသီဥတု အပြောင်းအလဲ၊ အအေးမိချိန်၊ ပိုးမွှားများကိုက်ခြင်း၊ သေးငယ်လွန်းသော ဗိုင်းရပ်စ်များ ဝင်ရောက်ချိန်၊ အနာတရဖြစ်ချိန်၊ နေမကောင်း ဖြစ်နေချိန်တို့တွင် Histamine များသည် အလျှိုလျှိုထွက်ပေါ်လာပါသည်။ သူတို့သည် ခန္ဓာကိုယ်ရှိ ကိုယ်ခံစွမ်း အားအဖွဲ့ကြီးနှင့် ထိပ်တိုက် တွေ့ဆုံပြီးနောက် ဓါတ်ပြုမှုများဖြစ်ပွားကာ အကျိုးဆက်အနေဖြင့် နှာရည်ယိုခြင်း၊ နှာခေါင်းပိတ်ခြင်း၊ မျက်စိယားခြင်း၊ လည်ချောင်းယားခြင်း၊ ခန္ဓာကိုယ်တွင် အနီကွက်ထွက်ခြင်းတို့ကို ကြုံတွေ့ရတတ်ပါသည်။

ကျွန်တော်တို့၏တာဝန်သည် ထိုံ Histamine များကို ဆန့်ကျင်တိုက်ဖျက်ပေးရန်ဖြစ်သည်။ ထို့ကြောင့် ကျွန်တော်တို့အုပ်စုကို Histamine ကိုဆန့်ကျင်ပေးသောဆေးများ (Anti-Histamines) ဟု သတ်မှတ်ကြပါ သည်။ နှာစေးပျောက်သောဆေးများ၊ ဓါတ်မတည့်မှုကိုပျောက်စေသောဆေးများ စသည်ဖြင့်လည်း အမျိုးမျိုးခေါ် ကြပါသေးသည်။ အခေါ်အဝေါ်မည်မျှ ပြောင်းလဲစေကာမူ ကျွန်တော်တို့လုပ်ရမည့် တာဝန်သည် အတူတူ ပင်ဖြစ်သည်။ ကျွန်တော်တို့ အုပ်စုထဲတွင် ကျွန်တော်သည် ပထမဆုံးအဖွဲ့ဝင် (First Generation) ဖြစ်သည်။ ကျွန်တော့်၏နာမည်သည် Chlorpheniramine ဖြစ်သော်လည်း ဘာမီတွန်ဟူသော နာမည်ကိုသာ မိတ်ဆွေတို့ ပိုပြီး ရင်းနှီးကြပါလိမ့်မည်။

ကျွန်တော့်ကို ဆေးရည်၊ ဆေးတောင့်၊ ဆေးလုံး စသည်ဖြင့် ပုံစံအမျိုးမျိုးနှင့် တွေ့နိုင်ပါသည်။  အရည်ပုံစံမျိုးနှင့်သောက်လျှင် ပမာဏကို တိတိကျကျ တိုင်းတာဖို့လိုပါလိမ့်မည်။ ဆေးအညွှန်းစာရွက်တွင်ပါသော ပမာဏအတိုင်း သို့မဟုတ်ရင်လည်း ဆရာဝန်တွေရေးပေးလိုက်သော ပမာဏအတိုင်းသာ ချင်တွယ်ရမည်။ အိမ်တွင်သုံးသော ဇွန်းများနှင့်တော့ ကျွန်တော်တိုိ့ကို မတိုင်းစေချင်ပါ။ အိမ်တွင်သုံးသော လဘက်ရည်ဖျော် သည့်ဇွန်းလေးသည် အရည် ၅ မီလီဆန့်သည်ဆိုသော်လည်း အမြဲမတိကျနိုင်ပါ။ ထို့ကြောင့် ဆေးထုတ်လုပ်သော ကုမ္ပဏီများမှ ထည့်ပေးလိုက်သည့် အတိုင်းအတာခွက်ငယ်လေးများကိုသာ သုံးသင့်ကြောင်း ကျွန်တော် အကြံ ပေးချင်ပါသည်။

အစားနှင့်တွဲသောက်ရေး၊ မသောက်ရေးသည် ကျွန်တော်အတွက်ကြီးကျယ်သော ပြသနာမဟုတ်ပါဘူးလို့ ကျွန်တော်က ပြောဆိုချင်ပါသည်။ အကယ်၍ အစာအိမ်နှင့်ပတ်သက်သောရောဂါ တစ်စုံတစ်ရာရှိမည် ဆိုလျှင် တော့ အစာနှင့်တွဲသောက်ခြင်းက ပို၍စိတ်ချရပါသည်။ ကျွန်တော်ထံမှ အာနိသင်ကို ကြာကြာ လိုချင်လျှင် ဆေးသောက်သောအခါတွင် ကြိတ်ခြင်း၊ ချိုးပြီးသောက်ခြင်း၊ ဝါးစားခြင်းတို့ကို မပြုလုပ်ရန် ကျွန်တော်က တာဝန် ရှိသူတစ်ယောက်အနေဖြင့် အသိပေးတားမြစ်ရပါလိမ့်မည်။ မိတ်ဆွေသာ ထိုသို့ပြုလုပ်ခဲ့မည်ဆိုလျှင် ကျွန်တော့်၏ အာနိသင်သည်  မြန်မြန်ကုန်ဆုံးသွားနိုင်သလို ဘေးထွက်ဆိုးကျိုးများကိုလည်း ပိုပြီးခံစားရပါလိမ့်မည်။

ကျွန်တော်ကို တစ်မျိုးတည်းသုံးစွဲကြသလို အခြားဆေးများနှင့်လည်း တွဲပြီးသုံးကြပါသည်။ ဥပမာ ပြောရ လျှင် လူတစ်ယောက်အအေးမိချိန်တွင် သောက်မည့်ဆေးတွင် ကျွန်တော့်ကို ပါရာစီတမော့ နှင့်တွဲသုံးရသည်။ လည်ချောင်းယားပြီး ချောင်းခြောက်ဆိုးနေလျှင် Dextromethorphan နှင့်တွဲသုံးသည်။ လူနာတစ်ယောက်တွင် တစ်စုံတစ်ခုကြောင့် Shock ရခဲ့လျှင် ကျွန်တော့်ကို အကြောဆေးအနေဖြင့် Adrenaline နှင့်တွဲပြီးသုံးနိုင် ပါသည်။ ကျွန်တော်တို့ကို သုံးပြီးအချိန်တိုအတွင်းမှာပင် အမြင့်ဆုံးအာနိသင်ကို ပေးနိုင်ပါသည်။ တစ်ချိန်ကတော့ ကျွန်တော်သည် Histamine နှင့်ပတ်သက်သော ရောဂါတိုင်းတွင် ဆရာတစ်ဆူဖြစ်ခဲ့သည်။ သို့သော် ကျွန်တော့် ၏ အိပ်ငိုက်တတ်သော အားနည်းချက်ကို ထောက်ချင့်ပြီး နောက်ထပ် ဆေးအသစ်များကို ရှာဖွေခဲ့ကြသည်။

ကျွန်တော့်နောက်မှထပ်ထွက်လာသည့် ဒုတိယအုပ်စု Second Generation တွင် Cetirizine & Loratidine တို့သည် အသုံးတွင်ကျယ်သူများဖြစ်သည်။ ဆေးအသစ်များသည် ဦးနှောက်နှင့် အာရုံကြောအတွင်း ဖြတ်သန်းနိုင်မှု နည်းသောကြောင့် အိပ်ငိုက်နိုင်သောအာနိသင်လည်း နည်းသည်။ လူတွေကြားတွင် ပျံနှံမှု များနေသည့် Cetirizine ကို အိပ်ငိုက်ခြင်းမရှိသည့် အဖွဲ့ဝင်အသစ် (Non Sedating Antihistamine) ဟု သတ်မှတ်ကြသော်လည်း သူသည် Loratidine လောက် စိတ်မချရပေ။

သူသည်လည်း  ညွှန်ကြားထားသော ပမာဏအတိုင်း တိတိကျကျ လိုက်နာရန်လိုအပ်ပါသည်။ ပိုပြီးသုံးစွဲမိလျှင် ကျွန်တော်ထက်တောင် အန္တရာယ်ပိုရှိပါသည်။ သူ့ကို ရင်ကြပ်ပန်းနာရောဂါတွင် သုံးသည့် Theophylline ဆေးနှင့်တွဲသုံးလျှင် ပမာဏလျော့ပေးရမည်ကို လူတော်တော် များများ မသိကြပါ။ Cetirizine ကြောင့် သွေးထဲတွင်  Theophylline ပမာဏမြင့်တက်နိုင်ပြီး လူနာများကို ခေါင်းကိုက်ခြင်း၊ ရင်တုန်ခြင်းတို့ကို ထပ်မံဖြစ်စေတတ်သည်ကို အမြဲသတိရပေးပါ မိတ်ဆွေ။

ကျွန်တော်တို့ကို တစ်ခါသုံးဖူးပြီး ဓါတ်မတည့်မှုများ ဖြစ်ပွားဖူးသည်ဆိုလျှင် နောက်တစ်ကြိမ်ထပ်မသုံးဖို့ ကျွန်တော်တို့က တင်းတင်းကြပ်ကြပ် တားမြစ်ရပါလိမ့်မည်။ ကျွန်တော်တို့ကို မိတ်ဆွေ၏ ခန္ဓာကိုယ်မှ လက်မခံ သောကြောင့် နောက်တစ်ကြိမ်ထပ်သုံးမိလျှင် အသက်ကိုပါ စိုးရိမ်ရပါသည်။ ကျွန်တော်တို့ကို မသုံးစေချင်၍ ယခုလို ခြိမ်းခြောက်နေသည်လို့ မထင်ပါနှင့်မိတ်ဆွေ။ ကြိုတင်ရှောင်လို့ရအောင် သတိပေးချင်သည့် ကျွန်တော်၏ စေတနာကို နားလည်စေချင်ပါသည်။

လူများသည် ကျွန်တော်တို့ကို ကြောက်လည်း ကြောက်သည်။ သုံးသော နေရာတွင်လည်း ရဲတင်းပါသည်။ တခြားဆေးများကဲ့သို့ပင် ကျွန်တော်တို့အကြောင်းကို ဘယ်သူကိုမျှ မမေးမြန်း၊ မစူးစမ်းဘဲ သုံးတတ်သည်။ သို့သော် ပမာဏအများကြီး မသုံးသည့်အတွက်၊ အချိန်အကြာကြီးစွဲပြီး မသုံးသည့်အတွက်ကိုတော့ ကြံဖန်ပြီး ကျေးဇူးတင်ရပါသည်။ မိမိသဘောမိမိဆောင်လျက်သုံးကြသည်ဆိုရာဝယ် တတ်ကျွမ်းသူများကို မေးမြန်းပြီးမှသာ သုံးရမည့် လူတန်းစားတွေ ရှိနေပါသေးသည်။

ဆိုပါစို့။ မျက်စိတွင်တိမ်ဖြစ်နေသူများအနေဖြင့် ကျွန်တော်တို့ကို အသုံးပြုလျှင် မျက်စိအတွင်းရှိဖိအား ပိုများလာပြီး ရောဂါအခြေအနေပိုဆိုးလာတတ်ပါသည်။ ထို့အတူ အစာအိမ်ရောဂါရှိသူ၊ ဝမ်းချုပ်နေသူ၊ ကျောက်ကပ်ရောဂါရှိသူများ အနေနှင့်လည်း ကျွန်တော်တို့ကို သတိလေးထားပြီးသုံးစွဲစေချင်ပါသည်။ အမျိုးသား များတွင် ဆီးသွားခြင်း နှင့်ပတ်သက်သည့် ပြဿနာတစ်စုံတစ်ခုရှိနေသည့်အခါ၊ ဆီးကျိတ်ကြီးနေသည့်အခါတို့တွင် ကျွန်တော်တို့ကို အလွယ်တကူမသုံးစေချင်ပါ။

ကိုယ်ဝန်ဆောင်ချိန်တွင် ကျွန်တော်တို့ကို သုံးလို့ရ၊ မရဆိုသော အချက်ကို အခုထက်ထိငြင်းခုန်နေကြဆဲ ဖြစ်သောကြောင့် သုံးပါလို့ မတိုက်တွန်းရက်သလို၊ မသုံးရဘူးလို့ ကျွန်တော်တို့ မတားမြစ်ချင်ပါ။ အထူးသဖြင့် Cetirizine & Loratidine တို့သည် စိတ်မချရသေးသည့်အတွက် အရေးတကြီး သုံးရတော့မည်ဆိုလျှင် ကျွန်တော့်ကိုသာ ဆရာဝန်တွေနှင့် တိုင်ပင်ပြီး သုံးစေချင်ပါသည်။ ကျွန်တော်ကိုယ်တိုင်လည်း အပြစ်အကင်းဆုံး မဟုတ်ပါ။ ကျွန်တော်သည် မိခင်နို့ရည်ကို ဖြတ်သန်းနိုင်သည့်အတွက် နို့စို့နေသည့် ကလေးငယ်လေးဆီကို ရောက်သွားနိုင်ပါသည်။ မိမိတို့ကိုယ်ကိုမိမိတို့ အာမခံချက်မပေးနိုင်သည့်အတွက် တခါတလေတွင်လည်း  ကျွန်တော်တို့ စိတ်မကောင်းဖြစ်မိပါသည်။

ကျွန်တော်တို့သည် တခြားဆေးများနှင့် ဓါတ်ပြုမှုဖြစ်နိုင်ပြီး လူများကို အန္တရာယ်ဖြစ်စေနိုင်ပါသည်။ ကျွန်တော်တို့ကို အရက်သောက်သောအချိန်တွင် သောက်လိုက်လျှင် ကျွန်တော်တို့၏ ဘေးထွက် ဆိုးကျိုး များသည် ပိုပြီးဆိုးဝါးလာနိုင်သည်။ ကြွက်သားများကို ပြေလျော့စေသောဆေးများ၊ စိတ်ကျရောဂါအတွက် ဆေးများကို သုံးစွဲနေရလျှင် ကျွန်တော်တို့ကို မသုံးဘဲနေနိုင်ပါက ပိုကောင်းပါသည်။ အကယ်၍ တွဲသောက်မိလျှင် အိပ်ငိုက်သော အာနိသင်သည် ဆိုးရွားလာရုံမက ပါးစပ်ခြောက်ခြင်း၊ ဆီးကျန်ခြင်း၊ သွေးပေါင် ကျခြင်း၊ အလွန်အမင်း ရင်တုန်ခြင်းများ ဖြစ်နိုင်သောကြောင့် ဆရာဝန်ကို မမေးမြန်းဘဲ မသုံးစေချင်ပါ။ ကျွန်တော်တို့ကို အသုံးပြုနေချိန်တွင် ကဖင်းပါသော ကော်ဖီ၊ ကိုလာတိုိ့ကို သုံးပါက ကျွန်တော်တို့ ကောင်းစွာ အလုပ်လုပ်နိုင်တော့မည်မဟုတ်ပေ။

ကျွန်တော်တို့သည် တခါတရံတွင်လည်း နာမည်ဆိုးနှင့်လည်း ကျော်ကြားတတ်ကြသည်။ ဥပမာ-ယာဉ်၊ စက်မောင်းနှင့်မည့် သူတစ်ယောက်သည် အလုပ်ခွင်ထဲမသွားခင် ကျွန်တော်တို့ကို သောက်လိုက်သည်ဆိုပါစို့။ ကျွန်တော်တို့ကြောင့် ထိုသူသည် အာရုံစူးစိုက်နိုင်စွမ်းလျော့ကျလာလိမ့်မည်။ ယာဉ်၊ စက်တို့ကို ကိုင်တွယ်နိုင်စွမ်း လျော့နည်းလာပြီး အလုပ်ခွင်ထဲတွင် အန္တရာယ်ရှိလာပါသည်။ ထိုအခါမျိုးတွင် ကျွန်တော်တို့သည် နာမည်ကောင်း မရတော့ပေ။ အမှန်တော့ ကျွန်တော်တို့အုပ်စုထဲမှ မည်သည့်ဆေးကိုမဆို ညအိပ်ရာဝင်ခါနီး အချိန်တွင် သုံးစွဲခြင်းသာ အကောင်းဆုံးဖြစ်သည်လို့ ကျွန်တော်တို့က ယုံကြည်ထားပါသည်။

ကျွန်တော်တို့ကိုသုံးစွဲရသည်မှာ အတိုင်းအတာတစ်ခါအထိ စိတ်ချရသည်ဆိုသော်လည်း ရုတ်တရက် ဆေးပမာဏ လွန်သွားတတ်ပါသည်။ ကျွန်တော်တို့သာ သွေးထဲတွင် အရမ်းများသွားပါက ဦးနှောက်နှင့် အာရုံကြောကို ထိခိုက်မိပြီး ထင်ယောင်ထင်မှားဖြစ်ခြင်း၊ စိတ်လှုပ်ရှားလွယ်ခြင်း၊ ကြွက်သားများအလုပ်လုပ်ရာတွင် တစ်ခုနှင့်တစ်ခု အဆက်အစပ်မရှိတော့ခြင်းတို့ ဖြစ်တတ်ပါသည်။ ကျွန်တော်တို့ကို သောက်နေသော အချိန်တွင် ထိုလက္ခဏာမျိုး ပေါ်လာပြီ ဆိုလျှင် သတိထားပါမိတ်ဆွေ။ မကုသဘဲ အချိန်ဆွဲထားမိလျှင် တာရှည်မေ့မြောခြင်း နှင့် နှလုံးပျက်စီး ခြင်းတို့ပါဆက်ဖြစ်လာပြီး လူ၏အသက်ကို ဆုံးရှုံးစေပါလိမ့်မည်။ ထိုကြောင့် ကျွန်တော်ကို တနေ့လျှင် ၂၄ မီလီဂရမ် (ဆေးပြား ၆ ပြား) ၊ Cetirizine ကို ၂ဝ မီလီဂရမ် (ဆေးပြား၂ ပြား)ထက် မပိုရအောင် အထူးသတိထားရပါသည်။

လူတွေသာလျှင် တစ်ယောက်ကိုတစ်ယောက် နားမလည်နိုင်သည်မဟုတ်။ ကျွန်တော်တို့တွင်လည်း တစ်ဦးကိုတစ်ဦး နားမလည်မှုတွေရှိနေသည်။ ကျွန်တော်အနေဖြင့် Cetirizine & Loratidine တိုိ့ကို နားလည်ပေးနိုင်သော်လည်း Cyproheptadine ကိုမူ နားမလည်နိုင်ပါ။ ကျွန်တော်တို့သည် အစာစားချင်စိတ်နှင့် ပတ်သက်ပြီးသိသာသော အာနိသင်မရှိသော်လည်း သူသည် အစာစားချင်စိတ်ကို ထူးထူးခြားခြား လှုံဆော် ပေးပါသည်။ ထို့ကြောင့် ကျွန်တော် တို့အထဲတွင် သူသည် မျက်နှာသာ အပေးခံရဆုံးဖြစ်သည်။ ကျွန်တော်တို့ အားလုံးတွင် အိပ်ငိုက်ခြင်း၊ လည်ချောင်းခြောက်ပြီး ရေငတ်ခြင်း၊ နုံးခြင်း စသည့်တူညီသော ဂုဏ်သတ္တိများ ရှိနေ သော်လည်း သူ့ကိုမူ ”စားကောင်းစေသည်၊ အိပ်ပျော်စေသည်” ဆိုပြီး ပိုအလေးအနက်ထားကာ သုံးစွဲကြသည်။

ကျွန်တော်စဉ်းစားမိသော အချက်တစ်ချက်တော့ ရှိသည်။ လူတစ်ယောက်သည် နေမကောင်းဖြစ်နေသည် ဆိုပါစို့။ ထိုသူ၏ခန္ဓာကိုယ်မှ Seretonin ဟုခေါ်သည့် Chemicals တစ်မျိုးထွက်လာသည်။ ထို Seretonin သည် ဦးနှောက်ရှိ ပြည့်အင့်စေသော ဌာနတွင်သွားရောက် အလုပ်လုပ်သောကြောင့် လူများသည် အစာစားချင်စိတ် လျော့နည်းသွားတတ်သည်။ Cyproheptadine သည် ထို Seretonin များကို အလုပ်လုပ် ခွင့်မရအောင် တားဆီးနိုင်သောကြောင့် အစာစားချင်စိတ်ကို တိုးပွားစေခြင်းဖြစ်မည်။ ထိုအားသာချက်ကြောင့် သူသည် ကျွန်တော်တို့ထက် အားလုံး၏ အရေးပေး ခြင်းကို ခံရခြင်းဖြစ်သည်။

လူတစ်ယောက်၏လက်ချောင်းများသည် အတိုအရှည်မညီသကဲ့သို့ ကျွန်တော်တို့၏ အာနိသင်သည် ကွဲပြားမှုများရှိနေသည်။ ယေဘူယျအားဖြင့် တူညီသည်ဟု ထင်ရသော်လည်း ကျွန်တော်တို့အသီးသီးတွင် အားသာချက်၊ အားနည်းချက်များသည် ကွဲပြားမှုရှိနေတတ်သည်။ ကျွန်တော်တို့သည် ဦးနှောက်နှင့်ဆက်စပ်ပြီး အလုပ်လုပ်ရသူများဖြစ်သောကြောင့် အခြေအနေတိုင်း၊ အချိန်တိုင်းသည် အရေးကြီးနေပါသည်။ ထို့ကြောင့် အိပ်လို့မပျော် ဖြစ်ရုံနှင့် ကျွန်တော်တိုိ့ကို မသုံးစွဲကြပါနှင့်။ ကိုယ်တွင်ယားယံလာသည်ဆိုတိုင်း သုံးစွဲရန်မသင့်။ တတ်ကျွမ်းသူမှ ရွေးချယ်ပေးသော ဆေးအမျိုးအစားတစ်ခုသည် မိတ်ဆွေတို့အတွက် ကျန်းမာရေး စောင့်ရှောက်မှု ပေးပါလိမ့်မည်။ မိတ်ဆွေ မသုံးဘူးသည့် ဆေးတံဆိပ်အသစ်ကိုလည်း မည်သူ့ကိုမျှ မတိုင်ပင်ဘဲ စမ်းသပ်သုံးစွဲခြင်းမျိုး မပြုလုပ်ပါရန် အားလုံးသော Anti-Histamines များကိုယ်စား Chlorpheniramine ခေါ် ကျွန်တော် ဘာမီတွန်မှ တောင်းဆိုလိုက်ပါသည်။

နှင်းနုလွင် (ဆေးဝါး)

Health For All Magazine

July, 2010